15th Dec2021

ປກສ ເມືອງດາກຈຶງ ເຊື່ອມຊຶມວາລະແຫ່ງຊາດ ວ່າດ້ວຍແກ້ໄຂບັນຫາຢາເສບຕິດ.

by somchan

ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ປກສ ເມືອງດາກຈຶງ ເຊື່ອມຊຶມວາລະແຫ່ງຊາດ ວ່າດ້ວຍແກ້ໄຂບັນຫາຢາເສບຕິດ ໃນວັນທີ 14 ທັນວາ 2021 ໂດຍມີ ທ່ານ ພົຈວ ສົມໄຊ ພູລະຄໍາມະນີ ຫົວໜ້າກອງບັນຊາການ ປ້ອງກັນຄວາມສະຫົງບແຂວງເຊກອງ, ມີຫົວໜ້າພະແນກ, ຮອງພະແນກ, ຫົວໜ້າ ປກສ ກຸ່ມ ພ້ອມດ້ວຍອົງການປົກຄອງບ້ານທົ່ວເມືອງດາກຈຶງ ເຂົ້າຮ່ວມ.

ພົຈວ ສົມໄຊ ພູລະຄໍາມະນີ ໄດ້ກ່າວວ່າ: ການຈັດຕັ້ງເຜີຍແຜ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແມ່ນມີຄວາມສໍາຄັນ ແລະ ຈໍາເປັນທີ່ສຸດເພາະເປັນການ ຍົກສູງຄວາມຮູ້, ຄວາມເຂົ້າໃຈ ຄວາມເປັນເອກະພາບທາງດ້ານທັດສະນະ ແລະ ຄວາມຮັບຜິດຊອບ ໃນການຊີ້ນຳນໍາພາ ຂອງຄະນະພັກ-ຄະນະບັນຊາແຕ່ລະຂັ້ນ ຂອງກຳລັງປ້ອງກັນຄວາມສະຫງົບ ໃນການປະຕິບັດວຽກຕົວຈິງ, ທັງກໍາໄດ້ເນື້ອໃນທີ່ເປັນພື້ນຖານ, ຮັບປະກັນໃຫ້ແກ່ການແກ້ໄຂ ບັນຫາຢາເສບຕິດດໍາເນີນເປັນລະບົບຕໍ່ເນຶ່ອງ, ເດັດຂາດ, ໂປ່ງໃສ, ເຂັ້ມງວດ, ເປັນມືອາຊີບ ແລະ ທັນເວລາ, ພ້ອມທັງແກ້ໄຂ ສາເຫດ ເງື່ອນໄຂທີ່ພາໃຫ້ເກີດບັນຫາຢາເສບຕິດ ໃຫ້ຖືກກັບສະພາບຈຸດພິເສດ ແຕ່ລະກົມກອງຂະແໜງການ ແລະ ທ້ອງຖິ່ນແຕ່ລະຂັ້ນ ໂດຍປະຕິບັດຕາມ ຄໍາສັ່ງຂອງນາຍົກລັດຖະມົນຕີ ຄໍາສັ່ງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການຈັດ ຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ການຈັດຕັ້ງຜັນຂະ ຫຍາຍວາລະແຫ່ງຊາດ ແລະ ແຜນດຳເນີນງານຂອງ ກອງບັນຊາການປ້ອງກັນຄວາມສະຫງົບ ວ່າດ້ວຍການແກ້ໄຂບັນຫາຢາເສບຕິດ (2021-2023).

ໂອກາດນີ້,  ພົຈວ ສົມໄຊ ພູລະຄໍາມະນີ ຍັງໄດ້ຮຽກຮ້ອງໃຫ້ຄະນະພັກ-ຄະນະບັນຊາ ຈົ່ງພ້ອມກັນເອົາໃຈໃສ່ຈັດຕັ້ງເຜີຍແຜ່ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຕ່ລະກຸ່ມບ້ານພາຍໃນເມືອງ ໃຫ້ກຳລັງປ້ອງກັນຄວາມສະຫງົບຢູ່ຂັ້ນຮາກຖານ, ພ້ອມທັງເອົາໃຈໃສ່ໂຄສະນາຜົນຮ້າຍ, ຜົນກະທົບຂອງຢາເສບຕິດ ໃຫ້ສັງຄົມຮັບຮູ້, ສ້າງຄວາມແຂ້ມແຂງທາງດ້ານຄອບຄົວ, ສ້າງບ້ານປອດຢາເສບຕິດ-ຕິດພັນກັບການສ້າງບ້ານປ້ອງກັນຄວາມສະຫງົບສຸກ ແລະ ການແກ້ໄຂບັນຫາກຳລັງເຈົ້າໜ້າທີ່ມີການພົວພັນກັບບັນຫາຢາເສບຕິດ.

Off

Comments are closed.