27th Dec2021

ສຶກສາອົບຮົມກຸ່ມມົ້ວສຸມຢາເສບຕິດບ້ານໂນນຊາຍ ເມືອງປາກງື່ມ

by Peaung Thanonkeo

ໂດຍຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ວັນທີ 26 ທັນວາ 2021 ພະແນກຄວບຄຸມຢາເສບຕິດ ປກສ ນະຄອນຫຼວງວຽງຈັນ ຮ່ວມກັບ ປກສ ເມືອງປາກງື່ມ  ແລະ ອຳນາດການປົກຄອງບ້ານໂນນຊາຍ ເມືອງປາກງື່ມ ໄດ້ສຶກສາອົບຮົມກຸ່ມມົ້ວສຸມຢາເສບຕິດຢູ່ພາຍໃນບ້ານ, ໂດຍມີ ພັທ ປານີ ສຸດສະຫວັດ ຫົວໜ້າພະແນກກວດກາ ແລະ ຄວບຄຸມຢາເສບຕິດ ປກສ ນະຄອນຫຼວງວຽງຈັນ, ພັທ ຄຳນ້ອຍ ຂຸນອິນທາ ຫົວໜ້າ ປກສ ກຸ່ມ 2 ບ້ານໂດນ ເມືອງປາກງື່ມ, ນາຍບ້ານ, ພໍ່ແມ່ຜູ້ປົກຄອງ ແລະ ກຸ່ມສ່ຽງມົ້ວສຸມສິ່ງເສບຕິດເຂົ້າຮ່ວມ.

ພັທ ປານີ ສຸດສະຫວັດ ຫົວຫນ້າພະແນກຄວບຄຸມຢາເສບຕິດ ປກສ ນະຄອນຫຼວງວຽງຈັນ ໄດ້ກ່າວວ່າ: ຢາເສບຕິດແມ່ນ ສານຍເຄມີຊະນິດໜຶ່ງ ໃນເມື່ອບຸກຄົນໃດຫາກໄດ້ ສູບ, ດົມ, ສີດເຂົ້າໃນເສັ້ນເລືອດ ແລະ ອື່ນໆຕິດຕໍ່ກັນຫຼາຍຄັ້ງຕິດຕໍ່​ກັນ ແລະ ຈະພາໃຫ້ມີການຕິດຢາເຮັດໃຫ້ຈິດໃຈມີຄວາມຄິດຮອດຄິດເຖິງ, ອາໄລອາວອນ ຖ້າບໍ່ໄດ້ເສບ ຫຼື ວ່າເສບຫຼາຍເກີນໄປຈະເຮັດໃຫ້ກະວົນກະ ວາຍ, ອາດຈະຄວບຄຸມສະຕິບໍ່ໄດ້, ຈະເຮັດໃຫ້ຮ່າງກາຍຈ່ອຍຜອມ, ມັນສະໝອງ ແລະ ອະໄວຍາວະສ່ວນຕ່າງໆ ເປັນພິດຊຳເຮື້ອຍ້ອນພູມຕ້ານທານຕ່ຳ. ຜູ້ເສບຢາເສບຕິດຈະໄດ້ຮັບຜົນຮ້າຍອັນຕະລາຍຕໍ່ຮ່າງກາຍ ແລະ ຈິດປະສາດ. ທຳລາຍຊີວິດ, ບົດບາດ, ກຽດສັກສີ ແລະ ສະໝອງຖືກທໍາລາຍຈະກາຍເປັນບ້າເສຍຈິດ, ປະສາດຫລອນ,ມັກໃຊ້ຄວາມຮຸນແຮງ, ທໍາລາຍຕົນເອງ ແລະຄົນອື່ນໆ.

ພັທ ຄຳນ້ອຍ ຂຸນອິນທາ ຫົວໜ້າ ປກສ ກຸ່ມ 2 ບ້ານໂດນ ເມືອງປາກງື່ມ ໄດ້ຕາງກ່າວຕໍ່ກຸ່ມມົ້ວສຸມຢາເສບຕິດວ່າ:  ສຽງ ພັທ ຄຳນ້ອຍ ຂຸນອິນທາ 27,12,2021

ການສຶກສາອົບຮົມກຸ່ມສ່ຽງມົ້ວສຸມສິ່ງເສບຕິດໃນຄັ້ງນີ້ ເພື່ອໃຫ້ເຂົາເຈົ້າຢຸດເຊົາ ແລະ ປ່ຽນແປງພຶດຕິກຳກັບໃຈກາຍເປັນຄົນດີຂອງສັງຄົມ ປະກອບສ່ວນເຂົ້າໃນການສ້າງສາພັດທະນາປະເທດຊາດ ແລະ ຄອບຄົວ

 

Off

Comments are closed.