18th Dec2021

ເຈົ້າໜ້າທີ່ຕຳຫຼວດ ຢືດຢາບ້າໄດ້ຫຼາຍລ້ານເມັດ.

by somchan

ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງ ບໍລິຄຳໄຊ ໄດ້ລາຍງານໃຫ້ຮູ້ວ່າ: ໃນວັນທີ 16 ທັນວາ 2021 ໄດ້ຮັບລາຍງາຍຈາກພົນລະເມືອງດີວ່າ: ຈະມີກຸ່ມຄົນຂົນສົ່ງຢາເສບຕິດຈາກບ້ານຫົງທອງ ເມືອງທ່າພະບາດ ແຂວງບໍລິຄຳໄຊ ໄປປະເທດເພື່ອນບ້ານ ເຈົ້າໜ້າທີ່ຈຶ່ງໄດ້ຈັດກຳລັງວິຊາສະເພາະ ເພື່ອກັກຕົວໃນຄະນະທີ່ພວກກ່ຽວກຳລັງເຄື່ອນໄຫວຂົນສົ່ງຢາບ້າ ໂດຍນຳໃຊ້ລົດຈັກໃນການລຳລຽງເພື່ອຂົນລົງມາໃສ່ເຮືອຈັກ ເຈົ້າໜ້າທີ່ຈຶ່ງສາມາດຍືດຢາບ້າໄດ້ ຈຳນວນ 6 ເປົາມີທັງໝົດ 1,203 ມັດ ເທົ່າກັບ 2,406,000 ເມັດ, ພ້ອມລົດຈັກ 2 ຄັນ ແລະ ເຮືອ 2 ລຳ. ສ່ວນກຸ່ມຄົນດັ່ງກ່າວ ແມ່ນເອົາຕົວລົບໜີເຂົ້າປ່າ. ປະຈຸບັນ ເຈົ້າໜ້າທີ່ພວມຕິດຕາມຫາຕົວພວກກ່ຽວມາດຳເນີນຄະດີຕາມກົດໝາຍ.

ແລະ ໃນວັນດຽວກັນນີ້ ເຈົ້າໜ້າທີ່ຕຳຫຼວດກອງບັນຊາການ ປກສ ເມືອງພິນ ແຂວງສະຫວັນນະເຂດ ກໍ່ໄດ້ກັກຕົວທ້າວລຳໄພ ອາຍຸ 30 ປີ ຢູ່ບ້ານນາທອງໃຕ້ ເມືອງຊົນນະບູລີ ແຂວງສະຫວັນນະເຂດ ພ້ອມແລະ ລົດຈັກ 1 ຄັນ.

 

ປະຈຸບັນ ເຈົ້າໜ້າທີ່ພວມດຳເນີນຄະດີຕາມຂັ້ນຕອນຂອງກົດໝາຍ.

 

Off

Comments are closed.