30th Dec2021

ຄ້າຍຄຸມຂັງໂພນຕ້ອງ ປະກາດອະໄພຍະໂທດຫລຸດຜ່ອນໂທດໃຫ້ແກ່ນັກໂທດ.

by somchan

ຄ້າຍຄຸມຂັງໂພນຕ້ອງ ກົມຕຳຫຼວດຄຸມຂັງດັດສ້າງ ກະຊວງປ້ອງກັນຄວາມສະຫງົບ ໄດ້ຈັດພິທີປະກາດອະໄພຍະໂທດຫລຸດຜ່ອນໂທດໃຫ້ແກ່ນັກໂທດ ເນື່ອງໃນໂອກາດວັນຊາດ ທີ 2  ທັນວາຄົບຮອບ 40 ໃນວັນທີ 30 ທັນວາ 2021 ນີ້ ໂດຍການເຂົ້າຮ່ວມຂອງ ພັອ ໄຊຍະວົງ ແກ້ວສຸລິວົງ ຮອງຫົວຫນ້າກົມຕໍາຫລວດຄຸມຂັງດັດສ້າງ ຫົວຫນ້າຄ້າຍຄຸມຂັງໂພນຕ້ອງ ມີບັນດາຄະນະຄ້າຍ ຄະນະຮັບຜິດຊອບອະໄພຍະໂທດ, ພະນັກງານນັກຮົບ ແລະ ນັກໂທດເຂົ້າຮ່ວມ.

ພັທ ບຸນລັນ ຈັນທະພູວົງ ຮອງຫົວຫນ້າຄ້າຍຄຸມຂັງໂພນຕ້ອງ ໄດ້ຜ່ານລັດຖະດໍາລັດຂອງປະທານປະເທດ ວ່າດ້ວຍການອະໄພຍະໂທດໃຫ້ແກ່ນັກໂທດປະຫານຊີວິດມາເປັນໂທດຈຳຄຸກຕະຫລອດຊີວິດໃນທົ່ວປະເທດຈຳນວນ 25  ຄົນ.ຍີງ4 ຄົນ,ອະໄພຍະໂທດໃຫ້ແກ່ນັກໂທດທີ່ມີຄວາມກ້າວຫນ້າໃນຂອບເຂດທົ່ວປະເທດຈຳນວນ 1.980ຄົນ.ຍີງ 277  ຄົນ. ຕ່າງປະເທດ25 ຄົນຍີງ 5 ຄົນ.ໃນນີ້ຫລຸດຜ່ອນໂທດໃຫ້ແກ່ນັກໂທດຈຳຄຸກຕະຫລອດຊີວິດມາເປັນໂທດມີກຳນົດ 20 ປີມີ 49 ຄົນ.ຍີງ 9ຄົນ ສະເພາະຢູ່ຄ້າຍຄຸມຂັງໂພນຕ້ອງໄດ້ຮັບການອະໄພຍະໂທດທັງຫມົດ 75 ຄົນ.ຍີງ 4 ຄົນ.ຕ່າງປະເທດ 10 ຄົນຍີງ 2 ຄົນ,ຄະດີຢາເສບຕິດ 70 ຄົນ ຍີງ   2ຄົນ,ຕ່າງປະເທດ10 ຄົນ,ຄະດີທົ່ວໄປ 5 ຄົນຍີງ 2 ຄົນ,ຫລຸດຜ່ອນໂທດປະຫານຊີວິດລົງມາຕະຫລອດຊີວິດ 2 ຄົນ, ຫລຸດຜ່ອນໂທດຈຳຄຸກຕະຫລອດຊີວິດລົງມາມີກຳນົດ 20 ປີມີ 1 ຄົນ,ຜ່ອນໂທດໃຫ້ນັກໂທດທີ່ມີກຳນົດ 20 ປີລົງມາຈຳນວນ 72 ຄົນ,ຍີງ 4 ຄົນ,ຕ່າງປະເທດ 8 ຄົນຍີງ 2 ຄົນ.

ໂອກາດນີ້ ພັອ ໄຊຍະວົງ ແກ້ວສຸລິວົງ ຮອງຫົວຫນ້າກົມຕໍາຫລວດຄຸມຂັງດັດສ້າງ ຫົວຫນ້າຄ້າຍຄຸມຂັງໂພນຕ້ອງກໍ່ໄດ້ໃຫ້ກຽດໂອ້ລົມທ່ານໄດ້ກ່າວວ່າ ການອະໄພຍະໂທດຫລຸດຜ່ອນໂທດໃນຄັ້ງນີ້ ເປັນການປະຕິບັດນະໂຍບາຍຂອງພັກ – ລັດ, ປະຕິບັດຕາມລັດຖະທຳມະນູນ ແລະ ກົດຫມາຍຂອງ ສ ປປ ລາວ ສະນັ້ນ ຕໍ່ຜູ້ທີ່ໄດ້ຮັບການອະໄພຍະໂທດຫຼຸດຜ່ອນໂທດ ກໍ່ຄືຜູ້ທີ່ຍັງບໍ່ທັນໄດ້ຮັບການອະໂພຍະໂທດ ຕ້ອງໄດ້ເອົາໃຈໃສ່ຝຶກຝົນຫຼໍ່ຫຼອມຕົນເອງ ປັບປ່ຽນທາງດ້ານແນວຄິດ ແລະ ການກະທໍາທີ່ບໍ່ຖືກຕ້ອງ ກິນແໜງແຄງໃຈຕໍ່ການກະທຳຜິດທີ່ຜ່ານມາ ແຕ່ລະເດືອນ ສາມາດຍາດໄດ້ ປະເພດ 1 ເພື່ອເປັນເງື່ອນໄຂໃນການຄົ້ນຄ້ວາ ອະໄພຍະໂທດຫຼຸດຜ່ອນໂທດ ແລະ ປ່ອຍຕົວ,ເປັນເຈົ້າການປະກອບສ່ວນຢ່າງຕັ້ງໜ້າ ເຂົ້າໃນການອອກແຮງງານ ທໍາການຜະລິດຂອງຄ້າຍເພື່ອແກ້ໄຂຊີວິດການເປັນຢູ່ ປະກອບສ່ວນເຂົ້າໃນການ ພັດທະນາຄ້າຍ,ມີຄວາມສາມັກຄີຮັກແພງຊ່ວຍເຫລືອເຊີ່ງກັນແລະກັນ.

Off

Comments are closed.