15th Dec2021

1 ປີຜ່ານມາ ເມືອງຫາດຊາຍຟອງ ມີຄະດີອາຍາເກີດຂື້ນທັງຫມົດ 137 ເລື່ອງ, ແກ້ໄຂຄະດີຢາເສບຕິດໄດ້ 100 ເລື່ອງ.

by somchan

ທ່ານ ບຸນເພັງ ສີນະວົງພອນ ເລຂາພັກເມືອງ ເຈົ້າເມືອງໆຫາດຊາຍຟອງໄດ້ໃຫ້ສຳພາດວ່າ : ເພື່ອເປັນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດແຕ່ປີ 2021 – 2023 ພາຍຫລັງທີ່ສະພາຮັບຮອງໃຫ້ປະກົດຜົນເປັນຈີງ ເວົ້າລວມເວົ້າສະເພາະ ແມ່ນການຮັກສາຄວາມສະ ຫງົບຄວາມເປັນລະບຽບຮຽບຮ້ອຍພາຍໃນເມືອງຫາດຊາຍຟອງ ເຈົ້າຫນ້າທີ່ທຸກພາກສ່ວນໄດ້ສົບທົບກັບອຳນາດການປົກຄອງແຕ່ລະຂັ້ນ ຈັດຕັ້ງປະຕິບັດຢ່າງຕັ້ງຫນ້າ ແລະ ເອົາຈິງເອົາຈັງ.

ເມືອງ​ຫາດ​ຊາຍ​ຟອງ​ແມ່ນ​ໜຶ່ງ​ໃນ 09 ຕົວ​ເມືອງ​ ຫ່າງ​ຈາກ​ນະຄອນຫຼວງ​ວຽງ​ຈັນ​ປະມານ 20 ກິ​ໂລ​ແມັດ, ຕັ້ງຢູ່​ລຽບ​ຕາມ​ລຳ​ແມ່​ນໍ້າຂອງ​ປະມານ 50 ກິ​ໂລ​ແມັດ, ມີ​ເນື້ອ​ທີ່​ທັງ​ໝົດ 258 ກິ​ໂລ​ແມັດ ຫຼຶ ​ເທົ່າ​ກັບ 25, 800 ​ເຮັກຕາ,ມີ​ດ່ານ​ເຂົ້າ-ອອກ ລະຫວ່າງ​ປະ​ເທດ 02 ​ແຫ່ງ​ຄື: ດ່ານ​ສາກົນ​ຂົວ​ມິດຕະພາບ ລາວ-​ໄທ 1 ແລະ ດ່ານ​ທ້ອງ​ຖິ່ນ​ທ່າ​ເດື່ອ ພ້ອມ​ນັ້ນຍັງ​ມີ​ສະຖານ​ນີລົດ​ໄຟ​ທ່າ​ນາ​ແລ້ງ, ປະກອບ​ມີ 60 ບ້ານ. ໃນນັ້ນ,  ​ມີ 36 ບ້ານຕັ້ງຢູ່​ລຽບ​ແມ່ນ້ຳຂອງ, ມີພົນລະ​ເມືອງ​ທັງ​ໝົດ 101.721 ຄົນ, ຍິງ 41.498 ຄົນ, ຈາກຈຸດພິເສດດັ່ງກ່າວເຮັດໃຫ້ເປັນເມືອງທີ່ມີຄວາມສ່ຽງ ທີ່ຈະມີການລໍາລຽງຂົນສົ່ງຢາເສບຕິດ ເຂົ້າ – ອອກ ດັ່ງນັ້ນ ອຳນາດການປົກຄອງພາຍໃນເມືອງຈື່ງໄດ້ເຂັ້ມງວດເປັນພິເສດກ່ຽວກັບການຮັກສາຄວາມສະຫງົບລຽບຕາມຊາຍແດນ ຄຽງຄູ່ກັບການແກ້ໄຂປະກົດການຫຍໍ້ທໍ້ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ ຕິດພັນກັບການຈັດຕັ້ງປະຕິບັດວາລະແຫ່ງຊາດ ສະແດງອອກໃນໄລຍະ 1 ປີຜ່ານມາ ໄດ້ຫັນເອົາກໍາລັງລົງກໍ່ສ້າງຮາກຖານການເມືອງ 55 ສະຫາຍ ໄກ່ເກ່ຍຄະດີ ແລະ ແກ້ໄຂປະກົດການຫຍໍ້ທໍ້ຢູ້ຂັ້ນຮາກຖານ, ກວດກາສໍາມະໂນຄົວ, ຂື້ນບັນຊີຄົນພັກເຊົາ ມີ 74 ຄົນ ຍີງ 38 ຄົນ, ອອກບັດປະຈຳຕົວທັນສະໄຫມໄດ້ 893 ຄົນ ຍີງ 446 ຄົນ, ຂື້ນບັນຊີຄຸ້ມຄອງອາຊີບ ແລະ ພາຫະນະພິເສດ ທົ່ວເມືອງມີ ໂຮງແຮມ 70 ແຫ່ງ, ເຮືອນພັກ 16 ແຫ່ງ, ຮ້ານກິນດື່ມ 49 ແຫ່ງ, ຮ້ານຄາລາໂອເກາະ 13 ແຫ່ງ, ຂື້ນບັນຊີຄຸ້ມຄອງເຮືອຈັກໄດ້  360 ລຳ, 1 ປີຜ່ານມາມີຄະດີອາຍາເກີດຂື້ນທັງຫມົດ 137 ເລື່ອງ, ແກ້ໄຂໄດ້ 131 ເລື່ອງ, ກັກຕົວມາດໍາເນີນຄະດີໄດ້ 171 ຄົນ, ແກ້ໄຂຄະດີຢາເສບຕິດໄດ້ 100 ລາຍ ກັກຕົວຕ້ອງຫາໄດ້ 155 ຄົນ ຍິງ 12 ຄົນ ຍຶດຢາເສບຕິດໄດ້ 58,448 ເມັດ ຢາໄອ 11 ຖົງ ເຮໂລອິນ 2 ເປົາ ມີ 200 ແທ່ງ ນ້ຳຫນັກ 76 ກິໂລ,ຢາໄອ 10 ເປົາ ມີ 611 ກ້ອນ ນໍ້າຫນັກ 420 ກິໂລ ,ໃນນີ້ເດັ່ນກວ່າຫມູ່ ພາຍຫລັງທີ່ສະພາຮັບຮອງເອົາການແກ້ໄຂບັນຫາຢາເສບຕິດເຂົ້າໃນວາລະແຫ່ງຊາດ ທາງເມືອງແມ່ນສາມາດມ້າງລາຍຄະດີຢາເສບຕິດຫລາຍໃຫຍ່ ໃນຄັ້ງວັນທີ 6 ທັນວາ 2021 ຢູ່ທີ່ບ້ານຖີ່ນແທ່ນ, ສາມາດຢຶດຢາເສບຕິດໄດ້ເປັນຈຳນວນຫລວງຫລາຍ ແລະ ຂື້ນບັນຊີຄຸ້ມຄອງເປົ້າຫມາຍປະເພດຕ່າງໆໄດ້ 906 ຄົນ, ຍິງ54 ຄົນ. ທ່ານເຈົ້າເມືອງຫາດຊາຍຟອງຍັງໄດ້ລາຍງານກ່ຽວກັບການປະຕິບັດແຜນພັດທະນາເສດຖະກິດ-ສັງຄົມຂອງເມືອງ ໃນໄລຍະຜ່ານມາ ເພື່ອເປັນການສ້າງເງື່ອນໄຂພັດທະນາປັບປຸງຊີວິດການເປັນຢູ່ໃຫ້ດີຂຶ້ນ ແລະ ເຮັດໃຫ້ປະຊາຊົນຫັນມາປະກອບອາຊີບທີ່ຖືກຕ້ອງຕາມກົດໝາຍ ແລະ ບໍ່ພົວພັນກັບຢາເສບຕິດ ເຊັ່ນ: ຊຸກຍູ້ບັນດາໂຄງການລົງທຶນຂອງລັດທີ່ໄດ້ຮັບອະນຸມັດໃນ ປີ 2021ມີທັງໝົດ 40 ໂຄງການ ລວມມູນຄ່າທັງໝົດ 144.133,17 ລ້ານກີບ. ໄດ້ຮັບອະນຸມັດພາຍໃນປີ ມູນຄ່າ 992,62 ລ້ານກີບ ໃນນັ້ນໂຄງການສືບຕໍ່ມີ 21 ໂຄງການ, ໂຄງການຊຳລະໜີສິນ 19 ໂຄງການ, ລົງເຜີຍແຜ່ຄ່າຊົດເຊີຍ ໃຫ້ປະຊາຊົນຜູ້ທີ່ຖືກຜົນກະທົບ 5 ບ້ານ ຈາກໂຄງການລົງທຶນ ພັດທະນາບຶງ   ໜອງແວງ ແລະ ໂອ້ລົມລະດົມແນວຄິດໃຫ້ປະຊາຊົນທີ່ຖືກຜົນກະທົບຈາກໂຄງການດັ່ງກ່າວ ຈຳນວນ 5 ບ້ານຄື: ບ້ານໜອງແວງ, ສົມຫວັງເໜືອ, ສົມຫວັງໃຕ້, ສົມສະໜຸກ ແລະ ບ້ານດອນດູ່, ​ສຳ​ເລັດ​ການປັບປຸງ​ປົວ​ແປງ ​ເສັັ້ນທາງດິນ​​ແດງ ​ແຕ່​ບ້ານ ນາ​ໄຫ-(ທາງ​ເບ​ຕົງ​ດົງ​ຄຳ​ຊ້າງ-ສະ​ໜາມກ໊ອບ) ຍາວ 3.240 ​ແມັດ. ​ເສັ້ນທາງ​ແຕ່ບ້ານ ນາ​ໄຮ່ – ບ້ານ ສີ​ຖານ​ໃຕ້ – ບ້ານ ຊາຍ​ຟອງ​ເໜືອ, ຍາວ 09 ກມ, ​ເສັ້ນທາງ ແຕ່ ບ້ານນາ​ໄຮ່ – ບ້ານສີ​ຖານ​ໃຕ້.​ ເສັ້ນທາງ ແຕ່ ບ້ານຊຽງຄວນ – ບ້ານໜອງ​ແປນ​ໃຕ້. ​ເສັັ້ນທາງ ​ແຕ່ ບ້ານຖິ່ນຕົມ-ບ້ານຄຳຈະເລີນ-ຖະໜົນ450ປີ . ​ເສັ້ນທາງ ແຕ່ ບ້ານສະຫວ່າງ – ບ້ານສາລະ​ຄໍາ. ​ເສັ້ນທາງ ແຕ່ ບ້ານຫົວ​ຫ້າ-ບ້ານຫາດ​ກັນຊາ-ບ້ານດອນ​ເກີດ. ລົງເກັບກຳຂໍ້ມູນສິ່ງປຸກສ້າງເທີບຕາມເສັ້ນທາງຖະໜົນ ທ່າເດື່ອ, ເມືອງ ຫາດຊາຍຟອງ, ແຂວງ ນະຄອນຫຼວງວຽງຈັນ, ພົບເຫັນຈຳນວນ 72 ຫົວໜ່ວຍ.

 

Off

Comments are closed.