03rd Jan2022

ກອງ​ບັນຊາ​ການ ປກສ ​ແຂວງ​ຈຳປາ​ສັກ ປະກາດ​ແຕ່ງ​ຕັ້ງ​ຮອງ​ຫົວໜ້າ​ກອງ​ບັນຊາ​ການ

by somchan

ໃນ​ຕອນ​ເຊົ້າ​ຂອງ​ວັນ​ທີ 31 ທັນວາ 2021 ກອງ​ບັນຊາ​ການ ປກສ ​ແຂວງ​ຈຳປາ​ສັກ ​ໄດ້ຈັດ​ພິທີ​ປະກາດ​ແຕ່ງ​ຕັ້ງ​ຮອງ​ຫົວໜ້າ​ກອງ​ບັນຊາການ ຂຶ້ນ​ຢູ່​ສະ​ໂມ​ສອນ ຂອງ​ກອງ​ບັນຊາ​ການ ​ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສະ​ນັ່ນ ສີ​ພາພົມມະ​ຈັນ ຮອງ​ເລຂາ​ພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ແຂວງ, ມີ​ທ່ານ ປະດິດ ວັນນະ​ລັດສະໝີ ຄະນະ​ປະຈຳ​ພັກ​ແຂວງ, ປະທານ​ກວດກາ​ພັກ​ແຂວງ, ມີ​ ພັທ ສຸກ​ພະຈັນ ສີ​ລາ​ເພັດ ກຳມະການ​ພັກ​ແຂວງ, ຫົວໜ້າ​ກອງ​ບັນຊາ​ການ​ ປກສ ​ແຂວງ​ຈຳປາ​ສັກ, ມີ​ຄະນະ​ພັກ​ຄະນະ​ບັນຊາ​ຈາກ​ກອງ​ບັນຊາ​ການ​ທະຫານ​ແຂວງ, ກອງ​ພົນທະຫານ​ຮາບ​ທີ 5, ຫ້ອງ​ອ້ອມ​ຂ້າງ​ກອງ​ບັນຊາ​ການ, ກອງບັນຊາ​ການ ປກສ 09 ກອງ​ເມືອງ, ອ01 ນະຄອນ, ​ໂຮງຮຽນ ປກສ ຊັ້ນ​ສູງ​ເລກ 4, ກອງພັນ​ປ້ອງ​ກັນ​ເຄື່ອນ​ທີ່ ​ເຂົ້າ​ຮ່ວມ.

​ໃນ​ພິທີ​ ພັທ ສຸກ​ພະຈັນ ສີ​ລາພັດ ​ກຳມະການ​ພັກ​ແຂວງ, ຫົວໜ້າ​ກອງ​ບັນຊາ​ການ​ ປກສ ​ແຂວງ​ຈຳປາ​ສັກ, ໄດ້ຜ່ານ​ຂໍ້​ຕົກລົງ​ຂອງ​ລັດຖະມົນຕີ ກະຊວງ​ປ້ອງ​ກັນ​ຄວາມ​ສະຫງົບ  ວ່າ​ດ້ວຍ​ການ​ແຕ່ງ​ຕັ້ງ, ຍົກຍ້າຍ​ນາຍ​ຕຳຫຼວດ​ທີ່​ຂຶ້ນກັບ​ກອງ​ບັນຊາ​ການ ປກສ ​ແຂວງ​ຈຳປາ​ສັກ ​ໃນ​ນັ້ນ​ໄດ້​ແຕ່ງ​ຕັ້ງ​ສະຫາຍ ພັທ ວິຊຽນ ດວງ​ຄຳ ເປັນ​ຮອງ​ຫົວ​ໜ້າ​ກອງ​ບັນຊາ​ການ ປກສ ​ແຂວງ​ຈຳປາ​ສັກ ຄວບຕຳ​ແໜ່​ງ​ຫົວໜ້າ ຫ້ອງການ​ເມືອງ ປກສ ແຂວງ  ​ແລະ ​ແຕ່ງ​ຕັ້ງສະຫາຍ ພັທ ສຸ​ລິ​ວັນ ບຸນ​ສະຫງ່າ ຫົວໜ້າຫ້ອງການ​ເມືອງ ປກສ ແຂວງຜູ້ເກົ່າ ​ໄປ​ຮັບ​ໜ້າ​ທີ່​ໃໝ່​ເປັນຫົວໜ້າ​ກອງ​ບັນຊາ​ການ ປກສ ​​ເມືອງ​ຊະນະ​ສົມບູນ ​ໂດຍ​ອິງ​ໃສ່​ກົດໝາຍ​ວ່າ​ດວ້ຍກຳລັງ​ປ້ອງ​ກັນ​ຄວາມ​ສະຫງົບ ປະຊາຊົນ​ສະບັບ​ເລກ 20/ສພຊ  ​ແລະ ອີງ​ຕາມ​ດຳລັດ​ຂອງ​ນາຍ​ຍົກ​ລັດຖະມົນຕີ ສະບັບ​ເລກທີ 306/ນຍ ວ່າ​ດວ້ຍການຈັດ​ຕັ້ງ ​ແລະ ​ເຄື່ອນ​ໄຫວ​ຂອງ​ກະຊວງ ປກສ ​ແລະ ອີງ​ຕາມ​ໜັງສື​ສະ​ເໜີ​ຂອງ​ກົມ​ໃຫ່ຍການ​​ເມືອງ​ກະຊວງ ປກສ ການ​ປະກາດ​ຍົກຍ້າຍ ​ແລະ ​ແຕ່ງ​ຕັ້ງ​ໃນ​ຄັ້ງ​ນີ້​ກໍ່​ເພື່ອ​ເປັນ​ການ​ປັບປຸງ​ກົງຈັກ​ການຈັດ​ຕັ້ງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ວຽກງາ​ນໃຫ້ສອດຄ່ອງ​ກັບ​ໜ້າ​ທີ່​ການ​ເມືອງ, ​ເຂັ້ມ​ແຂງ​ດ້ານ​ກາມ​ນຈັດ​ຕັ້ງ. ​ເພື່ອ​ພ້ອມ​ກັນ​ເຮັດ​ສຳ​ເລັດ​ໜ້າ​ທີ່​ຕາມ​ການ​ມອບ​ໝາຍ.

​ໂອກາດ​ດັ່ງກ່າວກໍ່​ໄດ້​ຮັບ​ຟັງການ​ໂອ້​ລົມ​ຂອງ​ທ່ານ ສະ​ນັ່ນ ສີ​ພາ​ພົມມະຈັນ ຮອງ​ເລຂາ​ພັກ​ແຂວງ ​ເຊີ່ງ​ທ່ານ​ໄດ້​ສະ​ແດງ​ຄຳ​ຍ້ອງຍໍ​ຊົມ​ເຊີຍ​ຕໍ່​ບັນດາ​ຜົນງານ​ທີ່ຄະນະພັກ-ຄະນະບັນຊາ ແລະ ຜູ້ທີ່ໄດ້ຮັບຕຳແໜ່ງໃຫມ່ ​ຍາດ​ມາ​ໄດ້​ໃນ​ໄລຍະ​ຜ່ານ. ພ້ອມ​ທັງ​ແນະນຳ​ໃຫ້​ຄະນະ​ພັກ ຄະນະ​ບັນຊາ ຢູ່​ແຕ່ລະ​ຂັ້ນ​ເອົາ​ໃຈ​ໃສ່​ເຕົ້າ​ໂຮມ​ຄວາມ​ສາມັກຄີ​ພາຍ​ໃນ, ສືບຕໍ່​ເຮັດ​ວຽກງານ​ການ​ມ​ເມືອງ​ແນວ​ຄິດ​​ໃຫ້​ເປັນ​ປົກກະຕິ ​ແລະ ສຸມ​ໃສ​ການສະກັດ​ກັ້ນ​ ແລະ ແກ້ໄຂປະກົດ​ການ​ຫຍໍ້​ທໍ​້ຢູ່​ໃນ​ສັງຄົມ​ໃຫ້​ຫຼຸດ​ໜ້ອຍ​ຖອຍ​ລົງເທື່ອລະກ້າວ. ພ້ອມທັງໜັ້ນໜັກໃຫ້ຜູ້ທີ່ໄດ້ຮັບຕຳແໜ່ງໃຫມ່ ຈົ່ງສຸມທຸກສະຕິປັນຍາເຂົ້າໃນການປະຕິບັດວຽກງານ ເຮັດໃຫ້ກຳລັງປ້ອງກັນຄວາມສະຫງົບແຂວງ ມີຄວາມເຂັ້ມແຂງເປັນກ້າວໆ.

Off

Comments are closed.