27th Dec2021

ເຈົ້າໜ້າທີ່ ປກສ ກຸ່ມ ສີວິໄລ ກັກຕົວຜູ້ກໍ່ເຫດອາລະວາດ ແລະ ທຳຮ້າຍຮ່າງກາຍຄົນໃນຄອບຄົວ

by Peaung Thanonkeo

ເຈົ້າໜ້າທີ່ ປກສ ກຸ່ມ ສີວິໄລ ເມືອງໄຊທານີ ໄດ້ເຂົ້າກັກຕົວຜູ້ກໍ່ເຫດອາລະວາດ ແລະ ທຳຮ້າຍຮ່າງກາຍຄົນໃນຄອບຄົວ 1 ຄົນ ຊື່ ທ້າວ ຄຳຮູ້ ອາຍຸ 29 ປີ ຢູ່ບ້ານຕານມີໄຊ ເມືອງໄຊທານີ; ພາຍຫຼັງໄດ້ຮັບແຈ້ງຈາກພົນລະເມືອງດີວ່າ ຜູ້ກ່ຽວໄດ້ມີການອາລະວາດ ແລະ ທຳຮ້າຍຮ່າງກາຍຄົນໃນຄອບຄົວ ຜູ້ເປັນແມ່ ແລະ ນ້ອງສາວ ຢູ່ບ້ານຕານມີໄຊ.

​     ພັທ ແອັດດີ້ ວັນຄໍາທອງຄູນ ຫົວໜ້າ ປກສ ກຸ່ມສີວິໄລ ໃຫ້ຮູ້ວ່າ: ຕໍ່ກັບການສອບສວນເບື້ອງຕົ້ນ ຜູ້ກ່ຽວແມ່ນຫາກໍ່ໄດ້ພົ້ນໂທດອອກມາໃນຂໍ້ຫາທີ່ພົວພັນກັບຢາເສບຕິດ ແລະ ຖືກປ່ອຍຕົວອອກຈາກຄ້າຍຄຸມຂັງ-ດັດສ້າງ ໃນເມື່ອບໍດົນມານີ້; ມາຮອດວັນທີ 23 ທັນວາ 2021 ນີ້ ທ້າວ ຄໍາຮູ້ ໄດ້ບັງຄັບໃຫ້ແມ່ຂາຍຄໍາ ແລະ ຊື້ໂທລະສັບໃຫ້ ພາຍຫຼັງໄດ້ໂທລະສັບກໍໄດ້ນຳໄປຈຳນໍາແລກເອົາເງິນເພື່ອໄປຊື້ຢາບ້າມາເສບ; ຈາກນັ້ນ ຜູ້ກ່ຽວກໍໄດ້ອາລະວາດຄອບຄົວທຳຮ້າຍຮ່າງກາຍຜູ້ເປັນແມ່ ແລະ ນ້ອງສາວຂອງຜູ້ກ່ຽວ ດັ່ງນັ້ນ ຈຶ່ງຖືກເຈົ້າໜ້າທີ່ ກັກຕົວ ແລະ ສົ່ງມອບໃຫ້ກອງບັນຊາການ ປກສ ເມືອງໄຊທານີ ດຳເນີນຕາມຂັ້ນຕອນຂອງກົດໝາຍ.

Off

Comments are closed.