27th Dec2021

ຫົວໜ້າກອງບັນຊາການ ປກສ ແຂວງສະຫວັນນະເຂດ ລົງເຜີຍແຜ່ແຜນການຈັດຕັ້ງປະຕິບັດວາລະແຫ່ງຊາດ, ຢູ່ ປກສ ເມືອງອຸທຸມພອນ,ປກສ ອາດສະພັງທອງ ແລະ ປກສ ນະຄອນໄກສອນ ພົມວິຫານ

by Peaung Thanonkeo

ໃນອາທິດທີ່ຜ່ານມານີ້,ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ ພ້ອມຄະນະ,ໄດ້ລົງຈັດກອງປະຊຸມ, ເຜີຍແຜ່ເອກະສານ ກ່ຽວກັບການຈັດຕັ້ງຜັນຂະຫຍາຍ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ປີ (2021-2023) ຕິດພັນກັບແຜນການລົງກໍ່ສ້າງຮາກຖານການເມືອງ, ຢູ່ ປກສ ເມືອງ ອຸທຸມພອນ, ປກສ ເມືອງ ອາດສະພັງທອງ ແລະ ປກສ ນະຄອນໄກສອນ ພົມວິຫານ, ມີຫົວໜ້າ- ຮອງຫົວໜ້າກອງບັນຊາການ ປກສ ເມືອງ, ນະຄອນ, ພ້ອມດ້ວຍພະແນກການອ້ອມຂ້າງເມືອງທັງ 3 ເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມໄດ້ຮັບຝັງການຜ່ານແຜນການຈັດຕັ້ງຜັນຂະຫຍາຍ ວາລະແຫ່ງຊາດ ກຽວກັບການສະກັດກັ້ນ ແລະ ແກ້ໄຂບັນຫາຢາເສບຕິດ ປີ ( 2021-2023 ) ຢູ່ ແຂວງສະຫວັນນະເຂດ, ໂດຍມີຈຸດ ປະສົງເພື່ອຍົກສູງຄວາມຮັບຮູ້, ເຂົ້າໃຈ, ຄວາມເປັນ ເອກະພາບທາງດ້ານທັດສະນະ ແລະ ຄວາມຮັບຜິດຊອບ ໃນການນຳພາ-ຊີ້ນຳ ຂອງຄະນະພັກ-ຄະນະບັນຊາແຕ່ລະຂັ້ນ ຂອງກຳລັງປ້ອງກັນຄວາມສະຫງົບ ໃນການປະຕິບັດຕົວຈິງ, ເພື່ອເຮັດໃຫ້ຄະນະພັກ-ຄະນະບັນຊາແຕ່ລະຂັ້ນ ກໍາແໜ້ນເນື້ອໃນສຳ ຄັນທີ່ເປັນພື້ນຖານ ຮັບປະກັນໃຫ້ແກ່ການແກ້ໄຂບັນຫາຢາເສບຕິດ ດຳເນີນໄປຢ່າງເປັນລະບົບ, ຕໍ່ເນື່ອງ, ປະຕິບັດຕາມຂັ້ນຕອນຂອງກົດໝາຍ, ເດັດຂາດ, ໂປ່ງໃສ, ເຂັ້ມງວດ, ເປັນມືອາຊີບ ແລະ ທັນເວລາ, ເພື່ອແກ້ໄຂສາເຫດ ແລະ ເງື່ອນໄຂພາໃຫ້ເກີດບັນຫາຢາເສບຕິດ ໃຫ້ຖືກກັບສະພາບຈຸດພິ ເສດ ຂອງແຕ່ລະກົມກອງ, ຂະແໜງການ ແລະ ທ້ອງຖິ່ນແຕ່ລະຂັ້ນ, ເສີມຂະຫຍາຍຜົນງານ, ຜົນ ສຳເລັດທີ່ຍາດມາໄດ້.ພ້ອມກັນນັ້ນ,ກໍປັບປຸງແກ້ໄຂດ້ານອອ່ນ, ຂໍ້ຄົງຄ້າງ ໃນໄລຍະທີ່ຜ່ານມາ, ເພີມທະວີການໂຄສະນາ-ສຶກສາອົບຮົມເຜີຍແຜ່ລະບຽບກົດໝາຍ ແລະ ຜົນຮ້າຍຈາກຢາເສບຕິດ,ດ້ວຍຫຼາຍຮູບ ຫຼາຍສີ ຫຼາຍວິທີການ ແລະ ທົ່ວແຂວງ, ທຸກເມືອງ, ກວມເອົາ 80% ຂຶ້ນໄປ ຂອງຈຳນວນບ້ານເປົ້າໝາຍທັງໝົດຢູ່ໃນ 01 ນະຄອນ ແລະ 14 ຕົວເມືອງ.

ພ້ອມນີ້, ຄະນະຮັບຜິດຊອບ ຍັງໄດ້ເຜີຍແຜ່ແຜນການລົງກໍ່ສ້າງຮາກຖານການເມືອງ,ຕິດພັນກັບການຈັດຕັ້ງວາລະແຫ່ງຊາດແກ້ໄຂຢາເສບຕິດ, ຄໍາສັງແນະນຳເລກທີ 03/ ກມສພ ຂອງກົມການເມືອງສູນກາງພັກ,ວ່າດ້ວຍການສ້າງບ້ານ ເປັນຫົວໜ່ວຍພັດທະນາ, ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ, ຄຳສັ່ງເລກທີ 27/ນຍ, ວ່າດ້ວຍການເພີມທະວີສະກັດກັ້ນ-ແກ້ໄຂປະກົດການຫຍໍ້ທໍ້ໃນສັງຄົມ, ອີງຕາມແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິິດ ປີ 2021-2023  ແລະ ຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບລົງຮາກຖານການເມືອງ ຂອງ ປກສ ແຂວງ ສະຫວວັນນະເຂດ, ເພື່ອເປັນການຈັດຕັ້ງຜັນຂະຫຍາຍເນື້ອໃນຈິດໃຈດັ່ງກ່າວໃຫ້ປະກົດຜົນເປັນຈິງ ຕາມຈຸດປະສົງ ຄາດໝາຍທີ່ວາງອອກ.

 

 

 

 

Off

Comments are closed.