01st Jan2022

ປກສ ແຂວງ ສະຫວັນນະເຂດ ເຜີຍແຜ່ແຜນການຈັດຕັ້ງປະຕິບັດວາລະແຫ່ງຊາດ.

by somchan

ວັນທີ 31 ທັນວາ 2021 ນີ້,ກອງບັນຊາການ ປກສ ແຂວງສະຫວັນນະເຂດ ໄດ້ຈັດຕັ້ງເຜີຍ ແຜ່ແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ  ເຊິ່ງໄດ້ຈັດຂຶ້ນຢູ່ທີ່ສະໂມສອນຂອງກອງບັນຊາການ ແຂວງ, ເປັນປະທານໂດຍ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງ, ມີຄະນະກອງບັນຊາການ, ຫົວໜ້າຫ້ອງ, ຮອງຫ້ອງອ້ອມຂ້າງ, ປກສ ນະຄອນ, ກອງພັນເຄື່ອນທີ່, ໂຮງຮຽນ ປກສ ຊັ້ນສູງເລກ 3, ສູນດັດສ້າງຫຼັກ 33 ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນພິທີໄດ້ຍົກໃຫ້ເຫັນ ແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂ ບັນຫາຢາເສບຕິດ ( 2021-2023 ),  ເພື່ອຈັດຕັ້ງຜັນຂະຫຍາຍຄໍາສັ່ງແນະນໍາກົມການເມືອງສູນກາງພັກ ແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຕິດພັນກັບການຈັດຕັ້ງວາລະແຫ່ງຊາດ ໃນການແກ້ໄຂບັນຫາຢາເສບຕິິດ, ເພື່ອຍົກສູງຄວາມຮູ້-ເຂົ້າໃຈ ສະຕິຕື່ນຕົວເປັນເຈົ້າການ ຄວາມຮັບຜິດຊອບຂອງຄະນະພັກ-ອຳນາດການປົກຄອງ ແລະ ປະຊາຊົນຕໍ່ວຽກງານປ້ອງກັນຄວາມສະຫງົບ, ການແກ້ໄຂບັນຫາຢາເສບຕິດ, ປະກົດການຫຍໍ້ທໍ້ໃຫ້ດຳເນີນໄປຢ່າງເປັນລະບົບ ຕໍ່ເນື່ອງ ເດັດຂາດ ໂປ່ງໃສ ເຂັ້ມງວດ ເປັນມືອາຊີບ ແລະ ທັນເວລາ, ທັງນີ້ ເພື່ອເຮັດໃຫ້ຜູ້ເຂົ້າຮ່ວມ ກໍຄື ຄະນະຮັບຜິດຊອບແຕ່ລະຂະແໜງການກຳແໜ້ນບັນດາມະຕິຄຳສັ່ງຂອງຂັ້ນເທິງ ເພື່ອນຳໄປຈັດຕັ້ງ ຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ມີປະສິດທິຜົນ ແລະ ມີຜົນ ສຳເລັດຕາມລະດັບຄາດໝາຍ, ແນ່ໃສ່ແກ້ໄຂສາຍເຫດ ແລະ ຈຸດຊ່ອງວ່າງເງື່ອນໄຂທີ່ພາໃຫ້ເກີດປະກົດການຫຍໍ້ທໍ້ ຢູ່ຕາມພື້ນຖານທ້ອງຖິ່ນ ກົມກອງ, ຂະແໜງການຕ່າງໆ, ພ້ອມກັນປັບປຸງແກ້ໄຂດ້ານອອ່ນ, ຄົງຄ້າງໃນໄລຍະ ທີ່ຜ່ານມາ, ພ້ອມກັນນີ້ ຍັງ ຜ່ານແຜນການລົງກໍ່ສ້າງຮາກຖານການເມືອງ ຕິດພັນກັບການຈັດຕັ້ງປະຕິບັດວ່າລະແຫ່ງຊາດ, ແລະ ຂໍ້ຕົກລົງຂອງກອງບັນຊາການ ປກສ ແຂວງສະຫວັນນະເຂດ ວ່າດ້ວຍການແຕ່ງຕັ້ງຄະນະຮັບພິຊອບຊີ້ນຳວຽກງານກໍ່ສ້າງຮາກຖານການເມືອງ ຕິດພັນກັບການຈັດຕັ້ງວາລະແຫ່ງຊາດແກ້ໄຂຢາເສບຕິດ. ຢູ່ໃນບັນດາ 14 ຕົວເມືອງ, 1 ນະຄອນ,ຈຳນວນ 75 ສະຫາຍ ເມືອງລະ 5 ສະຫາຍ.

 

Off

Comments are closed.