15th Dec2021

ສຳເລັດງານສຳມະນາສື່ມວນຊົນ ລາວ-ຈີນ.

by somchan

ສະມາຄົມນັກຂ່າວແຫ່ງ ສປປ ລາວ ແລະ ສະມາຄົມນັກຂ່າວແຂວງຢຸນນານ ສປ ຈີນ ໄດ້ຮ່ວມກັນຈັດສຳມະນາກ່ຽວກັບການພົວພັນ ລາວຈີນເສັ້ນທາງລົດໄຟ ລາວຈີນ ການປ້ອງກັນພະຍາດໂຄວິດ-19 ແລະ ດ້ານອື່ນໆພ້ອມນີ້ ກໍມີກິດຈະກຳທັດສະນະຕາມເສັ້ນທາງລົດໄຟ ລາວຈີນ ຂອງຄະນະສື່ມວນຊົນລາວຈີນ ແລະ ໄດ້ຮ່ວມກັນຈັດກອງປະຊຸມສຳມະນາແລກປ່ຽນລະຫວ່າງສື່ມວນຊົນລາວຈີນ ໃນຮູບແບບທາງໄກ.

ຊຸດສຳມະນາດັ່ງກ່າວປະກອບມີ ການເປີດຊຸດສຳມະນາແລກປ່ຽນບົດຮຽນລະຫວ່າງສະມາຄົມນັກຂ່າວແຫ່ງ ສປປ ລາວ ແລະ ສະມາຄົມນັກຂ່າວແຂວງຢຸນນານ ສປ ຈີນ ຊຶ່ງຈັດຂຶ້ນເມືອລະຫວ່າງວັນທີ 30 ພະຈິກ4 ທັນວາ 2021 ການສຳມະນາທັດສະນະຕາມເສັ້ນທາງລົດລົດໄຟ ລາວຈີນ ຂອງຄະນະສື່ມວນຊົນລາວ ແລະ ຈີນ ຈັດຂຶ້ນວັນທີ 13-14 ທັນວາ 2021 ນຳພາຄະນະຝ່າຍລາວໂດຍ ທ່ານ ຣັດສະຫມີ ດວງສັດຈະ ເລຂາທິການສະມາຄົມນັກຂ່າວແຫ່ງ ສປປ ລາວ ມີຕາງຫນ້າຈາກກົມສື່ມວນຊົນກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ແລະ ສື່ມວນຊົນຈາກສູນກາງ ແລະ ທ້ອງຖິ່ນ ຝ່າຍຈີນນຳໂດ ທ່ານ ນາງ ເຢ້ ຫຼົງ ຮອງເລຂາທິການສະມາຄົມນັກຂ່າວແຂວງຢຸນນານ ແລະ ສື່ມວນຊົນຈີນ ເຂົ້າຮ່ວມ.

ຈຸດປະສົງຂອງຊຸດສຳມະນາຄັ້ງນີ້ ແມ່ນເພື່ອເພີ່ມທະວີການຮ່ວມມືລະຫວ່າງສື່ມວນຊົນລາວ ແລະ ຈີນ ຊຸກຍູ້ສົ່ງເສີມມິດຕະພາບ ແລະ ການໄປມາຫາສູ່ລະຫວ່າງຜູ້ເຮັດວຽກສື່ມວນຊົນລະຫວ່າງສອງປະເທດ ເພື່ອປະກອບສ່ວນເຂົ້າໃນການລົງເລິກການຮ່ວມມື້ລະຫວ່າງວອງປະເທດ ລາວຈີນ ແລະ ການຮ່ວມມືລະຫວ່າງ ອາຊຽນຈີນ ໃນຂົງເຂດຕ່າງໆ.

ສຳລັບກອງປະຊຸມສຳມະນາຄັ້ງນີ້ ຄະນະສື່ມວນຊົນຂອງລາວ ແລະ ຈີນກໍໄດ້ຜັດປ່ຽນກັນຂຶ້ນປະກອບຄວາມຄິດຄວາມເຫັນ ແລະ ປ່ຽນບົດຮຽນເຊິ່ງກັນ ແລະ ກັນ ສະແດງໃຫ້ເຫັນເຖິງຄວາມສາມັກຄີລະຫວ່າງສື່ມວນຊົນລາວ ແລະ ຈີນ ຈິ່ງເຮັດໃຫ້ກອງປະຊຸມຄັ້ງນີ້ສຳເລັດຜົນຢ່າງຈົບງາມ.

 

Off

Comments are closed.