12th Aug2015

ສຳເລັດກອງປະຊຸມໃຫຍ່ຂອງອົງຄະນະພັກ ກະຊວງ ປກສ ຄັ້ງທີ 4

by somchan

suamlead-meeting

ກອງປະຊຸມໃຫຍ່ຂອງອົງຄະນະພັກກະຊວງ ປ້ອງກັນຄວາມສະຫງົບຄັ້ງທີ 4 ໄດ້ສຳເລັດລົງວັນທີ12 ສິງຫານີ້ ໂດຍພາຍໃຕ້ການເປັນປະທານຂອງສະຫາຍ ພົຈວ ສົມແກ້ວ ສີລາວົງ ກຳມະການສູນກາງພັກ ຮັກສາການເລຂາຄະນະບໍລິຫານງານພັກກະຊວງ ລັດຖະມົນຕີວ່າການກະຊວງ ປກສ, ໃຫ້ກຽດເຂົ້າຮ່ວມໂດຍສະຫາຍ ບຸນຍັງ ວໍລະຈິດ ກຳມະການສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ, ມີບັນດາຜູ້ແທນສົມບູນ-ສຳຮອງ ຈາກກົມກອງອ້ອມຂ້າງກະຊວງ, ປກສ ນະຄອນຫຼວງວຽງຈັນ ປກສ ແຂວງທົ່ວປະເທດ ແລະ ແຂກຖືກເຊີນເຂົ້າຮ່ວມ.suamlead-meeting-12

ໃນກອງປະຊຸມ ສະຫາຍ ພຈວ ສົມແກ້ວ ສີລາວົງ ກຳມະການສູນກາງພັກ ຮັກສາການເລຂາຄະນະບໍລິຫານງານພັກກະຊວງ ລັດຖະມົນຕີວ່າການກະຊວງ ປກສ ໄດ້ກ່າວໄຂກອງປະຊຸມຢ່າງເປັນທາງການ ພ້ອມທັງຜ່ານບົດລາຍງານການເມືອງ ການຊີ້ນຳ-ນຳພາຂອງຄະນະບໍລິຫານງານພັກກະຊວງ ປກສ ໃນ 5 ປີຜ່ານມາ ເຊິ່ງຍົກໃຫ້ເຫັນຜົນສຳເລັດການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ 3 ຂອງອົງຄະນະພັກກະຊວງ ປກສ, ຜົນສຳເລັດການຈັດຕັ້ງປະຕິບັດ 4 ຄາດໝາຍ 4 ບຸກທະລຸ 4 ໜ້າທີ່ໃຫຍ່ ແລະ 4 ການພົວພັນ ທີ່ກະຊວງ ປກສ ວາງອອກ ເຮັດໃຫ້ກຳລັງ ປກສ ມີການພັດທະນາເຕີບໃຫຍ່ເຂັ້ມແຂງໃນທຸກດ້ານ ສາມາດຮັບປະກັນຄວາມສະຫງົບ ສະຖຽນລະພາບທາງດ້ານການເມືອງໄດ້ຢ່າງໜັກແໜ້ນ ຮັບປະກັນຄວາມເປັນລະບຽບຮຽບຮ້ອຍ ແລະ ປອດໄພຂອງສັງຄົມໄດ້ໂດຍພຶ້ນຖານ. ຜູ້ແທນກອງປະຊຸມຍັງໄດ້ປະກອບຄຳຄິດຄຳເຫັນໃສ່ບົດລາຍງານການເມືອງ ໃນນີ້, ມີຂົງເຂດວຽກງານການເມືອງ ການກໍ່ສ້າງພັກ-ພະນັກງານ, ຂົງເຂດວຽກງານເຫຼົ່າຮົບວິຊາສະເພາະສັນຕິບານ, ວິຊາສະເພາະຕຳຫຼວດ ແລະອື່ນໆ.

ກອງປະຊຸມຍັງໄດ້ປ່ອນບັດຄັດເລືອກເອົາຜູ້ແທນຄະນະບໍລິຫານງານພັກກະຊວງ ປກສ ຊຸດໃຫມ່ ໃນນີ້, ມີຜູ້ສະໝັກ 24 ສະຫາຍ ເລືອກ 21 ສະຫາຍ ແລະ ຜ່ານກອງປະຊຸມຄັ້ງປະຖົມມະເລິກຂອງຄະນະບໍລິຫານງານພັກກະຊວງ ປກສ ຊຸດໃຫມ່ ໄດ້ເຫັນດີເປັນເອກະພາບເລືອກເອົາສະຫາຍ ພົຈວ ສົມແກ້ວ ສີລາວົງ ເປັນເລຂາຄະນະບໍລິຫານງານພັກກະຊວງ ປກສ, ສະຫາຍ ພົຈວ ສິນທະວົງ ໄຊຍະກອນ ແລະ ພົຈວ ກົງທອງ ພົງພິຈິດ ເປັນຮອງເລຂາຄະນະພັກ ແລະ ສະຫາຍ ພົຈວ ສົມຫວັງ ທຳມະສິດ ເປັນປະທານກວດກາພັກ-ລັດ ແລະ ພັອ ດວງປີ ດາມະນີວົງ ເປັນຮອງປະທານກວດກາ, ພ້ອມກັນນີ້ ກອງປະຊຸມຍັງໄດ້ປ່ອນບັດຄັດເລືອກເອົາຜູ້ແທນ 14 ສະຫາຍເພື່ອໄປເຂົ້າຮ່ວມກອງປະຊຸມໃຫຍ່ຄັ້ງທີ່ 10 ຂອງພັກປະຊາຊົນປະຕິວັດລາວ ທີ່ຈະຈັດຂຶ້ນໃນຕໍ່ໜ້ານີ້.

 

 

Off

Comments are closed.