16th Dec2021

ຈະລາຈອນ ເມືອງຫາດຊາຍຟອງ ສຸມໃສ່ວຽກງານວິຊາສະເພາະຢ່າງຕັ້ງໜ້າ

by somchan

ພັທ ແສງເພັດ ຊະນະມີໄຊ ຮອງພະແນກຕໍາຫຼວດ ຊີ້ນໍາວຽກງານຕໍາຫຼວດ ຈະລາຈອນ ເມືອງຫາດຊາຍຟອງ, ໄດ້ໃຫ້ຮູ້ວ່າ: ໃນໄລຍະ 1 ປີຜ່ານມາ ເຈົ້າໜ້າທີ່ ຕໍາຫຼວດ ຈະລາຈອນ ເມືອງຫາດຊາຍຟອງ ໄດ້ສຸມໃສ່ວຽກງານວິຊາສະເພາະຂອງຕົນເອງຢ່າງຕັ້ງໜ້າ ໂດຍການສຶກສາອົບຮົມ ການເມືອງ-ແນວຄິດ ເປັນກົກ, ໄດ້ລົງປະຈໍາປ້ອມຍາມ 4 ປ້ອມ ແລະ ລະບາຍການສັນຈອນຕາມເສັ້ນທາງ 3 ແຍກ 4 ແຍກ ແລະສະຖານທີ່ມີການສັນຈອນແອອັດ, ລວມ 225 ຄັ້ງ, ມີ 2,690 ແຮງງານ, ປ້ອງການແຂກ, ຜູ້ນໍາຂັນສູງ, ງານສໍາຄັນຕ່າງໆ ແລະ ພະຍາດໂຄວິດ-19 ພາຍໃນເມືອງ ລວມ 170 ຄັ້ງ, ມີ 1,015 ແຮງງານ;  ພ້ອມນັ້ນ ເຈົ້າໜ້າທີ່ຕໍາຫຼວດ ຈະລາຈອນ ຍັງໄດ້ຕັ້ງຈຸດກວດກາ ລວມທັງໝົດ 200 ກວ່າຄັ້ງ, ມີ 1400 ແຮງງານ, ສາມາດກວດພົບຜູ້ລະເມີດລະບຽບການສັນຈອນ 4630 ຄົນ, ຍິງ 1,800 ຄົນ, ສຶກສາອົບຮົມ  4,500 ຄົນ, ຍິງ 1,770 ຄົນ, ຂຽນໃບສັ່ງ 130 ໃບ, ກັກຖະບຽນລົດ 55 ໃບ, ໃບຂັບຂີ່ 45 ໃບ, ບັດປະຈໍາຕົວ 5 ໃບ, ກັກລົດຈັກ 20 ຄັນ, ລົດບັນທຸກ 15 ຄັນ, ກວດພົບຢາບ້າ 149 ເມັດ, ກັກຄົນໄດ້ 6 ຄົນ; ວຽງງານໂຄສະນາເຜີຍແຜ່ລະບຽບການສັນຈອນ ໄດ້ເຜີຍແຜ່ທັງໝົດ 6 ຄັ້ງ, ມີ 19 ແຮງງານ, ມີຄົນເຂົ້າຮວ່ມຮັບຟັງ 940 ຄົນ, ຍິງ 358 ຄົນ; ອຸບປະຕິເຫດເກີດຂຶ້ນໃນປີ 2021 ມີທັງໝົດ 93 ລາຍ, ພາຫະນະເປເພທັງໝົດ 154 ຄັນ, ເລັກໜ້ອຍ 42 ຄັນ, ສົມຄວນ 112 ຄັນ; ຄົນໄດ້ຮັບບາດເຈັບທັງໝົດ 163 ຄົນ ແລະ ເສຍຊີວິດ 18 ຄົນ, ຍິງ 1 ຄົນ; ອຸປະຕິເຫດທີເກີດຂຶ້ນສ່ວນໃຫຍ່ ແມ່ນເກີດຈາກນັກຂັບຂີ່ເອງ ຊຶ່ງປ່ຽນທິດທາງກະທັນຫັນ 15 ລາຍ, ແຊງບໍ່ຮັບປະກັນ 15 ລາຍ, ບໍ່ຮັກສາໄລຍະຫ່າງ 15 ລາຍ, ຂ້າມທາງບໍ່ຮັບປະກັນ 9 ລາຍ, ແລ່ນລົດໄວເກີນກໍານົດ 5 ລາຍ ແລະ ບັນຫາອື່ນໆຕື່ມອີກ; ລວມມວນຄ່າເສຍຫາຍທັງໝົດ 1,198 ລ້ານກວ່າກີບ.

ທິດທາງແຜນການໃນຕໍ່ໜ້າ ຄະນະພັກ-ຄະນະນໍາ ກອງບັນຊາການ ປກສ ເມືອງຫາດຊາຍຟອງ ຈະໄດ້ສືບຕໍ່ເອົາໃຈໃສ່ສຶກສາອົບຮົມ ການເມືອງ-ແນວຄິດ ໃຫ້ກໍາລັງຕໍາຫຼວດຈາລະຈອນ ໃຫ້ມີຄວາມອຸ່ນອ່ຽງ-ທຸນທ່ຽງ ແລະ ຊື່ສັດຕໍ່ການປະຕິບັດໜ້າທີ່, ສືບຕໍ່ລົງປະຈໍາການຕາມຈຸດ-ຕາມປ້ອມ, ຕາມເສັ້ນທາງ 3 ແຍກ 4 ແຍກ ແລະ ເສັ້ນທາງທີ່ມີຄວາມແອອັດ, ພ້ອມທັງຕັ້ງຈຸດກວດກາຕາມເສັ້ນທາງຕ່າງໆ ເພື່ອຄວາມເປັນລະບຽບຮຽບຮ້ອຍ, ສືບຕໍ່ໂຄສະນາເຜີຍແຜ່ລະບຽບການສັນຈອນຕາມສະຖານທີຕ່າງໆ ໃຫ້ເຂົ້າເຖິງທຸກຊັ້ນຄົນພາຍໃນເມືອງ. ທັງນີ້, ກໍ່ເພື່ອເຮັດໃຫ້ການສັນຈອນມີຄວາມເປັນລະບຽບຮຽບຮ້ອຍ ລວມໄປເຖິງການຫຼຸດຜ່ອນອຸປະຕິເຫດຕາມທ້ອງຖະໜົນ.

 

 

Off

Comments are closed.