29th Dec2021

ດ່ານສາກົນຂົວມິດຕະພາບລາວ-ໄທກຽມພ້ອມບໍລິການຮັບນັກທ່ອງທ່ຽວເຂົ້າມາລາວ

by Peaung Thanonkeo

ພາຍຫຼັງທີ່ລັດຖະບານໄດ້ມີຖະແຫຼງການເປີດຮັບນັກທ່ອງທ່ຽວຕ່າງປະເທດເຂົ້າມາທ່ອງທ່ຽວປະເທດລາວນັບແຕ່ຕົ້ນປີ 2022 ເປັນຕົ້ນໄປໃນໄລຍະທີ່ຍັງມີການລະ ບາດຂອງພະຍາດໂຄວິດ-19 ພາກສ່ວນກ່ຽວຂ້ອງທັງພາກລັດ ແລະ ພາກທຸລະກິດໄດ້ມີການກະກຽມຄວາມພ້ອມດ້ານຕ່າງໆໃນວຽກທີ່ຕົນເອງຮັບຜິດຊອບໃນນັ້ນກໍມີພາກສ່ວນດ່ານສາກົນຂົວມິດຕະພາບລາວ-ໄທແຫ່ງທີ 1 ນະຄອນຫຼວງວຽງຈັນ .

ພັນໂທ ກິດ່ອນ ກິວົງໄຊ ຮອງຫົວໜ້າຄະນະຄຸ້ມ ຄອງດ່ານ ຫົວໜ້າດ່ານ ຕມ ສາກົນຂົວມິດຕະພາບລາວ-ໄທແຫ່ງທີ 1 ໄດ້ໃຫ້ສຳພາດວັນທີ 27 ທັນວາ 2021 ວ່າ:ການກະກຽມເປີດດ່ານເພື່ອຕ້ອນຮັບນັກທ່ອງ ທ່ຽວເຂົ້າມາປະເທດລາວໂດຍຜ່ານດ່ານສາກົນແຫ່ງນີ້ຕາມແຜນການເປີດຂອງລັດ ຖະບານຕົ້ນປີ 2022 ເປັນຕົ້ນໄປ ເຊິ່ງການກຽມຄວາມພ້ອມຂອງດ່ານ 2 ແຫ່ງຄື:ດ່ານສະໜາມບິນສາກົນວັດໄຕ ແລະ ດ່ານສາກົນຂົວມິດຕະພາບລາວ-ໄທແຫ່ງທີ 1 ການອະນຸຍາດໃຫ້ນັກທ່ອງທ່ຽວເຂົ້າມາມີ 3 ໄລຍະ ສະນັ້ນເພື່ອຮອງຮັບນັກທ່ອງທ່ຽວຕ່າງປະເທດທີ່ຈະເດີນທາງເຂົ້າມາປະເທດ ໂດຍຜ່ານດ່ານສາກົນແຫ່ງນີ້ ປັດຈຸບັນພວກເຮົາໄດ້ກະກຽມຄວາມພ້ອມຮອບດ້ານເຊັ່ນ:ດ້ານປ້ອງກັນຄວາມສະຫງົບ ດ້ານບຸກຄະລາກອນ ແລະ ດ້ານການບໍລິການ ຕມ ພາສີ ສາທາ ອຸປະກອນປ້ອງກັນໂຄວິດ ມີຈຸດຄັດກອງຢູ່ທາງດ້ານ  ໜ້າດ່ານ ແລະ ອື່ນໆ ເຊິ່ງປັດຈຸບັນດ່ານພວກເຮົາກຳລັງໄດ້ຮັບການປັບປຸງພື້ນ ຖານໂຄງລ່າງຮອບດ້ານເພື່ອແກ້ໄຂການອັ່ງອໍແອອັດຂອງຜູ້ໂດຍສານ ແລະ ພາຫະນະ ໂດຍສະເພາະຕູ້ແຈ້ງເອກະສານໃໝ່ຂອງ ຕມ ພາສີ ແລະ ຂະແໜງການກ່ຽວ ຂ້ອງເພື່ອຮອງຮັບຜູ້ໂດຍສານນັບມື້ເພີ່ມຂຶ້ນເລື້ອຍໆ ໂດຍໄດ້ຮັບການຊຸກຍູ້ ເອົາໃຈໃສ່ຈາກ ນະຄອນຫຼວງວຽງຈັນ ແລະ ກະຊວງປ້ອງກັນຄວາມສະຫງົບ.

ສ່ວນຂອດການປະສານງານລະຫວ່າງດ່ານເຊິ່ງໜ້າ ພວກເຮົາໄດ້ມີການປະສານງານກັນເປັນປົກກະຕິຕາມຫຼັກການພົວພັນສາກົນຄື:ສົນທິສັນຍາ ສັນຍາຂ້າມແດນລາວ-ໄທ ບົດບັນທຶກຄວາມເຂົ້າໃຈລາວ-ໄທ ແລະ ອື່ນໆ ເຊິ່ງດ້ານຄວາມຫຍຸ້ງຍາກກໍລະນີມີນັກທ່ອງ ຫຼື ມີຜູ້ໂດຍສານມາຫຼາຍ ການບໍລິການອາດມີການຊັກຊ້າເປັນຊົ່ວຄາວ ຂະແໜງການກ່ຽວຂ້ອງພາຍໃນດ່ານບາງຂະແໜງ ການກໍຂາດທາງດ້ານບຸກຄະລາກອນ ອຸປະກອນການຈັດເກັບລາຍຮັບບໍ່ພຽງພໍ ອາດມີຄວາມສ່ຽງສູງຕໍ່ການຕິດເຊື້ອເນື່ອງຈາກນັກທ່ອງທ່ຽວມາຫຼຍເຮັດໃຫ້ການອັ່ງອໍແອອັດຮັກສາໄລຍະຫ່າງບໍ່ໄດ້ ແລະ ອື່ນໆ ເຊິ່ງບັນນີ້ທາງດ່ານກໍມີຄວາມພ້ອມຮັບມື.

ພັນໂທ ກິດ່ອນ ກິວົງໄຊ ຍັງໃຫ້ຮູ້ຕື່ມວ່າ:ສໍາລັບດ່ານເຊິ່ງໜ້າຕາມຂໍ້ມູນເບື້ອງຕົ້ນເພີ່ນຈະບໍ່ເປີດໃຫ້ຄົນທົ່ວໄປເດີ່ນທາງເຂົ້າ-ອອກລາວ ແລະ ຂ້າມໄປຍັງປະເທດດ່ານເຊິ່ງໜ້າ ເພີ່ນຈະມີການກຳນົດເງື່ອນ ໄຂທີ່ຈະເດີນ ທາງໄປນັ້ນ ໂດຍສະເພາະຈະມີການກັກໂຕ 1 ຄືນຢູ່ທີ່ຝັ່ງໄທ ສັກຢາຄົບໂດສ ມີເອກະສານຜ່ານກົງສຸນ ເຊິ່ງປະເທດລາວເຮົາກໍບໍ່ທັນໄດ້ເປີດໃຫ້ບຸກຄົນທົ່ວໄປເຂົ້າ-ອອກດ່ານໄດ້ຈະເປີດຮັບແຕ່ກຸ່ມນັກທ່ອງທ່ຽວເທົ່ານັ້ນ ສ່ວນນັກທ່ອງທ່ຽວທີ່ເຂົ້າມານັ້ນກັກໂຕກວດ 24 ຊົ່ວໂມງຖ້າບໍ່ພົບເຊື້ອກໍສາມາດທ່ອງທ່ຽວຕາມແຜນການໄດ້ ສ່ວນການປະຈຳການຢູ່ດ່ານປະກອບມີ ຕມ ພາສີ ກັກກັນສັດພືດ ຫ້ອງບໍລິຫານ ແລະ ກົມກົງສຸນກະຊວງການຕ່າງປະເທດ ການເຂົ້າ-ອອກແມ່ນໃຫ້ປະຕິບັດຕາມມາດຕະການຂອງຂະແໜງສາທາຢ່າງເຂັ້ມງວດຜູ້ທີ່ເຂົ້າມາຕ້ອງໄດ້ຜ່ານການຄັດກອງຈາກໜ່ວຍງານສາທາປະຈຳດ່ານກ່ອນຈຶ່ງເຂົ້າມາຫາເຈົ້າໜ້າທີ່ໄດ້ຕ້ອງໄດ້ປັບປຸງກົນໄກແບບໃໝ່ຈາກເມື່ອກ່ອນຜູ້ເຂົ້າມາຕ້ອງຜ່ານ ມຕ ແຕ່ປັດຈຸບັນໄດ້ປ່ຽນເອົາສາທາເປັນດ້ານໜ້າຖ້າກວດບໍ່ພົບພະຍາດກໍປ່ອຍໃຫ້ເຂົ້າມາຫາເຈົ້າໜ້າທີ່ ມຕ ເພື່ອກວດເອ ກະສານຕາມຂັ້ນຕອນໃນການເຂົ້າປະເທດ ທັງນີ້ເພື່ອຄວາມປອດໄພຈາກພະຍາດໂຄວິດ 19

Off

Comments are closed.