14th Dec2021

ລາວ ເຂົ້າຮ່ວມກອງປະຊຸມສະໄໝພິເສດ ບັນດາພັກກອມມູນິດ ແລະ ກຳມະກອນ

by Peaung Thanonkeo

ໃນວັນທີ 11 ທັນວາ 2021 ຄະນະຜູ້ແທນພັກ ປປ ລາວ ນຳໂດຍ ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມທາງໄກ ສະໄໝພິເສດຂອງອົງການກອງປະຊຸມສາກົນ ຂອງບັນດາພັກກອມມູ ນິດ ແລະ ກຳມະກອນ ເຊິ່ງຮ່ວມກັນຈັດຂຶ້ນໂດຍພັກກອມມູນິດເກຣັກ ແລະ ພັກ ກອມມູນິດຫວັກກີ ພາຍໃຕ້ຫົວຂໍ້ ສະພາບການພັດທະນາເສດຖະກິດ, ການເມືອງ ແລະ ການ ທະຫານສາກົນ, ປະສົບການຕໍ່ສູ້ຂອງບັນດາພັກກອມມູນິດ ແລະ ກຳມະກອນ ແລະ ປະຊາຊົນ, ຄວາມສາມັກຄີກັບກູບາ, ປະຊາຊົນປາແລັດສະຕີນ ແລະ ປະຊາຊົນທີ່ຕໍ່ສູ້ຕ້ານການຂວໍ້າບາດ, ກົນອຸບາຍ ແລະ ການຮຸກຮານ ຂອງຈັກກະພັດ”. ເຂົ້າຮ່ວມໃນກອງປະຊຸມຄັ້ງນີ້, ມີຜູ້ແທນຈາກ 73 ພັກການເມືອງ ເຊິ່ງເປັນຕົວແທນໃຫ້ແກ່ບັນດາພັກກອມມູນິດ ແລະ ກຳມະກອນ, ພັກຝ່າຍຊ້າຍ ແລະ ຂະບວນການກ້າວໜ້າໃນໂລກ ທີ່ມາຈາກ 57 ປະເທດ.

ໃນກອງປະຊຸມດັ່ງກ່າວ, ຫົວໜ້າຄະນະຜູ້ແທນພັກ ປປ ລາວ ໄດ້ປະກອບຄຳເຫັນ ໂດຍໄດ້ຍົກ ໃຫ້ເຫັນບັນດາສິ່ງທ້າທາຍຂອງສະພາບພາກພື້ນ ແລະ ສາກົນ ໂດຍສະເພາະແມ່ນສະພາບການແຜ່ ລະບາດຂອງພະຍາດໂຄວິດ-19, ເຊິ່ງໄດ້ສົ່ງຜົນກະທົບທາງກົງ ແລະ ທາງອ້ອມ ຕໍ່ການພັດທະນາ ເສດຖະກິດສັງ ຄົມຂອງບັນດາປະເທດໃນໂລກ ກໍ່ຄື ການເຄື່ອນ ໄຫວຂອງບັນດາພັກກອມມູນິດ ແລະ ກຳມະກອນ, ພັກຝ່າຍຊ້າຍ ແລະ ຂະບວນການກ້າວໜ້າໃນໂລກ; ຍົກໃຫ້ເຫັນບົດຮຽນ ແລະ ຜົນສຳເລັດແຫ່ງການຊີ້ນຳ-ນຳພາຂອງ ພັກປະຊາຊົນປະຕິວັດລາວ ໃນພາລະກິດປະຕິວັດຕໍ່ສູ້ຕ້ານພວກ ຈັກກະພັດລ່າເມືອງຂຶ້ນ ເພື່ອນຳເອົາຄວາມເປັນເອກະລາດມາໃຫ້ແກ່ປະເທດຊາດ ແລະ ປະຊາຊົນລາວ ກໍຄື ການປົກປັກຮັກສາ ແລະ ສ້າງສາປະເທດຊາດ ຕາມແນວທາງປ່ຽນແປງໃໝ່ຮອບດ້ານຢ່າງມີ ຫລັກການຂອງພັກ ກ້າວຂຶ້ນຕາມຈຸດ ໝາຍສັງຄົມນິຍົມ, ພ້ອມນີ້, ສະຫາຍ ຫົວໜ້າຄະນະຜູ້ແທນພັກ ປປ ລາວ ຍັງໄດ້ສະແດງຄວາມໝາຍໝັ້ນໃນການສືບຕໍ່ຮ່ວມມືກັບບັນດາພັກການເມືອງໃນພາກພື້ນ ແລະ ສາກົນ ລວມທັງບັນດາພັກກອມມູນິດ ແລະ ກໍາມະກອນ, ພັກຝ່າຍຊ້າຍ ແລະ ຂະບວນການ ກ້າວໜ້າໃນໂລກ ໂດຍຢຶດໝັ້ນໃນແນວທາງການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມື ກໍ່ຄື ຫລັກການຢູ່ຮ່ວມກັນໂດຍສັນຕິ, ແກ້ໄຂບັນຫາດ້ວຍສັນຕິວິທີ ແລະ ບໍ່ແຊກ ແຊງກິດຈະການພາຍໃນເຊິ່ງກັນ ແລະ ກັນ, ຕ່າງຝ່າຍຕ່າງມີຜົນປະໂຫຍດ ເພື່ອສັນຕິພາບ, ສະຖຽນ ລະພາບ, ຄວາມໝັ້ນຄົງ, ການຮ່ວມມືເພື່ອການພັດທະນາ, ຄວາມກ້າວໜ້າທາງສັງຄົມ ແລະ ຄວາມ ຈະເລີນຮຸ່ງເຮືອງຂອງບັນດາປະຊາຊາດໃນໂລກ.

ໃນໂອກາດດັ່ງກ່າວ, ຫົວໜ້າຄະນະຜູ້ແທນລາວ ຍັງໄດ້ຢືນຢັນເຈດຕະນາລົມຂອງພັກ ປປ ລາວ ພ້ອມ ທັງຂໍການສະໜັບສະໜູນຈາກບັນດາພັກກອມມູນິດ ແລະ ກຳມະກອນ ໃນການສະໝັກເຂົ້າເປັນ ສະມາຊິກໜ່ວຍງານວິຊາການຂອງ IMCWP ໃນປີ 2022. ກອງປະຊຸມ ໄດ້ຮັບຮອງເອົາ ຖະແຫລງການຮ່ວມ, ເຊິ່ງໄດ້ທິດທາງເປົ້າໝາຍໃນການເຄື່ອນໄຫວຮ່ວມກັນສຳລັບ ປີ 2022 ເພື່ອເສີມສ້າງການຮ່ວມມືໃນລະດັບສອງຝ່າຍ, ລະດັບພາກພື້ນ ແລະ ສາກົນ ລະຫວ່າງບັນດາພັກ ກອມມູນິດ ແລະ ກຳມະ ກອນ ເພື່ອວາງມາດຕະການປ້ອງກັນ ແລະ ຮັບມືກັບພະຍາດລະບາດ ແລະ ເພີ່ມທະວີຄວາມເຂັ້ມແຂງຂອງລະບົບສາທາລະນະສຸກ; ສະໜັບສະໜູນບັນດາຂໍ້ລິເລີ່ມ ແລະ ການຕໍ່ສູ້ ຂອງຊົນຊັ້ນກຳມະກອນຂອງບັນດາປະເທດໃນໂລກ ເພື່ອສິດທິດ້ານຕ່າງໆ, ຕ້ານການແຊກແຊງ, ກົນອຸບາຍມ້າງເພທຳລາຍ ແລະ ການໂຄ່ນລົ້ມຂອງພວກຈັກກະພັດ, ຕ້ານການຂວໍ້າບາດຕໍ່ກູບາ, ສະໜັ ບສະໜູນການຕໍ່ສູ້ຂອງປະຊາຊົນປາແລັດສະຕິນ ແລະ ບັນຫາອື່ນໆ.

Off

Comments are closed.