15th Dec2021

ວັນທີ 15 ທັນວາ 2021 ລາວ ມີຜູ້ຕິດເຊື້ອພະຍາດໂຄວິດ-19 ສະສົມ 93.061 ຄົນ ແລະ ເສຍຊີວິດສະສົມ 256 ຄົນ.

by somchan

ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ປະຈໍາວັນທີ 15 ທັນວາ 2021 ຈາກສູນປະຕິບັດງານຄະນະສະເພາະກິດຄວບຄຸມ COVID-19 ວ່າ:  ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ  ໃນວັນທີ 14 ທັນວາ 2021 ຈໍານວນ 5.792 ຄົນ, ພົບວ່າມີຜູ້ຕິດເຊື້ອໃຫມ່ເພີ່ມອີກ 1.245 ຄົນ ໃນນີ້ ກໍລະນີຕິດເຊື້ອຢູ່ພາຍໃນ 1.243 ຄົນ, ກໍລະນີນໍເຂົ້າ 2 ຄົນ ແລະ ມີຜູ້ເສຍຊີວິດໃຫມ່ 6 ຄົນ. ເຮັດໃຫ້ ສ ປປ ລາວ ໃນປັດຈຸບັນ ມີຜູ້ຕິດເຊື້ອສະສົມທັງຫມົດ 93.061 ຄົນ ແລະ ມີຜູ້ເສຍຊີວິດສະສົມທັງຫມົດ 256 ຄົນ.

 

 

Off

Comments are closed.