03rd Jan2022

1 ປີ ຜ່ານມາ ກຳລັງ ປກສ ຮັບປະກັນໄດ້ ຄວາມປອດໃສ ເຂັ້ມແຂງ ໜັກແໜ້ນ.

by somchan

ພົຈວ ຈັນສະແຫວງ ທິບຄູນທອງ ຮອງຫົວໜ້າຫ້ອງວ່າການກະຊວງປ້ອງກັນຄວາມສະຫງົບໄດ້ໃຫ້ຮູ້ວ່າ 1ປີຜ່ານມາໂດຍຈັດຕັ້ງປະຕິບັດຕາມ 04 ແຜນງານ 41 ໂຄງການ,ກະຊວງປ້ອງກັນຄວາມສະຫງົບແມ່ນຍາດໄດ້ຜົນງານ, ຜົນສໍາເລັດຫຼາຍດ້ານເປັນຕົ້ນ: ວຽກງານປັບປຸງ-ກໍ່ສ້າງກໍາລັງປ້ອງກັນຄວາມສະຫງົບປະຊາຊົນໃຫ້ປອດໃສ, ເຂັ້ມແຂງ ໜັກແໜ້ນ ແລະ ມີແບບແຜນທັນສະໄໝ, ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ນາຍ ແລະ ພົນຕໍາຫຼວດ ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ມູນເຊື້ອຂອງພັກ. ໃນນີ້ ໄດ້ຈັດຕັ້ງຮ່ຳຮຽນ, ຄົ້ນຄວາ, ເຊື່ອມຊຶມມະຕິ, ຄໍາສັ່ງ ແລະ ເອກະສານຕ່າງໆ ເປັນຕົ້ນ: ມະຕິກອງປະຊຸມໃຫຍ່ ຄັ້ງທີ XI ຂອງພັກ ປະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ປກສ, ຈັດຕັ້ງປາຖະກະຖາເລົ່າຄືນມູນເຊື້ອວັນສໍາຄັນ ຂອງພັກ-ຂອງຊາດ ແລະ ຂອງກໍາລັງປະກອບອາວຸດ, ຖືເອົາຂະບວນການກໍ່ສ້າງໜວຍພັກປອດໃສ, ເຂັ້ມແຂງ ແລະ ໜັກແໜ້ນ ຕິດພັນກັບການແກ້ໄຂປະກົດການຫຍໍ້ທໍ້ໃນກໍາລັງ ປກສ ຢ່າງເຂັ້ມງວດ ແລະ ຄຽງຄູ່ກັນນີ້ ຍັງໄດ້ສຸມໃສ່ປັບປຸງກໍ່ສ້າງພັກຕາມ 05 ຫຼັກການ ແລະ 03 ທິດນໍາ ໂດຍຖືເອົາຄຸນນະພາບເປັນກົກການຈັດຕັ້ງທຸກຂັ້ນ ແລະ ສະມາຊິກພັກທຸກສະຫາຍ ໄດ້ປະຕິບັດຫຼັກການລວມສູນປະຊາທິປະໄຕ ແລະ ກົດລະບຽບພັກຢ່າງເຂັ້ມງວດ, ຖືເອົາການສໍາຫຼວດກວດກາ, ຕີລາຄາແບ່ງປະເພດສະມາຊິກພັກ ແລະ ຮາກຖານພັກ. ພ້ອມທັງ ແກ້ໄຂ ບັນດາປະກົດການຫຍໍ້ທໍ້ທີ່ເກີດຂຶ້ນພາຍໃນພັກ, ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ປັບປຸງກົງຈັກການຈັດຕັ້ງບາງຫົວໜ່ວຍພັກ ຢູ່ບັນດາກົມກອງອ້ອມຂ້າງກະຊວງ-ທ້ອງຖິ່ນ, ໄດ້ຈໍານວນ 2.356 ຕໍາແໜ່ງ, ຍິງ 289 ຕໍາແໜ່ງ, ຈັດຕັ້ງພິທີປະກາດລັດຖະດໍາລັດວ່າດ້ວຍການເລື່ອນຊັ້ນ ພົທ ຂື້ນ ພັນເອກ ໃຫ້ນາຍຕໍາຫຼວດຂັ້ນສູງ 01 ທ່ານ, ຊັ້ນ ພົຕ ຂື້ນ ພົທ 01 ທ່ານ, ຊັ້ນ ພົຈວ ຂື້ນ ພົຕ 04 ທ່ານ, ຊັ້ນ ພ້ອ ຂຶ້ນ ພົຈວ 05 ທ່ານ, ຊັ້ນ ພັທ ຂຶ້ນ ພ້ອ 71 ທ່ານ, ຍິງ 04 ທ່ານ ແລະ ປະກາດດໍາລັດວ່າດ້ວຍການແຕ່ງຕັ້ງຮອງລັດຖະມົນຕີກະຊວງປ້ອງ ກັນຄວາມສະຫງົບ 01 ທ່ານ, ອອກຂໍ້ຕົກລົງເລື່ອນຊັ້ນ, ປະດັບຊັ້ນ, ດັດແປງຊັ້ນໃຫ້ນາຍ ແລະ ພົນຕໍາຫຼວດ ໃຫ້ບັນດາກົມກອງອ້ອມຂ້າງກະຊວງ ແລະ ກອງບັນຊາການ ປກສ ທ້ອງຖິ່ນ ຈໍານວນ 14.353 ສະຫາຍ ຍິງ, 2.938 ສະຫາຍແລະອື່ນໆ.

ທ່ານໃຫ້ຮູ້ຕື່ມອີກວ່າ: ໃນຕໍ່ໜ້າສໍາລັບ ວຽກງານປັບປຸງ-ກໍ່ສ້າງກໍາລັງປ້ອງກັນຄວາມສະຫງົບປະຊາຊົນໃຫ້ປອດໃສ, ເຂັ້ມແຂງ, ໜັກ ແໜ້ນ ແລະ ມີແບບແຜນທັນສະໄໝ,ຈະສືບຕໍ່ສຶກສາອົບຮົມການເມືອງ-ນໍາພາແນວຄິດໃຫ້ພະນັກງານ-ນັກຮົບມີຄຸນທາດການເມືອງໜັກແໜ້ນ, ຈົງຮັກພັກດີຕໍ່ພັກ-ລັດປະຊາຊົນຢ່າງຕາຍໃຈ,ຕັ້ງຫນ້າກໍ່ສ້າງພັກໃຫ້ໜັກແໜ້ນທາງດ້ານການເມືອງ-ແນວຄິດ, ເຂັ້ມແຂງທາງດ້ານການຈັດຕັ້ງ ແລະ ປະຕິບັດຖືກຕ້ອງຕາມ 05 ຫຼັກການ 03 ທິດນໍາ ຂອງຫຼັກການກໍ່ສ້າງພັກ, ຊຸກຍູ້ຂະບວນການເພີ່ມທະວີຫນ່ວຍ ພັກປອດໃສ, ເຂັ້ມແຂງ ແລະ ໜັກແໜ້ນ ໃຫ້ບັນລຸຕາມຄາດຫມາຍທີ່ກະຊວງວາງອອກ, ຂື້ນແຜນກໍານົດພະນັກງານສືບທອດປ່ຽນແທນແຕ່ລະຂັ້ນ, ແຕ່ລະປະເພດ, ແຕ່ລະກົມກອງເຫຼົ່າຮົບ ຕາມຄວາມຮຽກຮ້ອງຕ້ອງການຂອງຫນ້າທີ່ການເມືອງຂອງພັກ, ຂອງກໍາລັງປ້ອງກັນຄວາມສະຫງົບ ໃນສະ ພາບການໃໝ່,

ຍົກສູງປະຕິບັດນະໂຍບາຍຕໍ່ພະນັກງານ-ນັກຮົບໃນກໍາລັງປ້ອງກັນຄວາມສະຫງົບໃຫ້ຖືກຕ້ອງ ສອດຄ່ອງກັບນະໂຍບາຍຕ່າງໆ ທີ່ພັກ-ລັດ ໄດ້ວາງອອກ,ການຄົ້ນຄວ້າຮັບກໍາລັງໃຫມ່ ຕ້ອງຮັບປະກັນໃຫ້ໄດ້ຄົນດີ, ຄົນເກັ່ງ ແລະ ຫ້າວຫັນ ມີປະຫວັດການ ເຄື່ອນໄຫວຈະແຈ້ງ , ສືບຕໍ່ປັບປຸງ, ຄົ້ນຄວ້າໂຄງການຫຼັກສູດການສິດສອນ-ຮໍ່າຮຽນ ຢູ່ບັນດາໂຮງຮຽນຂອງກໍາລັງປ້ອງກັນ ຄວາມສະຫງົບ ໃຫ້ມີຄຸນນະພາບດີຂຶ້ນຫຼາຍກວ່າເກົ່າ.

Off

Comments are closed.