04th Jan2022

ນັບແຕ່ເສັ້ນທາງລົດໄຟລາວ-ຈີນ ເປີດການນຳໃຊ້ໄດ້ຮັບຜົນງານທີ່ໜ້າຊົມເຊີຍ ໄດ້ເລັ່ງສ້າງເສັ້ນທາງຈໍລະຈອນສິນຄ້າອັນໃໝ່ລະຫວ່າງ ຈີນ ແລະ ອາຊຽນ

by somda phoneor

ກຸ່ມບໍລິສັດເສັ້ນທາງລົດໄຟແຫ່ງຊາດຈີນ ໃຫ້ຮູ້ວ່າ ວັນທີ 3 ມັງກອນ 2022 ຄື ວັນຄົບຮອບ 1 ເດືອນ ທີ່ເປີດການນຳໃຊ້ ເສັ້ນທາງລົດໄຟລາວ-ຈີນ, ໃນ 1 ເດືອນທີ່ຜ່ານມາໄດ້ຂົນສົ່ງຜູ້ໂດຍສານທັງ ໝົດ 670.000 ເທື່ອຄົນ, ຂົນສົ່ງສິນຄ້າໄດ້ 170.000 ໂຕນ, ການຂົນສົ່ງຜູ້ ໂດຍສານ ແລະການຂົນສົ່ງສິນຄ້າລ້ວນແຕ່ມີທ່າອຽງເພີ່ມຂຶ້ນ, ເຊິ່ງຖືວ່າ ເປັນຜົນງານທີ່ໜ້າຊົມເຊີຍ, ໄດ້ກະຕຸກຊຸກຍູ້ເສດຖະກິດ ແລະ ການທ່ອງທ່ຽວລຽບຕາມເສັ້ນທາງລົດໄຟຢ່າງແຂງແຮງ ໄດ້ເລັ່ງສ້າງເສັ້ນທາງຈໍລະຈອນສິນຄ້າອັນໃໝ່ລະຫວ່າງ ຈີນ ແລະ ອາຊຽນ ທັງໄດ້ເສີມຂະຫຍາຍບົດບາດອັນຕັ້ງໜ້າໃນການປັບປຸງເງື່ອນໄຂການເດີນທາງຂອງປະຊາຊົນສອງ ຊາດຈີນ-ລາວ, ຊຸກຍູ້ຮອບໝູນວຽນດ້ານເສດຖະກິດພາຍໃນປະເທດ ແລະ ສາກົນໃຫ້ໂລ່ງລ່ຽນ ພ້ອມທັງເປັນການຊຸກຍູ້ການສ້າງແລວເສດຖະກິດຈີນ-ລາວ, ເສັ້ນທາງລົດໄຟລາວ-ຈີນ ມີຄວາມປອດໄພເປັນມິດກັບສິ່ງແວດລ້ອມ, ມີປະສິດທິພາບສູງ ແລະມີຄວາມສະດວກວ່ອງໄວ ຈຶ່ງໄດ້ກາຍເປັນທາງ ເລືອກອັນດັບໜຶ່ງສຳລັບການເດີນທາງຂອງປະຊາຊົນລຽບຕາມເສັ້ນທາງ ລົດໄຟສາຍນີ້, ຈຳນວນຜູ້ໂດຍສານໄດ້ເພີ່ມຂຶ້ນຢ່າງຫລວງຫລາຍ. ນັບແຕ່ ການເປີດນຳໃຊ້ເປັນເວລາ 1 ເດືອນເປັນຕົ້ນມາ, ຕາມເສັ້ນທາງລົດໄຟ ຈີນ-ລາວ ຢູ່ທາງປະເທດຈີນ, ຈຳນວນຂົນສົ່ງຜູ້ໂດຍສານໃນມື້ດຽວໄດ້ເພີ່ມ ຂຶ້ນຈາກ 19.000 ເທື່ອຄົນໃນໄລຍະຫາກໍເປີດການນຳໃຊ້ ເພີ່ມຂຶ້ນເປັນ 33.000 ເທື່ອຄົນ, ລວມທັງໝົດ ໄດ້ຂົນສົ່ງຜູ້ໂດຍສານ 620.000 ເທື່ອຄົນ. ຢູ່ທາງປະເທດລາວ, ຈຳນວນຂົນ ສົ່ງຜູ້ໂດຍສານໃນມື້ດຽວຂອງຂະບວນລ້ານຊ້າງ ໄດ້ເພີ່ມຈາກ 1.000 ຄົນ ໃນຕອນຫາກໍເປີດການນຳໃຊ້ເພີ່ມຂຶ້ນເປັນ 2.600 ກວ່າເທື່ອຄົນ, ລວມທັງໝົດແລ້ວໄດ້ຂົນສົ່ງຜູ້ໂດຍສານ 5 ໝື່ນເທື່ອຄົນ, ເຊິ່ງໄດ້ກະຕຸກຊຸກຍູ້ເສດຖະກິດ ແລະ ການທ່ອງທ່ຽວລຽບ ຕາມເສັ້ນທາງລົດໄຟສາຍນີ້ຢ່າງແຂງແຮງ ແລະ ດຶງດູດນັກທ່ອງທ່ຽວຈຳນວນຫລວງຫລາຍມາຂີ່ລົດໄຟໄປທ່ຽວແຫລ່ງທ່ອງທ່ຽວຕ່າງໆ.

ເສັ້ນທາງລົດໄຟລາວ-ຈີນ ຍັງໄດ້ສ້າງເສັ້ນທາງຈໍລະຈອນສິນຄ້າທີ່ສະດວກ ວ່ອງໄວຢູ່ລະຫວ່າງ ຈີນ ແລະ ອາຊຽນ ເພີ່ມກຳລັງຂັບເຄື່ອນອັນໃໝ່ໃຫ້ກັບການຮ່ວມມືດ້ານເສດຖະກິດການຄ້າລະຫວ່າງ ຈີນ ແລະ ອາຊຽນ ເຮັດໃຫ້ ວິສາຫະກິດສາມາດຊົມໃຊ້ໂອກາດ ແລະ ຜົນປະໂຫຍດຈາກເສັ້ນທາງລົດໄຟລາວ-ຈີນ. ນັບແຕ່ເປີດການນຳໃຊ້ຢ່າງເປັນທາງການເປັນ ເວລາ 1 ເດືອນກວ່າຜ່ານມາ, ໄດ້ມີຂະບວນລົດໄຟຂົນສົ່ງສິນຄ້າ 380 ຖ້ຽວ, ໂດຍ ຂົນສົ່ງສິນຄ້າ 170.000 ໂຕນ. ປະເທດຈີນ ໄດ້ເປີດຂະບວນລົດໄຟຂົນສົ່ງສິນຄ້າທີ່ໄປສູ່ ນະຄອນຫລວງວຽງຈັນ ແລະ ຕົວເມືອງອື່ນໆຂອງປະເທດລາວ, ປະເພດສິນຄ້າກໍໄດ້ເພີ່ມ ຂຶ້ນຢ່າງບໍ່ຢຸດຢັ້ງ. ຄຽງຄູ່ກັບການເກີດມີຜົນບັງຄັບໃຊ້ຂອງສັນຍາການພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ ຫລື RCEP ແລະ ຈະເຮັດໃຫ້ປະລິມານຂົນສົ່ງສິນຄ້າຕາມເສັ້ນທາງລົດໄຟລາວ-ຈີນ ເພີ່ມຂຶ້ນຢ່າງໝັ້ນທ່ຽງ.

 

Off

Comments are closed.