01st Jan2022

ບໍລິສັດ ລິດຍືນຍາ ບໍລິການທໍາຄວາມສະອາດ ມອບເຄື່ອງຊ່ວຍເຫລືອ ປ້ອງກັນການແຜ່ລະບາດຂອງເຊື້ອພະຍາດໂຄວິດ-19 ມູນຄ່າ 70 ລ້ານກີບ.

by somchan

ໃນວັນທີ 31 ທັນວາ 2021 ນີ້ ບໍລິສັດ ລິດຍືນຍາ ບໍລິການທໍາຄວາມສະອາດຈຳກັດຜູ້ດຽວ ໄດ້ນຳເອົາເຄື່ອງປ້ອງກັນການແຜ່ລະບາດຂອງເຊື້ອພະຍາດໂຄວິດ-19 ລວມເປັນມູນຄ່າທັງໝົດ 70 ລ້ານກີບ ມອບໃຫ້ແກ່ 1 ອົງການ ແລະ 6 ໂຮງຫມໍ ໃນນະຄອນຫລວງວຽງຈັນ, ເພື່ອຊຸກຍູ້, ສົ່ງເສີມ ມາດຕະການປ້ອງກັນພະຍາດໂຄວິດ-19 ໃຫ້ມີຄວາມເຂັ້ມແຂງ ແລະ ປອດໄພ ຕາງຫນ້າມອບໂດຍ ທ່ານ ນາງ ສຸນັດຕາ ລິດປັນຍາ ຜູ້ອໍານວຍການບໍລິສັດ ລິດປັນຍາ ບໍລິການທໍາຄວາມສະອາດ ຈໍາກັດຜູ້ດຽວ ແລະ ມີຜູ້ຕາງໜ໊າແຕ່ລະພາກສ່ວນກ່າວຮັບ.

ເຄື່ອງທີ່ນໍາມາມອບໃຫ້ ແຕ່ລະພາກສ່ວນ, ປະກອບມີ ນ້ຳຢາລ້າງມືເອວກໍຮໍ 70% 3M ຈໍານວນ 150 ກ່ອງ ແລະຜ້າອັດປາກ KF94 ຈໍານວນ 500 ຖົງ. ໃນນັ້ນ  ມອບໃຫ້ອົງການສູນກາງພຸດທະສາສະຫນາສໍາພັນ ແຫ່ງ ສປປ ລາວ, ໂຮງຫມໍມະໂຫສົດ, ໂຮງໝໍແມ່ ແລະ ເດັກເກີດໃຫມ່, ໂຮງຫມໍ ມີສະພາບ 150 ຕຽງ, ໂຮງຫມໍ ເຊດຖາທິຣາດ ທັງຫມົດ 70 ລ້ານກີບ.

ໂອກາດດັ່ງກ່າວ, ຜູ້ຕາງຫນ້າທີ່ໄດ້ຮັບເຄື່ອງຊ່ວຍເຫລືອ ໃນຄັ້ງນີ້ ໄດ້ກ່າວສະແດງຄວາມຂອບໃຈ ຕໍ່ບໍລິສັດດັ່ງກ່າວ, ທີ່ເຫັນໄດ້ຄວາມສໍາຄັນ ນໍາເອົາເຄື່ອງຊ່ວຍເຫລືອປ້ອງກັນການແຜ່ລະບາດຂອງເຊື້ອພະຍາດໂຄວິດ-19 ມາມອບໃຫ້ໃນຄັ້ງນີ້ ພ້ອມທັງຍືນຢັນວ່າ ຈະນໍາເອົາເຄື່ອງຊ່ວຍເຫລືອໃນຄັ້ງນີ້ ໄປນຳໃຊ້ ໃຫ້ເກີດຜົນປະໂຫຍດສູງສຸດ, ແນໃສາຕ້ານບໍ່ໃຫ້ບຸກຄະລາກອນທາງການແພດ. ເກີດການຕິດເຊື້ອພະຍາດດັ່ງກ່າວ, ກໍຄື ຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ໃຫ້ຫຼຸດລົງໂດຍໄວ.

Off

Comments are closed.