06th Jan2022

ຍອມຖີ້ມຢາບ້າຈຳນວນ 886.000 ເມັດ ຍ້ອນຖືກເຈົ້າໜ້າທີກົດດັນ ແລະ ປາບປາມຢ່າງໜັກ.

by somda phoneor

ໃນໂອກາດທີ່ທີມງານສື່ມວນຊົນປ້ອງກັນຄວາມສະຫງົບໄດ້ເຄື່ອນໄຫວສຳພາດກອງບັນຊາການ ປກສ ເມືອງ ໄຊທານີ ນະຄອນຫຼວງວຽງຈັນ ກ່ຽວກັບການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນວັນທີ 5 ມັງກອນ 2022,  ພັທ ຈັນເພັງ ແກ້ວປະເສີດ ຫົວໜ້າກອງບັນຊາການ ປກສ ເມືອງ ໄຊທານີ ໄດ້ໃຫ້ສຳພາດວ່າ: ໃນວັນທີ 1 ມັງກອນ 2022 ທາງເຈົ້າໜ້າທີ ປກສ ກຸ່ມຫາດກ້ຽງ ເມືອງ ໄຊທານີ ນະຄອນຫຼວງວຽງຈັນ ໄດ້ຮັບແຈ້ງຈາກພົນລະເມືອງດີວ່າ

ພົບເຫັນເປົາຈຳນວນ 6 ເປົາ ຖິ້ມປະໄວ້ໃນປ່າເຂດບ້ານໂພນຄໍ້ ຕິດກັບຊາຍແດນບ້ານນາກຸງ ຈາກນັ້ນເຈົ້າໜ້າທີ ປກສ ກຸ່ມຫາດຫ້ຽງ ຈຶ່ງໄດສົມທົບກັບອຳນາດການປົກຄອງບ້ານ ລົງກວດກາສະຖານທີ່ເກີດເຫດຈຶ່ງພົບເຫັນເປົາຈຳນວນດັ່ງກ່າວໂດຍບັນຈຸຢາບ້າຈຳນວນ 886.000 ເມັດ

ປະຈຸບັນເຈົ້າໜ້າທີ ປກສ ກຸ່ມຫາດກ້ຽງ ໄດ້ລາຍງານ ແລະ ນຳສົ່ງຂອງກາງ ມອບໃຫ້ກອງບັນຊາການ ປກສ ເມືອງ ໄຊທານີ ເພື່ອດຳເນີນການສືບສວນ-ສອບສວນຂະຫຍາຍຜົນ ນຳຕົວຜູ້ກະທຳຜິດມາດຳເນີນຄະດີຕາມກົດໝາຍ.

Off

Comments are closed.