05th Jan2022

ຄະນະຈັດຕັ້ງສູນກາງພັກ ປປ ລາວ ແລະ ຄະນະຈັດຕັ້ງສູນກາງພັກກອມມູນິດຫວຽດນາມ ແລກປ່ຽນບົດຮຽນ ຜ່ານລະບົບທາງໄກ.

by somda phoneor

ວັນທີ 4 ມັງກອນ 2022 ນີ້, ຄະນະຈັດຕັ້ງສູນກາງພັກປະຊາຊົນ ປະຕິວັດລາວ ນຳໂດຍ ທ່ານ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ, ເລຂາ ທິການສູນກາງພັກ, ຫົວໜ້າຄະນະຈັດຕັ້ງສູນກາງພັກປະຊາຊົນ ປະຕິວັດລາວ ພ້ອມດ້ວຍຄະນະ ໄດ້ພົບປະແລກປ່ຽນບົດຮຽນ ກັບ ສະຫາຍ ນາງ ເຈືອງທິມາຍ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກກອມມູນິດຫວຽດນາມ ພ້ອມດ້ວຍຄະນະ ຜ່ານລະບົບທາງໄກ.

ການພົບປະຄັ້ງນີ້, ທັງສອງຝ່າຍໄດ້ຜັດປ່ຽນກັນມີຄຳເຫັນ ແລະ ລາຍງານສະພາບການເຄື່ອນ ໄຫວວຽກງານວິຊາສະເພາະຂອງຕົນ, ພ້ອມກັບທົບທວນຄືນການພົວພັນຮ່ວມມື ໃນບົດບັນທຶກຊ່ວຍຈຳຄັ້ງຜ່ານມາ ແລະ ແລກປ່ຽນບົດຮຽນວິຊາສະເພາະທີ່ສອງຝ່າຍສົນໃຈຮ່ວມກັນ ເພື່ອເອກະພາບກັນສືບຕໍ່ລົງນາມຂໍ້ຕົກລົງ ການພົວພັນຮ່ວມມື ສອງຝ່າຍໃນ 5 ປີຕໍ່ໜ້າ.

ຈາກນັ້ນ, ສອງຝ່າຍກໍໄດ້ ເຊັນບົດບັນທຶກການຮ່ວມມື ສົກປີ 2022-2026 ລະຫວ່າງ ຄະນະຈັດຕັ້ງສູນກາງພັກ ປະຊາຊົນ ປະຕິວັດລາວ ແລະ ຄະນະຈັດຕັ້ງສູນກາງພັກກອມມູນິດຫວຽດນາມ ເພື່ອສືບຕໍ່ພົວພັນຮ່ວມມືດ້ານວຽກງານວິຊາສະເພາະ ກໍຄືການປະກອບສ່ວນເຂົ້າໃນວຽກງານລວມ ເສີມຂະຫຍາຍມູນເຊື້ອການພົວພັນຮ່ວມມືຮອບດ້ານແບບພິເສດ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ. ພິເສດແມ່ນສອງຄະນະຈັດຕັ້ງສູນກາງພັກ ທີ່ເປັນສະຫາຍອ້າຍ-ນ້ອງ ເພື່ອນມິດໃກ້ຊິດສະໜິດແໜ້ນທີ່ສຸດ ໃຫ້ນັບມື້ນັບມີການຂະຫຍາຍຕົວເຂົ້າສູ່ລວງເລິກກວ່າເກົ່າ.

Off

Comments are closed.