11th Dec2021

ອະໄພຍະໂທດປ່ອຍຕົວນັກໂທດ ຢູ່ຄ້າຍຄຸມຂັງ-ດັດສ້າງນາໄຫ-ນາໂນ

by Peaung Thanonkeo

ວັນທີ່ 10 ທັນວາ 2021 ຢູ່ຄ້າຍຄຸມຂັງ-ດັດສ້າງ ກອງບັນຊາການ ປກສ ນະຄອນຫຼວງວຽງຈັນ ໄດ້ຈັດພິທີອະໄພຍະໂທດ ແລະ ປ່ອຍຕົວນັກໂທດກ່ອນກຳນົດ ປະຈໍາປີ 2021 ໂດຍການເປັນປະທານຂອງ ພັທ ຄຳເຜີຍ ພິມພິສານ ຫົວໜ້າຄ້າຍຄຸມຂັງ-ດັດສ້າງ ກອງບັນຊາການ ປກສ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ພູວົງ ວົງຄຳຊາວ ຮອງເຈົ້າຄອງ ນະຄອນຫຼວງວຽງຈັນ ມີຄະນະກອງບັນຊາການ ປກສ ນະຄອນຫຼວງວຽງຈັນ, ຫ້ອງວ່າການປົກນະຄອນຫຼວງວຽງຈັນ, ຜູ້ໄດ້ຮັບອະໄພຍະໂທດຈຳນວນ 51 ຄົນ, ຍິງ 14 ຄົນ ແລະ ພາກສ່ວນທີ່ກ່ຽວຂ້ຽວເຂົ້າຮ່ວມ.

ພັທ ຄຳເຜີຍ ພິມພິສານ ຫົວໜ້າຄ້າຍຄຸມຂັງ-ດັງສ້າງ ກອງບັນຊາການ ປກສ ນະຄອນຫຼວງວຽງຈັນ ໄດ້ຂຶ້ນຜ່ານບົດສະຫຼຸບກ່ຽວກັບການຄົ້ນຄົ້ວສະເໜີອະໄພຍະໂທດຂອງຄະນະກຳມະການອະໄພຍະໂທດຂັ້ນ ນະຄອນຫຼວງວຽງຈັນ ປະຈຳປີ 2021 ໂດຍອີງຕາມລັດຖະດຳລັດຂອງປະທານປະເທດສະບັບເລກທີ 212/ປປທ, ລົງວັນທີ 18 ຕຸລາ 2021 ວ່າດ້ວຍການໃຫ້ອະໄພຍະໂທດ; ເຊີ່ງຄ້າຍຄຸມຂັງດັງສ້າງ ປກສ ນວ ໄດ້ຄົ້ນຄົ້ວປ່ອຍໂຕນັກໂທດເນື່ອງໃນວັນຊາດທີ 2 ທັນວາ 2021 ແລະ ປ່ອຍຕົວນັກໂທດກ່ອນກຳນົດໂດຍມີເງື່ອນໄຂ ໄລຍະການແຜ່ລະບາດຂອງພະຍາດໂຄວິດ-19 ທັງໝົດ 51 ຄົນ, ຍິງ 14 ຄົນ; ໃນນີ້ອະໄພຍະໂທດປ່ອຍຕົວ 46 ຄົນ, ຍິງ 13 ຄົນ, ປ່ອຍຕົວຊ່ວງໂຄວິດ 5 ຄົນ, ຍິງ 1 ຄົນ ຍົກຍ້າຍໄປຄ້າຍຄຸມຂັງ-ດັດສ້າງ ກະຊວງປ້ອງກັນຄວາມສະຫງົບ (ຕານປ່ຽວ) 2 ຄົນ

ໃນຕອນທ້າຍທ່ານ ພູວົງ ວົງຄຳຊາວ ຮອງເຈົ້າຄອງ ນະຄອນຫຼວງວຽງຈັນ ໄດ້ໃຫ້ກຽດໂອ້ລົມຕໍ່ນັກໂທດທີ່ໄດ້ຮັບອະໄພຍະໂທດ ແລະ ປ່ອຍໂຕໃນຄັ້ງນີ້ ໂດຍໄດ້ຍົກໃຫ້ເຫັນແນວທາງນະໂຍບາຍຂອງພັກ ແລະ ລັດຖະບານ ໄດ້ວາງແນວທາງປ່ຽນແປງໃໝ່ຮອບດ້ານມີຫຼັກການຂອງພັກ,ກໍ່ສ້າງ ແລະ ຂະຫຍາຍລະບອບປະຊາທິປະໄຕ ປະຊາຊົນ ໂດຍປະຊາຊົນ ແລະ ເພື່ອປະຊາຊົນ ບົນພື້ນຖານລັດຖະທຳມະນູນ ແລະ ກົດໝາຍ ເພື່ອຄຸ້ມຄອງລັດ, ຄຸ້ມຄອງສັງຄົມບົນພື້ນຖານທີ່ວ່າ ພັກນຳພາ-ລັດຄຸ້ມຄອງປະຊາຊົນເປັນເຈົ້າ

ໃນເມື່ອກັບຄືນສູ່ການດຳລົງຊີວິດປົກກະຕິ ຮ່ວມກັບສັງຄົມ ແລະ ຄອບຄົວໃຫ້ປະຕິບັດ

, ຕ້ອງເປັນພົນລະເມືອງດີຂອງຊາດ ຮູ້ຮັກລະບອບປະຊາທິປະໄຕຄືກັບການຮັກຊີວິດຂອງຕົນເອງ

,ປະກອບສ່ວນຢ່າງຕັ້ງໜ້າເຂົ້າໃນການພັດທະນາຄອບຄົວຂອງຕົນເອງ ໃຫ້ກາຍເປັນຄອບຄົວວັດທະນະທຳ, ຄອບຄົວມີຄວາມສະຫງົບ, ມີການຜະລິດ, ສ້າງເສດຖະກິດໃຫ້ມີຄວາມເຂັ້ມແຂງຖືກຕ້ອງຕາມລະບຽບກົດໝາຍ, ມີການປະຢັດມັດທະຍັດ, ຕ້ານການຫຼິ້ນກິນຟຸມເຟືອຍ ແລະ ການດຳລົງຊີວິດແບບບໍ່ຖືກຕ້ອງ.

,ຕັ້ງໜ້າຕ້ານກັບທຸກປະກົດການຫຍໍ້ທໍ້ຂອງສັງຄົມ ເປັນຕົ້ນແມ່ນຕ້ານການຄ້າຂາຍ, ການຂົນສົ່ງການຜະລິດ ແລະ ການເສບຢາເສບຕິດ, ຕ້ານການຂີ້ລັກງັດແງະ, ປຸ້ນຈີ້-ຊິງຊັບ ແລະ ອື່ນໆອັນຈະເປັນການຖືກລົງໂທດຊ້ຳອີກ ໃຫ້ມີສະຕິເປັນເຈົ້າຕົນເອງປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ປະຕິບັດສິດ-ພັນທະຂອງພົນລະເມືອງຢ່າງຄົບຖ້ວນ.

,ສືບຕໍ່ສຶກສາຮໍ່າຮຽນເຊື່ອມຊືມແນວທາງນະໂຍບາຍອັນຖືກຕ້ອງເປັນທໍາຂອງພັກ ກົດໝາຍ ຂອງລັດ, ມີສະຕິເຄົາລົບກົດໝາຍ ແລະ ສະກັດກັ້ນບໍ່ໃຫ້ມີການກະທຳຜິດອີກ.

 

 

Off

Comments are closed.