27th Dec2021

ຄະນະບໍລິຫານງານສູນກາງຊາວຫນຸ່ມ ປະຊາຊົນ ປະຕິວັດລາວ ໄດ້ຈັດກອງປະຊຸມ ພົບປະໂອ້ລົມຕໍ່ຄະນະນຳຊາວຫນຸ່ມ ກະຊວງ ປກສ

by Peaung Thanonkeo

ຄະນະບໍລິຫານງານສູນກາງຊາວຫນຸ່ມ ປະຊາຊົນ ປະຕິວັດລາວ ໄດ້ຈັດກອງປະຊຸມ ພົບປະໂອ້ລົມຕໍ່ຄະນະນຳຊາວຫນຸ່ມ ກະຊວງປ້ອງກັນຄວາມສະຫງົບ ແລະ ຄະນະນຳຊາວ ຫນຸ່ມກະຊວງປ້ອງກັນປະເທດ ໃນຫົວຂໍ້ ການຈັດຕັ້ງຜັນຂະຫຍາຍ 2 ວາລະແຫ່ງຊາດ

ໃນວັນທີ 27 ທັນວາ 2021, ໂດຍການໃຫ້ກຽດເຂົ້າຮ່ວມ ທ່ານ ອາລຸນໄຊ ສູນນະລາດ ກຳມະການສູນກາງພັກ, ເລຂາຄະນະບໍລິຫານງານຊາວ ຫນຸ່ມ ປະຊາຊົນປະຕິວັດລາວ ພົຈວ ຄຳສາຍ ຈັນທະວົງ ຄະນະພັກ ກະຊວງ ປກສ, ຮອງຫົວຫນ້າກົມໃຫ່ຍການເມືອງ ປກສ ແລະ  ພົຕ ວໍລະສານ ວິລັດດາວົງ ກຳມະການປະຈຳພັກກະຊວງປ້ອງກັນປະເທດ, ຮອງຫົວຫນ້າກົມໃຫຍ່ການເມືອງກອງທັບ, ມີເລຂາ-ຮອງເລຂາ, ຄະນະນໍາຊາວຫນຸ່ມຂອງ 2 ກຳລັງເຂົ້າຮ່ວມ.

ທ່ານ ອາລຸນໄຊ ສູນນະລາດ ໄດ້ຍົກໃຫ້ເຫັນເຖິງຄວາມຫມາຍ-ຄວາມສໍາຄັນຂອງ ການຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍ ຄັ້ງທີ 11 ຂອງພັກ ແລະ 2 ວາລະແຫ່ງ ຊາດ, ພ້ອມທັງໄດ້ລາຍງານສະພາບການຈັດຕັ້ງປະຕິບັດວຽກງານແກ້ໄຂບັນຫາຢາເສບຕິດ ຢູ່ ນະຄອນຫລວງວຽງຈັນວ່າ: ບັນຫາຢາເສບຕິດ ເປັນຄືມະເລັງຮ້າຍ ທີ່ກໍາລັງກັດກິນ ເສດຖະກິດ-ສັງຄົມ ຂອງພວກເຮົາ, ຊຶ່ງຄະນະພັກ-ອົງການປົກຄອງພວກເຮົາ ໄດ້ພະຍາຍາມ ແກ້ໄຂບັນຫາດັ່ງກ່າວ ໂດຍອີງໃສ່ກົດຫມາຍ ວ່າດ້ວຍຢາເສບຕິດ ແລະ ຄຳສັ່ງເລກທີ 97 ຂອງລັດຖະບານ ວ່າດ້ວຍການແກ້ໄຂປະກົດການຫຍໍ້ທໍ້ ໃນສັງຄົມ, ໄດ້ມີຄຳສັ່ງ ຂອງ ນະຄອນຫລວງ ວ່າດ້ວຍການເພີ່ມທະວີແກ້ໄຂບັນຫາຢາເສບຕິດ ແລະ ຂໍ້ຕົກລົງ ວ່າດ້ວຍ ການສ້າງນະຄອນຫລວງວຽງຈັນ ສະຫງົບສຸກ ເພື່ອເປັນບ່ອນອີງ ໃຫ້ແກ່ ການຈັດຕັ້ງປະຕິບັດວຽກງານດັ່ງກ່າວ, ພວກເຮົາໄດ້ສຸມໃສ່ແກ້ໄຂບັນຫາແຕ່ລະເປົ້າຫມາຍ ແລະ ແກ້ໄຂຄະດີຢາເສບຕິດຫລາຍສົມຄວນ, ດັ່ງນັ້ນເພື່ອເຮັດໃຫ້ການຈັດຕັ້ງຜັນຂະຫຍາຍ 2 ວາລະແຫ່ງຊາດໃຫ້ປະກົດຜົນເປັນຈິງ ຂ ກຳລັງປ້ອງກັນຊາດ-ປ້ອງກັນຄວາມສະຫງົບ ຕ້ອງໄດ້ເອົາໃຈໃສ່ຍົກສູງບົດບາດຕະລຸມບອນ ແລະ ບຸກເຂົ້າໃສ່ການປະຕິບັດຫນ້າທີ່ ການເມືອງທີ່ພັກ-ລັດ, ປະເທດຊາດ ແລະ ປະຊາຊົນມອບຫມາຍໃຫ້ຢ່າງມີຜົນສຳເລັດ ທັງ ເປັນກຳລັງແຮງຕົ້ນຕໍທີ່ເຮັດໃຫ້ກຳລັງປະກອບອາວຸດປະຕິວັດຂອງພັກເຕີບໃຫ່ຍເຂັ້ມແຂງໄປ ເລື່ອຍໆ, ພ້ອມກັນຕັ້ງຫນ້າຮ່ຳຮຽນ ແລະ ປະຕິບັດຕາມມະຕິຄໍາສັ່ງສອນຂອງປະທານ ໄກສອນ ພົມວິຫານ ຕໍ່ຊາວຫນຸ່ມ ແລະ ຕໍ່ກຳລັງປະກອບອາວຸດ ເຊື່ອຫມັ້ນຕາຍໃຈ ແລະ ຈົງຮັກພັກດີຕໍ່ພັກປະຊາຊົນປະຕິວັດລາວ.

ໃນພິທີດັ່ງກ່າວ, ສູນກາງຊາວໜຸ່ມປະຊາຊົນ ປະຕິວັດລາວ ໄດ້ມອບເງິນຊ່ວຍເຫຼືອ ເພື່ອປະກອບສ່ວນເຂົ້າໃນການຈັດຕັ້ງຜັນຂະຫຍາຍ 2 ວາລະແຮງຊາດ ແກ່ກຳລັງປ້ອງ ກັນຊາດ-ປ້ອງກັນຄວາມສະຫງົບ ຈຳນວນ 20 ລ້ານກີບ ມອບໂດຍທ່ານ ອາລຸນໄຊ ສູນ ນະລາດ ກຳມະການສູນກາງພັກ, ເລຂາຄະນະບໍລິຫານງານຊາວຫນຸ່ມ ປະຊາຊົນປະຕິວັດ ລາວ, ຕ່າງໜ້າຮັບໂດຍທ່ານ ພົຈວ ຄຳສາຍ ຈັນທະວົງ ຄະນະພັກກະຊວງ ປກສ, ຮອງ ຫົວຫນ້າກົມໃຫຍ່ການເມືອງ ປກສ,  ພົຕ ວໍລະສານ ວິລັດດາວົງ ກຳມະການປະຈຳພັກ ກະຊວງປ້ອງກັນປະເທດຮອງຫົວຫນ້າກົມໃຫຍ່ການເມືອງກອງທັບ

Off

Comments are closed.