11th Aug2015

ພິທີປະກາດແຕ່ງຕັ້ງລັດຖະມົນຕີວ່າການ ກະຊວງ ປກສ

by somchan

ວັນທີ 7 ສິງຫາ 2015 ທີ່ກະຊວງ ປກສ ໄດ້ຈັດພິທີປະກາດແຕ່ງຕັ້ງລັດຖະມົນຕີວ່າການ ກະຊວງ ປກສ ໂດຍການເປັນກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ ມີລັດຖະມົນຕຊ່ວຍວ່າການ, ຄະນະນຳ-ຄະນະບັນຊາ ກົມ ກອງ ອ້ອມຂ້າງກະຊວງປ້ອງກັນຄວາມສະຫງົບເຂົ້າຮ່ວມ.

 

lmt

boudsadee

ທ່ານ ນາງ ບຸດສະດີ ທະນະເມືອງ ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ, ໄດ້ຜ່ານລັດຖະດຳລັດຂອງປະທານປະເທດ ວ່າດ້ວຍການແຕ່ງຕັ້ງ ພົນຈັດຕະວາ ສົມແກ້ວ ສີລາວົງ ກຳມະການສູນກາງພັກເປັນລັດຖະມົນຕີວ່າການກະຊວງປ້ອງກັນນຄວາມສະຫງົບຄົນໃຫມ່. ການປະກາດແຕ່ງຕັ້ງລັດຖະມົນຕີວ່າການກະຊວງ ປກສ ແມ່ນເປັນການປັບປຸງກົງຈັກການຈັດຕັ້ງຂັ້ນນຳພາ-ບັນຊາຂອງກຳລັງປ້ອງກັນຄວາມສະຫງົບໃຫ້ມີຄວາມໜັກແໜ້ນທາງດ້ານການເມືອງແນວຄິດ ເຂັ້ມແຂງທາງດ້ານການຈັດຕັ້ງ ມີລະບຽບວິໄນເຂັ້ມງວດ ສາມາດຕອບສະໜອງກັບໜ້າທີ່ການເມືອງໃນໄລຍະໃໝ່ ແລະ ສົມຄູ່ກັບການພັດທະນາເສດຖະກິດສັງຄົມໃນປະຈຸບັນ.

 

ໂອກາດນີ້ ທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການກົມສູນກາງພັກ ຮອງປະທານປະເທດ ຍັງໄດ້ໃຫ້ທິດຊີ້ນຳຕໍ່ຜູ້ທີ່ໄດ້ຮັບການແຕ່ງຕັ້ງຮັບໜ້າທີ່ໃໝ່ ຕະຫຼອດຄະນະນຳ-ຄະນະບັນຊາ ກຳລັງປ້ອງກັນຄວາມສະຫງົບທຸກສະຫາຍ ຕ້ອງເປັນເຈົ້າການໃນການນຳພາປັບປຸງກໍ່ສ້າງກຳລັງປ້ອງກັນຄວາມສະຫງົບໃຫ້ມີຄວາມໜັກແໜ້ນເຂັ້ມແຂງ ຮັບປະກັນດ້ານປະລິມານແລະ ຄຸນນະພາບ ຊີ້ນຳນຳພາກຳລັງເຫຼົ່າຮົບວິຊາສະເພາະໃຫ້ເຂັ້ມແຂງ ຍົກສູງພາລະບົດບາດການນຳພາບັນຊາ ໃນການສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມໃຫ້ມີທ່າອ່ຽງຫຼຸດລົງ ເພື່ອຮັບປະກັນໃຫ້ປະເທດຊາດມີສະຖຽນລະພາບ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພຶ້ນຖານ.

somkeo

ໃນໂອກາດດຽວກັນນີ້ ພົຈວ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງປ້ອງກັນຄວາມສະຫງົບໄດ້ກ່າວວ່າ: ເພື່ອໃຫ້ສົມຄູ່ກັບຄວາມໄວ້ວາງໃຈຂອງຂັ້ນເທິງໃນຕໍ່ໜ້າຈະສຸມໃສ່ໃນການນຳພາປັບປຸງກໍ່ສ້າງກຳລັງ, ເພີ່ມທະວີແກ້ໄຂປະກົດການຫຍໍ້ທໍ້ໃນສັງຄົມ ແລະ ພາຍໃນກຳລັງໃຫ້ຫຼຸດລົງເທື່ອກ້າວ.

 

Off

Comments are closed.