14th Dec2021

ການນຳຂັ້ນສູງຂອງລາວ ສົ່ງສານຊົມເຊີຍເຖິງຄູ່ຮ່ວມຕຳແໜ່ງບາເຣນ

by Peaung Thanonkeo

ໃນວັນທີ 13 ທັນວາ 2021 ທ່ານ ທອງລຸນ ສີສຸລິດ ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານສະແດງຄວາມຊົມເຊີຍ ເຖິງສົມເດັດ ເຈົ້າຊີວິດ ຮາມັດ ບິນ ອິຊາ ອາລ ຄາລິຟາຣາຊາທິບໍດີ ແຫ່ງ ຣາຊະອານາຈັກ ບາເຣນເນື່ອງໃນໂອກາດ ວັນຊາດ ແຫ່ງ ຣາຊະອານາຈັກ ບາເຣນ ຄົບຮອບ 50 ປີ.

ເນື້ອໃນສານລະບຸວ່າ: ໃນນາມປະຊາຊົນລາວທຸກຖ້ວນໜ້າ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມ ເດັດ, ລັດຖະບານ ແລະ ປະຊາຊົນ ບາເຣນ ເນື່ອງໃນໂອກາດ ວັນຊາດ ແຫ່ງ ຣາຊະອານາຈັກ ບາເຣນ ຄົບຮອບ 50 ປີ.

ຂ້າພະເຈົ້າ ຕີລາຄາສູງ ຕໍ່ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສາທາ ລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກ ບາເຣນ ຕະຫລອດໄລຍະຜ່ານມາ. ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມດັ່ງກ່າວ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການພັດທະນາໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະ ຊາຊົນສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດມາຍັງ ສົມເດັດ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະຊາຊົນບາເຣນ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງ.

Off

Comments are closed.