29th Dec2021

ພິທີມອບ-ຮັບວັດຖຸປັດໃຈ ໃຫ້ແພດ ໝໍ ທີ່ປະຕິບັດໜຶ່ງທີ່ຕິດພັນກັບການປ້ອງກັນ,ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໃດວິດ 19

by Peaung Thanonkeo

ກອງທຶນຊ່ວຍເຫຼືອສັງຄົມ ສະພາແຫ່ງຊາດ ຈັດພິທີມອບ ວັດຖຸປັດໃຫ້ແພດ,ໝໍ ທີ່ປະຕິບັດໜ້າທີ່ ຕິດພັນກັບການປ້ອງກັນ,ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ໃນວັນທີ 28 ທັນວາ 20ຂາ ຢູ່ທີ່ສະພາແຫ່ງຊາດ, ໃຫ້ກຽດເຂົ້າຮ່ວມຂອງທ່ານ ຄໍາໃບ ດໍາລັດ ຮອງປະທານສະພາແຫ່ງ ຊາດ,ທ່ານ ດຣ ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມ ສະພາແຫ່ງຊາດ,ມີຄະນະ ກອງທຶນ ຕາງໜ້າອົງການຈັດຕັ້ງມະຫາຊົນຂອງສະພາແຫ່ງຊາດ, ຄອບຄົວ ແລະ ຄະນະບໍລິຫານງານ ສະຫະພັນ ແມ່ຍິງສະພາແຫ່ງຊາດ ,ອຳນວຍການໂຮງໝໍ ແພດ, ໝໍ ເຂົ້າຮ່ວມ

ທ່ານ ຄຳໃບ ດຳລັດ ຮອງປະທານສະພາແຫ່ງຊາດ ໄດ້ຂຶ້ນມີຄຳເຫັນວ່າ: ການມອບວັດຖຸ ປັດໃຈຄັ້ງນີ້ ແມ່ນດ້ວຍຄວາມສາມັກຄີຮັກແພງ ແລະ ເປັນກຳລັງໃຈຊຸກຍູ້ນຳ້ໃຈ ແພດ-ໝໍ, ພະນັກງານ ລັດຖະກອນ ທີ່ກຳລັງປະຕິບັດໜ້າທີ່ຕິດພັນໂດຍກົງໃນການປ້ອງກັນ, ສະກັດກັ້ນ ແລະ ແກ້ໄຂການແຜ່ ລະບາດຂອງພະຍາດໂຄວິດ-19 ຊຶ່ງບັນດາທ່ານເຫຼົ່ານັ້ນ ຍາມໃດກໍ່ມີນໍ້າໃຈອົດທົນ, ມີນໍ້າໃຈເສຍສະຫຼະ ເພື່ອປະເທດຊາດ ເພື່ອສ່ວນລວມ, ສຸມສະຕິປັນຍາ, ຄວາມຮູ້-ຄວາມສາມາດຂອງຕົນປິ່ນປົວສຸຂະພາບ ຂອງປະຊາຊົນ, ພົນລະເມືອງ, ຜູ້ທີ່ອາໃສຢູ່ດິນແດນ ສປປ ລາວ ທີ່ຕິດເຊື້ອພະຍາດໂຄວິດ 19 ໃຫ້ຫຼຸດລົງ -ໜ້ອຍ ແລະ ສາມາດດຳລົງຊີວິດເປັນປົກກະຕິ ຜ່ານພົ້ນວິກິດການຕ່າງໆໃນສັງຄົມໃຫ້ເຂົ້າສູ່ການດຳລົງ ຊີວິດປົກກະຕິແບບໃໝ່, ຍາມໃດແພດ-ໝໍ ກໍຄຽງຂ້າງກັບຄົນເຈັບ, ຄົນຕິດເຊື້ອ ເພື່ອສຸມໃສ່ແກ້ໄຂ ແລະ ແນໃສ່ໃຫ້ມີການຕິດເຊື້ອພະຍາດຫນ້ອຍລົງ ຊຶ່ງສົມແລ້ວທີ່ສັງຄົມໄດ້ຂະໜານນາມວ່າ ” ນັກຮົບເສື້ອຂາວ ຜູ້ປະຈັນບານ ສະນັ້ນ ກອງທຶນຊ່ວຍເຫຼືອສັງຄົມ ສະພາແຫ່ງຊາຕ ຈຶ່ງໄດ້ມອບເງິນ ແລະ ວັດຖຸ ເພື່ອ ຊຸກຍູ້ ແລະ ເປັນກຳລັງໃຈໃຫ້ ແພດ,ໝໍ ຄັ້ງນີ້ ມີ 6 ພາກສ່ວນ ລວມເປັນມູນຄ່າທັງໝົດ 132 ລ້ານກີບ. ຕາງໜ້າມອບໂດຍທ່ານ ຄຳໃບ ດຳລັດ ຮອງປະທານສະພາແຫ່ງຊາດ ແລະ ຮັບໂດຍຕາງໜ້າ ໂຮງ ໝໍມະໂຫສົດ ພ້ອມຄະນະແພດ,ໝໍ,ໂຮງໝໍເສດຖາທິລາດ,ໂຮງໝໍ 103. ໂຮງໝໍມິດຕະພາບ,ໂຮງໝໍແມ່ ແລະ ເດັກ ສູນວິເຄາະ ແລະ ລະບາດວິທະຍາ

Off

Comments are closed.