27th Dec2021

ສຶກສາອົບຮົມເປົ້າໝາຍທີ່ມີຄວາມສ່ຽງພົວພັນຢາເສບຕິດ

by Peaung Thanonkeo

ວັນທິ່ 24 ທັນວາ 2021 ໜ່ວຍງານສະກັດກັ້ນ ແລະ ຕ້ານຢາເສບຕິດ ພະແນກຕຳຫຼວດ ກອງບັນຊາການ ປກສ ເມືອງສິໂຄດຕະບອງ ນະຄອນຫຼວງວຽງຈັນ; ນໍາພາໂດຍ ພັທ ຄຳປ່ຽນ ອຸດົມວິໄລ ຫົວໜ້າພະແນກຕຳຫລວດ ກອງບັນຊາການ ປກສ ເມືອງສີໂຄດຕະບອງ ໄດ້ສົມທົບກັບ ປກສ ກຸ່ມໜອງບຶກ  ແລະ ອຳນາດການປົກຄອງບ້ານດົງນາທອງ ໄດ້ສຶກສາອົບຮົມເປົ້າໜາຍທີ່ມີຄວາມສ່ຽງພົວພັນຢາເສບຕິດ ຈຳນວນ 8 ຄົນ.

ການສຶກສາອົບຮົມຄັ້ງນີ້ແມ່ນເພື່ອເຮັດໃຫ້ແຕ່ລະຄົນຮັບຮູ້, ເຂົ້າໃຈແຈ້ງ ເຖິງຜົນຮ້າຍ-ໄພອັນຕະລາຍຂອງຢາເສບຕິດ ແລະ ໄດ້ນຳເອົາເອກະສານກ່ຽວກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ; ເຊິ່ງຢາເສບຕິດທຸກປະເພດລ້ວນແລ້ວແຕ່ເປັນໄພອັນຕະລາຍຕໍ່ສັງຄົມ ແລະ ເປັນໜຶ່ງໃນສາເຫດຂອງການກໍ່ອາຊະຍາກຳທີ່ຮຸ່ນແຮງ ທັງເປັນການກົດໜ່ວງທ່ວງດຶງທາງດ້ານການສ້າງສາພັດທະນາປະເທດຊາດ.

 

Off

Comments are closed.