05th Jan2022

ລັດຖະມົນຕີກະຊວງ ປກສ ຮຽກຮ້ອງໃຫ້ນາຍ ແລະ ພົນຕໍາຫຼດກໍາລັງ ປກສ ເອົາໃຈໃສ່ວຽກງານປົກປັກຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ

by somda phoneor

ເພື່ອສືບຕໍ່ຮັບປະກັນໃຫ້ບັນດາເຫດການການເມືອງສໍາຄັນຂອງພັກ, ລັດ ແລະ ສະພາແຫ່ງຊາດ ໄດ້ຮັບການຈັດຕັ້ງປະຕິບັດ, ດໍາເນີນດ້ວຍຄວາມປອດໄພ ແລະ ທັງເປັນການປັບປຸງແບບແຜນ, ການຈັດຕັ້ງປະຕິ ບັດຫນ້າທີ່ການເມືອງຂອງກໍາລັງປ້ອງກັນຄວາມສະຫງົບ ໃນປີ 2022 ໃຫ້ເຂົ້າສູ່ລະບົບທີ່ໜັກແໜ້ນ, ພົອ ວິໄລ ຫຼ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ,ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາຕໍ່ນາຍ ແລະ ພົນຕໍຫຼວດໃນກໍາລັງປ້ອງກັນຄວາມສະຫງົບໃນຂອບເຂດທົ່ວປະເທດ

,ໃນໂອກາດທີ່ທ່ານໄດ້ເຂົ້າຮ່ວມ ແລະ ເປັນປະທານກອງປະຊຸມສະຫຼຸບການຈັດຕັ້ງປະຕິບັດວຽກງານປ້ອງກັນຄວາມສະຫງົບປະຈໍາປີ 2021 ແລະ ທິດທາງແຜນການປີ2022,ທີ່ໄດ້ຈັດຂື້ນໃນຫວ່າງບໍ່ດົນມານີ້, ເຊີ່ງທ່ານໄດ້ຮຽກຮ້ອງໃຫ້ນາຍ ແລະ ພົນຕໍາຫຼວດໃນກໍາລັງປ້ອງກັນຄວາມສະຫງົບໃນເຂບເຂດທົ່ວປະເທດ,ຕ້ອງໄດ້ເພີ່ມທະວີເອົາໃຈໃສ່ຫຼາຍຂົງເຂດວຽກງານເປັນຕົ້ນ: ຂົງເຂດວຽກງານປົກປັກຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ,ຕ້ອງຮັບປະກັນໃຫ້ປະເທດມີສະຖຽນລະພາບທາງດ້ານການເມືອງ, ມີຄວາສະຫງົບປອດໄພຢ່າງໜັກແໜ້ນ, ມາດຕະການຍຸດທະສາດ ຍັງແມ່ນຫັນກໍາລັງລົງກໍ່ສ້າງຮາກຖານການເມືອງຢ່າງມີຈຸດສຸມ ຕິດພັນກັບ ການສ້າງບ້ານ-ກຸ່ມບ້ານພັດທະນາ ຕາມທິດ 3 ສ້າງ ຢູ່ພື້ນທີ່ຫຼໍ່ແຫຼມ, ບໍລິເວນຊາຍແດນ; ໃນນີ້, ໃຫ້ສຸມໃສ່ປັບ ປຸງຄືນດ້ານຈໍານວນພົນ, ລະດັບມາດຖານຂອງພະນັກງານ, ຈຸດໃດທີ່ເຫັນວ່າສະພາບປົກກະຕິ, ທ້ອງຖິ່ນມີຄວາມສາມາດຄຸ້ມຄອງເອງ ແມ່ນໃຫ້ສະເຫນີຂັ້ນເທິງ ມອບໂອນໃຫ້ທ້ອງຖິ່ນເປັນຜູ້ຄຸ້ມຄອງ, ຈຸດໃດທີ່ມີຄວາມຫຼໍ່ແຫຼມ, ຍາກແກ່ການຄຸ້ມຄອງ ແມ່ນໃຫ້ສະເຫນີສ້າງຕັ້ງເພີ່ມ ເປັນຕົ້ນແຂວງພາກເຫນືອ ແລະ ພາກກາງ; ຜ່ານການເຄື່ອນໄຫວ, ແຕ່ລະກອງຕ້ອງເອົາໃຈໃສ່ຈັດຕັ້ງສະຫຼຸບ, ຖອດຖອນບົດຮຽນ ເປັນແຕ່ລະໄລຍະ, ພ້ອມນັ້ນ, ຄະນະພັກ-ຄະນະບັນຊາ ຕ້ອງເອົາໃຈໃສ່ຄົ້ນຄວ້າປະຕິບັດນະໂຍບາຍຕໍ່ພະນັກງານລົງຮາກຖານຢ່າງເໝາະສົມ ໂດຍສະເພາະການເລື່ອນຊັ້ນ ແລະ ກໍານົດເວລາໃນການລົງ ,ບໍ່ຄວນເອົາພະນັກງານຊີ້ນໍາຂັ້ນມະຫາພາກ ທີ່ເປັນຫົວຈັກຫຼັກແຫຼ່ງແກ້ໄຂວຽກປົກກະຕິ ລົງປະຈໍາຢູ່ທ້ອງຖິ່ນ ເປັນເວລາດົນ ຫຼືຮັບຜິດຊອບຫຼາຍຈຸດ,ໃຫ້ຄົ້ນຄ້ວາເອົາພະນັກງານຢູ່ກົມກອງ ທີ່ມີຈໍານວນພົນຫຼາຍເກີນໂຄງປະກອບ ຫຼື ນັກຮຽນທີ່ຮຽນຈົບໃໝ່, ຈັດຕັ້ງຝຶກອົບຮົມ ຈາກນັ້ນຈິ່ງສົ່ງລົງ ໝາຍຄວາມວ່າກໍາລັງໃຫ້ລົງປະຈໍາຢູ່ ປກສ ບ້ານ ແລະ ກຸ່ມບ້ານ ໃຫ້ຫຼາຍ ເພື່ອແກ້ໄຂ-ໄກເກຍສະພາບ, ເຮັດໃຫ້ທ້ອງຖິ່ນມີຄວາມສະຫງົບແລະພ້ອມນີ້ຕ້ອງໄດ້ເພີ່ມທະວີການເຄື່ອນໄຫວວຽກງານວິຊາສະເພາະໃຫ້ແຂງແຮງແຕ່ລະຂັ້ນ ໂດຍສະເພາະວຽກງານສືບຂ່າວ, ເກັບກໍາ-ວິໄຈ-ປະມວນຂ່າວ, ເກັບກໍາເປົ້າຫມາຍທີ່ກ່ຽວຂ້ອງກັບກົນອຸບາຍ, ການເຄື່ອນໄຫວມ້າງເພທໍາ ລາຍຂອງອິດທິກໍາລັງປໍລະປັກ, ເຂັ້ມງວດ-ກວດກາ ລັດຖະກອນ ຕາມສາຍວິຊາສະເພາະ ຢູ່ສໍານັກງານອົງການ ທັງຕິດຕາມກໍາແໜ້ນການເຄື່ອນໄຫວຂອງອົງການຈັດຕັ້ງສັງຄົມ, ມູນລະນິທິ, ການຈັດຕັ້ງ-ການເຄື່ອນໄຫວຂອງອົງ ການຈັດຕັ້ງທີ່ບໍ່ຂຶ້ນກັບລັດຖະບານ, ການສວຍໃຊ້ຮູບການລົງທຶນ, ການທ່ອງທ່ຽວ, ຢ້ຽມຢາມແອບແຝງ ເພື່ອ ສ້າງໜໍ່ແໜງຄວາມບໍ່ສະຫງົບຢູ່ປະເທດເຮົາໃນທຸກຮູບແບບ.

Off

Comments are closed.