04th Jan2022

ລັດຖະມົນຕີກະຊວງ ປກສ ຕ້ອນຮັບການເຂົ້າຢ້ຽມຂໍ່ານັບຂອງເອກອັກຄະລັດສະທູດມົງໂກລີປະຈຳ ສປປ ລາວ.

by somda phoneor

ໃນວັນທີ 4 ມັງກອນ 2022 ນີ້ ທີ່ຫ້ອງຮັບແຂກກະຊວງປ້ອງກັນຄວາມສະຫງົບ, ພົນເອກ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ພົຈວ ຢາມບາຊຸເຣນ ເຈນສະແຮນ ເອກອັກຄະລັດສະທູດແຫ່ງປະເທດ ມົງໂກລີ ໃນໂອກາດທີ່ມາດຳລົງຕຳແໜ່ງເປັນເອກອັກຄະລັດສະທູດ ປະຈຳ ສປປ ລາວ ຄົນໃໝ່.

ໃນໂອກາດທີ່ມີຄວາມໝາຍສຳຄັນນີ້ ທ່ານເອກອັກຄະລັດສະທູດ ໄດ້ລາຍງານຈຸດປະສົງໃນການເຂົ້າຢ້ຽມຂ່ຳນັບພົບປະໃນຄັ້ງນີ້ ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ຮັບຊາບເປັນຕົ້ນແມ່ນວຽກງານພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ກ່ຽວກັບຂະແໜງການທີ່ກ່ຽວຂ້ອງຂອງສອງປະເທດລາວ-ມົງໂກລີ ເຊັ່ນ: ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານຍຸດຕິທຳ ແລະ ວຽກງານອື່ນໆ ທີ່ສອງປະເທດໄດ້ພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ດ້ວຍດີຕະຫຼອດມາ.

ພ້ອມນີ້ທ່ານລັດຖະມົນຕີກະຊວງປ້ອງກັນຄວາມສະຫງົບ ໄດ້ສະແດງຄວາມຊົມເຊີຍຕໍ່ໜ້າທີ່ອັນມີກຽດທີ່ທ່ານເອກອັກຄະລັດສະທູດ ໄດ້ມາດຳລົງຕຳແໜ່ງເປັນເອກອັກຄະລັດສະທູດປະຈຳ ສປປ ລາວ ຄົນໃໝ່ ແລະ ຕີລາຄາສູງຕໍ່ສາຍພົວພັນມິດຕະພາບລະຫວ່າງສອງປະເທດ ສອງພັກ-ສອງລັດ ລາວ ແລະ ມົງໂກລີ ຕະຫຼອດໄລຍະທີ່ຜ່ານມາ, ເຊິ່ງເປັນມິດໝາຍອັນດີທີ່ສອງພັກ-ສອງລັດ ປະຊາຊົນສອງຊາດລາວ ແລະ ມົງໂກລີ ເວົ້າລວມ, ເວົ້າສະເພາະແມ່ນການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ລະຫວ່າງສອງກຳລັງປ້ອງກັນຄວາມສະຫງົບ, ຂະແໜງການອື່ນໆ ຂອງສອງປະເທດ ແລະ ພ້ອມນີ້ຈະເອົາໃຈໃສ່ສືບຕໍ່ພົວພັນຮ່ວມມືຊ່ວຍເຫຼືອເຊິ່ງກັນໃນດ້ານວຽກງານຕ່າງໆທີ່ມີຄວາມຈຳເປັນລະຫວ່າງສອງປະເທດໃຫ້ແຕກດອກອອກຜົນ ແລະ ແໜ້ນແຟ້ນຍິ່ງໆຂື້ນໃນຕໍ່ໜ້າ.

Off

Comments are closed.