15th Dec2021

ປກສ ເມືອງຫາດຊາຍຟອງ ສຸ່ມໃສ່ສະກັດກັ້ນ ແລະ ແກ້ໄຂບັນຫາຢາເສບຕິດ.

by somchan

ໃນການຈັດຕັ້ງຜັນຂະຫຍາຍວາລະແຫ່ງຊາດຕ້ານຢາເສບຕິດ ໃນໄລຍະປີ 2021-2023 ໃຫ້ປະກົດຜົນສຳເລັດ, ກອງບັນຊາການ ເມືອງຫາດຊາດຟອງ ໄດ້ສຸມໃສ່ສະກັດກັ້ນ ແລະ ແກ້ໄຂບັນຫາຢາເສບຕິດພາຍໃນເມືອງຢ່າງເຂັ້ມແຂງ, ກຳແໜ້ນແນວທາງນະໂຍບາຍຂອງພັກ-ລັດ ແລະ ເປັນເຈົ້າການຈັດຕັ້ງຜັນຂະຫຍາຍດ້ວຍຄວາມຕັ້ງໜ້າຢ່າງຫ້າວຫັນ.

ພັທ ວຽງທອງ ຜາງພິລາວົງ ຫົວໜ້າກອງບັນຊາການ ປກສ ເມືອງຫາດຊາຍຟອງ ໄດ້ໃຫ້ສຳພາດໃນວັນທີ 14 ທັນວາ 2021 ວ່າ: ໃນການປະຕິບັດໜ້າທີ່ວຽກງານຕະຫຼອດໄລຍະທີ່ຜ່ານມາ, ຕິດພັນກັບວາລະແຫ່ງຊາດຕ້ານຢາເສບຕິດ, ໃນນີ້ໄດ້ສຸ່ມໃສ່ແກ້ໄຂປະກົດການຫຍໍ້ທໍ້ ກໍຄືການແກ້ໄຂບັນຫາຢາເສບຕິດ ເປັນຕົ້ນຕໍແມ່ນໄດ້ສຸມໃສ່ບັນຫາວຽກງານຊາຍແດນ, ການແພ່ລະບາດຂອງພະຍາດໂຄວິດ-19, ແກ້ໄຂປະກົດການຫຍໍ້ທໍ້ຢ່າງພາຍໃນສັງຄົມ. ໂດຍສະເພາະວຽກການແຜ່ລະບາດຂອງພະຍາດໂຄວິດ-19 ໂດຍອີງໃສ່ທິດຊີ້ນໍາ ກໍ່ຄືຄໍາສັ່ງແຈ້ງການຂອງທ່ານນາຍົກລັດຖະມົນຕີ ວ່າດວ້ຍການປ້ອງກັນການແຜ່ລະບາດຂອງພະຍາດໂຄວິດ-19 ກໍ່ຄືຄະນະສະເພາະນະຄອນຫຼວງ ເຊິ່ງໄດ້ຈັດຕັ້ງຜັນຂະຫຍາຍ ເປັນຕົ້ນແມ່ນການຊີ້ນຳໂດຍໃຫ້ ປກສ ກຸຸ່ມບ້ານສົມທົບກັບເລຂາພັກ ເຮັດວຽກງານປ້ອງກັນໂຄສະນະສຶກສາອົບຮົມໃຫ້ປະຊາຊົນເຂົ້າໃຈ ເຖິງຜົນຮ້າຍຂອງພະຍາດໂຄວິດ-19 ແລະ ວິທີປ້ອງກັນ C1 ແລະ C2 ປ້ອງກັນແນວໃດ.  ພ້ອມທັງຈັດຕັ້ງປະຕິບັດຕໍ່ຄໍາສັ່ງຂອງຄະນະສະເພາະກິດຂັ້ນນະຄອນຫຼວງ ຈັດຕັ້ງດ່ານກວດເຂົ້າ-ອອກເມືອງຢ່າງເປັນປົກກະຕິ. ຕິດພັນກັບການແກ້ໄຂປະກົດການຫຍໍ້ທໍ້ ພາຍໃນສັງຄົມ ເປັນຕົ້ນແມ່ນການປຸ້ນຈີ້ຊິງຊັບ, ລັກຊັບພົນລະເມືອງ, ບັນຫາຢາເສບຕິດ ໂດຍຂຶ້ນບັນຊີບັນເປົ້າໝາຍ, ກຳເປົ້າໝາຍ, ແກ້ໄຂເປົ້າໝາຍ. ພົ້ນເດັ່ນໃນ 1 ປີ ຜ່ານມາ, ມີຄະດີອາຍາທົ່ວໄປເກີດຂຶ້ນທັງໝົດ 173 ເລື່ອງ, ສາມາດແກ້ໄຂໄດ້ 131 ເລື່ອງ, ກັກຕົວດຳເນີນຄະດີໄດ້ 171 ຄົນ ຍິງ 10 ຄົນ, ຄະດີເກີດຂຶ້ນຫຼາຍກ່ວາໝູ່ແມ່ນລັກຊັບພົນລະເມືອງ 74 ເລື່ອງ ແກ້ໄຂຄະດີຢາເສບຕິດໄດ້ 100 ລາຍ ກັກຕົວຕ້ອງຫາໄດ້ 155 ຄົນ ຍິງ 12 ຄົນ ຍຶດຢາເສບຕິດໄດ້ 58,448 ເມັດ ຢາໄອ 11 ຖົງ ເຮໂລອິນ 2 ເປົາ ມີ 200 ແທ່ງ ນ້ຳຫນັກ 76 ກິໂລ,ຢາໄອ 10 ເປົາ ມີ 611 ກ້ອນ ນໍ້າຫນັກ 420 ກິໂລກຣາມ.

ນອກນັ້ນ ປກສ ເມືອງຫາດຊາຍຟອງ ໄດ້ເອົາໃຈໃສ່ເຂັ້ມງວດມາດຕະການຜ່ອນຜັນ ອະນຸຍາດໃຫ້ນໍາໃຊ້ເຮືອຫາປາຢູ່ຕາມແມ່ນໍ້າຂອງທີ່ຕິດຊາຍແດນ, ບຸກຄົນ ແລະ ກຸ່ມສະມາຄົມຊາວປະມົງ ສາມາດອອກຫາປາ ໄດ້ຕາມເວລາກຳນົດ ແຕ່ 6: 00ໂມງເຊົ້າ ຫາ 18:00ໂມງແລງ, ພ້ອມທັງເຂົ້າມາຈອດທຽບທ່າທີ່ສະມາຄົມປະມົງກຳນົດໄວ້, ຫ້າມບໍ່ໃຫ້ມີການລະເມີດໂດຍເດັດຂາດ, ພ້ອມນັ້ນກໍ່ອອກກວດກາລາດຕະເວນຄວາມເປັນລະບຽບຮຽບຮ້ອຍຕາມຊາຍແດນເພື່ອຮັກສາຄວາມສະຫງົບຄວາມປອດໄພ.

ພັທ ບຸນເລີດ ຜຸດຜ່ອງ ຫົວຫນ້າ ປກສ ກຸ່ມ 6 ທ່າພະຍັງໃຫ້ສຳພາດຕື່ມອີກວ່າເພື່ອປະກອບສ່ວນເຂົ້າໃນການຈັດຜັນຂະຫຍາຍວະລະແຫ່ງຊາດຕ້ານຢາເສບຕິດ ໃນໄລຍະປີ 2021-2023 ໃຫ້ປະກົດຜົນສໍາເລັດ, ທາງ ປກສ ກຸ່ມ 6 ທ່າພະ ແລະ ອຳນາດການປົກຄອງບ້ານ ແມ່ນໄດ້ສຸມໃສ່ໃນການສະກັດກັ້ນບັນຫາປະກົດການຫຍໍ້ທໍ້ຢ່າງຕັ້ງຫນ້າ ແລະ ສາມາດມ້າງລາຍຄະດີຢາເສບຕິດຫລາຍໃຫຍ່ ຢຶດຢາເສບຕິດໄດ້ຈຳນວນຫລວງຫລາຍ ໃນຄັ້ງວັນທີ 6 ທັນ 2021 ທີ່ບ້ານຖີ່ນແທ່ນ ເຊີ່ງບາງຕອນທ່ານໄດ້ກ່າວວ່າ:

 

 

Off

Comments are closed.