14th Dec2021

ກອງປະຊຸມເຊື່ອມຊຶມແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຢູ່ແຂວງໄຊສົມບູນ.

by Peaung Thanonkeo

ໃນວັນທີ 9 ທັນວາ 2021 ນີ້ ທີ່ຫ້ອງປະຊຸມກອງບັນຊາການ ປກສ ແຂວງໄຊສົມບູນ ໄດ້ຈັດ ກອງປະຊຸມເຊື່ອມຊຶມແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ພາຍໃຕ້ການເປັນປະທານຂອງ ພົດ ວັນທອງ ກອງມະນີ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີທ່ານ ພອຍຄຳ ຮຸ່ງບຸນຍວງ ຮອງເລຂາພັກແຂວງ, ຫົວໜ້າຄະນະ ຮັບຜິດຊອບແກ້ໄຂບັນຫາຢາເສບຕິດແຂວງໄຊສົມບູນ, ມີແຂກທີ່ຖືກເຊີນຈາກພາກສ່ວນຕ່າງໆທີ່ ກ່ຽວຂ້ອງອ້ອມຂ້າງແຂວງ ແລະ ເມືອງ ພ້ອມດ້ວຍອະນຸກຳມະການແກ້ໄຂບັນຫາຢາເສບຕິດຂັ້ນແຂວງ ເຂົ້າຮ່ວມ

ໃນກອງປະຊຸມ ພົຈວ ບົວພັນ ອິນທະປັນຍາ ກຳມະການພັກແຂວງ, ເລຂາຄະນະພັກ, ຫົວໜ້ າກອງບັນຊາການ ປກສ ແຂວງ ໄດ້ຜ່ານມະຕິຕົກລົງຂອງນາຍົກລັດຖະມົນຕີ ແລະ ຄຳສັ່ງ ຂອງ ລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການຈັດຕັ້ງປະຕິບັດວາລະແຫ່ງຊາດ ກ່ຽວກັບ ການແກ້ໄຂບັນຫາຢາເສບຕິດ (ປີ2021-2023) ພ້ອມທັງຜ່ານບົດລາຍງານການກະກຽມຄວາມ ພ້ອມ ແລະ ແຜນການເຄື່ອນໄຫວຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບ ຕິດ (ປີ2021-2023) ຂອງແຂວງໄຊສົມບູນ. ຈາກນັ້ນ, ພັອ ບົວພັນ ຟອງມະນີ ຮອງຫົວໜ້າກົມ ໃຫຍ່ຕຳຫຼວດ ໄດ້ຜ່ານເນື້ອໃນ ແລະ ຜ່ານແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ ໄຂບັນຫາຢາເສບຕິດ ໄດ້ແບ່ງອອກເປັນ 03 ໄລຍະຄື: ໄລຍະທີ 01 ແຕ່ເດືອນ ກັນຍາ -ທັນວາ 2021 ເປັນໄລຍະກະກຽມຄວາມພ້ອມ ແລະ ເຊື່ອມຊຶມເອກະສານ, ໄລຍະທີ 02 ແຕ່ເດືອນ ມັງກອນ-ສິງຫາ 2023 ເປັນໄລຍະຈັດຕັ້ງປະຕິບັດແຜນການ ແລະ ແກ້ໄຂບັນຫາຢາເສບຕິດຕາມ ແຜນວຽກຈຸດສຸມທີ່ໄດ້ກຳນົດໄວ້ໃນວາລະແຫ່ງຊາດ ແລະ ໄລຍະ 03 ແຕ່ເດືອນ ກັນຍາ-ທັນວາ 2023 ເປັນໄລຍະສະຫຼຸບ, ປະເມີນຜົນ ແລະ ຕີລາຄາຜົນການຈັດຕັ້ງປະຕິບັດ. ພ້ອມນັ້ນ, ຍັງໄດ້ຜ່ານ ກົດໝາຍວ່າດ້ວຍການປັບປຸງບາງມາດຕາຂອງກົດໝາຍວ່າດ້ວຍຢາເສບຕິດ. ທັງນີ້ ກໍເພື່ອຍົກສູງຄວາມ ຮັບຮູ້ເຂົ້າໃຈ, ເປັນເອກະພາບທາງດ້ານທັດສະນະ ແລະ ຄວາມຮັບຜິດຊອບໃນການນຳພາ-ຊີ້ນຳ ຂອງຄະນະພັກ-ຄະນະບັນຊາແຕ່ລະຂັ້ນຂອງກຳລັງປ້ອງກັນຄວາມສະຫງົບ ໃນການປະຕິບັດຕົວຈິງ; ກຳແໜ້ນເນື້ອໃນສຳຄັນທີ່ເປັນພື້ນຖານ ຮັບປະກັນໃຫ້ແກ່ການແກ້ໄຂບັນຫາຢາເສບຕິດ ດຳເນີນໄປ ຢ່າງເປັນລະບົບ, ຕໍ່ເນື່ອງ, ເດັດຂາດ, ໂປ່ງໃສ, ເຂັ້ມງວດເປັນມືອາຊີບ ແລະ ທັນເວລາ ເພື່ອແນໃສ່ ແກ້ໄຂສາເຫດ ແລະ ເງື່ອນໄຂທີ່ພາໃຫ້ເກີດບັນຫາຢາເສບຕິດ ໃຫ້ຖືກກັບສະພາບຈຸດພິເສດຂອງແຕ່ ລະກົມກອງ, ຂະແໜງການ ແລະ ທ້ອງຖິ່ນແຕ່ລະຂັ້ນ.

 

ໃນກອງປະຊຸມ ພົຕ ວັນທອງ ກອງມະນີ ຍັງໃຫ້ກຽດໂອ້ລົມ ແລະ ເນັ້ນໜັກບາງວຽກງານຄື: ໃຫ້ເອົາໃຈໃສ່ເພີ່ມທະວີວຽກງານໂຄສະນາສຶກສາອົບຮົມ, ເຜີຍແຜ່ລະບຽບກົດໝາຍ ແລະ ຜົນຮ້າຍ ຈາກຢາເສບຕິດ ດ້ວຍຫຼາຍຮູບ, ຫຼາຍສີ, ຫຼາຍວິທີການ ຢ່າງກວ້າງຂວາງແຕ່ຂັ້ນແຂວງລົງຮອດຮາກ ຖານບ້ານ; ຍົກສູງປະສິດທິພາບວຽກງານວິຊາສະເພາະກວດກາ, ຄວບຄຸມ, ສະກັດກັ້ນ ແລະ ແກ້ໄຂ

ບັນຫາຢາເສບຕິດຢ່າງເປັນລະບົບ, ເຂັມແຂງ, ຊອກຮູ້, ແກ້ໄຂເປົ້າໝາຍຜະລິດ, ຂົນສົ່ງ, ຄ້າຍຂາຍ ລາຍໃຫຍ່ ແລະ ແກ້ໄຂພື້ນທີ່ສ່ຽງ ກ່ຽວກັບບັນຫາຢາເສບຕິດ; ຂຶ້ນສະຖິຕິຜູ້ຕິດຢາໃນສັງຄົມໃຫ້ຊັດ ເຈນ ແລະ ສຸມໃສ່ບຳບັດປິ່ນປົວຢູ່ສູນ, ຊຸມຊົນ, ປັບປຸງບັນດາສູນບຳບັດປິ່ນປົວຜູ້ຕິດໃຫ້ມີປະສິດທິ ຜົນ, ມີການເຝິກວິຊາຊີບ ແລະ ແກ້ໄຂຊີວິດການເປັນຢູ່ໃຫ້ດີຂຶ້ນ.

Off

Comments are closed.