27th Dec2021

ປກສ ກຸ່ມ ສີວິໄລ ລົງສ້າງບົດບັນທຶກກັບບ້ານທີ່ຂຶ້ນກັບ ໄລຍະສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນ 2022

by Peaung Thanonkeo

ວັນທີ 25 ທັນວາ 2021 ປກສ ກຸ່ມ ສີວິໄລ ເມືອງໄຊທານີ ນະຄອນຫຼວງວຽງຈັນ ໄດ້ລົງປະສານສົມທົບກັບອໍານາດການປົກຄອງບ້ານ ສ້າງບົດບັນທຶກປ້ອງກັນຄວາມສະຫງົບ ກັບ 7 ບ້ານທີ່ຂຶ້ນກັບຄວາມຮັບຜິດຊອບຂອງກຸ່ມ. ໃນການລົງສ້າງບົດບັນທຶກຄັ້ງນີ້, ພັທ ແອັດດີ້ ວັນຄໍາທອງຄູນ ຫົວໜ້າ ປກສ ກຸ່ມສີວິໄລ ເມືອງໄຊທານີ ໃຫ້ຮູ້ວ່າ: ເພື່ອເຮັດໃຫ້ບັນດາບ້ານທີ່ຂຶ້ນກັບກຸ່ມ ມີສ່ວນຮ່ວມໃນການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃນໄລຍະສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນ 2022 ກໍຄືວັນ ແລະ ງານສໍາຄັນຕ່າງໆຂອງພັກ-ຂອງຊາດ; ຈຶ່ງໄດ້ເຮັດບົດບັນທຶກສັນຍາກັບ ອໍານາດການປົກຄອງບ້ານດັ່ງກ່າວ ເພື່ອໃຫ້ສືບຕໍ່ໂຄສະນາ ແລະ ເຮັດບົດບັນທຶກກັບ ບັນດາຫ້າງຮ້ານ ຄື: ຫ້າມຈໍາໜ່າຍ ຫຼື ຂາຍບັ້ງກະໂພກ, ບັ້ງພຸ, ບັ້ງໄຟ ແລະ ອື່ນໆ ທີ່ເປັນທາດແຕກ. ຖ້າຫາກພົບເຫັນ ແມ່ນຈະໄດ້ຢຶດຂອງກາງ ພ້ອມທັງ ສຶກສາອົບຮົມ ແລະ ປັບໃຫມຕາມລະບຽບການ.

 

Off

Comments are closed.