16th Dec2021

ການຈັດຕັ້ງຜັນຂະຫຍາຍມະຕິຂອງສະພາແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງກະຊວງ ປກສ.

by somchan

ພົນຕີ ປອ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ລາຍງານການຈັດຕັ້ງຜັນຂະຫຍາຍມະຕິຂອງສະພາແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ຄຳສັ່ງກ່ຽວກັນການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ. ໃນກອງປະຊຸມສະຫຼຸບການຈັດຕັ້ງປະຕິບັດວຽກງານປ້ອງກັນຄວາມສະຫງົບ ປີ 2021 ແລະ ວາງທິດທາງແຜນການວຽກງານຈຸດສຸມ ປີ 2022 ເຊິ່ງທ່ານໄດ້ກ່າວວ່າ: ກະຊວງປ້ອງກັນຄວາມສະຫງົບ ໄດ້ຈັດຕັ້ງຜັນຂະຫຍາຍ ຕາມທິດຂອງຂັ້ນເທິງ ໂດຍສະເພາະແມ່ນ ກະກຽມມບັນດາເອກະສານ. ປະຈຸບັນນີ້ ມີ 7 ເອກະສານ ເປັນຕົ້ນແມ່ນຄຳສັ່ງເລກທີ 02 ຂອງກົມກາງເມືອງສູນກາງພັກ ວ່າດ້ວຍເພີ່ມທະວີການຊີ້ນຳຄະນະພັກແຕ່ລະຂັ້ນ, ຕໍ່ການແກ້ໄຂບັນຫາຢາເສບຕິດ ເຊິ່ງໄດ້ເໜັ້ນໃຫ້ຄະນະພັກແຕ່ລະຂັ້ນ, ບັນດາ ປກສ ແຂວງ ຈັດຕັ້ງຜັນຂະຫຍາຍເປັນແຜນລະອຽດຂອງແຕ່ລະກົມກອງ ໃນການຈັດຕັ້ງປະຕິບັດ ເຊິ່ງກະຊວງປ້ອງກັນຄວາມສະຫງົບ ແລະ ບັນດາ ແຂວງ ກໍໄດ້ຈັດຕັ້ງເຊື່ອມຊືມວາລະດັ່ງກ່າວຢ່າງເປັນຂະບວນຟົດຟື້ນ, ​ຜ່ານການຈັດຕັ້ງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເຮັດໃຫ້ເຈົ້າໜ້າທີ່ສາມາດແກ້ໄຂຄະດີຢາເສບຕິດໄດ້ຫຼາຍລາຍ. ຈຸດປະສົງຄາດໝາຍໃນການສ້າງເປັນວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ເພື່ອປຸກລະດົມຂົນຂວາຍທຸກກຳລັງແຮງໃນສັງຄົມ ເຂົ້າໃນການແກ້ໄຂບັນຫາຢາເສບຕິດ.

 

Off

Comments are closed.