16th Dec2021

ສະມາຄົມ ແມ່ຍິງຮ່ວມໃຈພັດທະນາ ມອບອຸປະກອນປ້ອງກັນໂຄວິດ-19 ໃຫ້ ເມືອງຜາອຸດົມ

by somchan

ວັນທີ 15 ທັນວາ 2021 ນີ້, ຫ້ອງການສະມາຄົມແມ່ຍິງຮ່ວມໃຈພັດທະນາ ເມືອງຫ້ວຍຊາຍ ແຂວງບໍ່ແກ້ວ ໄດ້ມອບອຸປະກອນປ້ອງກັນໂຄວິດ-19 ໃຫ້ຄະນະສະເພາະກິດຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ເມືອງຜາອຸດົມ ແຂວງບໍ່ແກ້ວ, ຕາງໜ້າມອບໂດຍ ທ່ານ ກົມແສງ ສີພາວັນ ຄະນະກວດກາຂອງສະມາຄົມແມ່ຍິງຮ່ວມໃຈພັດທະນາ ແລະ ຮັບໂດຍ ທ່ານ ພົງສະຫວັນ ປັນຍາສັກ ຮອງເລຂາພັກເມືອງ, ຜູ້ຊີ້ນໍາຂົງເຂດພັກພະນັກງານ.

ອຸປະກອນທີ່ນໍາມາມອບໃນຄັ້ງນີ້ ປະກອບມີ: ຜ້າອັດປາກ-ດັງ 1 ແກັດ, ນ້ຳຢາລ້າງມື 83 ກ່ອງ, ສະເປ 85 ກ່ອງ, ເຄື່ອງວັດແທກອຸນຫະພູມ 1 ເຄື່ອງ, ຊຸດ PPE ຈໍານວນ 100 ຊຸດ ລວມມູນຄ່າທັງໝົດ 16 ລ້ານກວ່າກີບ. ທັງນີ້, ເພື່ອປະກອບສ່ວນເຂົ້າໃນການຄວບຄຸມ ແລະ ແກ້ໄຂການແພ່ລະບາດພະຍາດໂຄວິດ-19 ຢູ່ເມືອງຜາອຸດົມ ໃຫ້ມີກໍລະນີຕິດເຊື້ອ ຫລືແຜ່ເຊື້ອຢູ່ໃນຂອບເຂດເປັນວົງແຄບ, ຫລຸດນ້ອຍຖອຍລົງ ແລະ ກັບຄືນສູ່ສະພາບການປົກກະຕິໃນຕໍ່ໜ້າ.

Off

Comments are closed.