06th Jan2022

ກອງບັນຊາການ ປກສ ແຂວງຈຳປາສັກ ປະກາດແຕ່ງຕັ້ງຮອງຫົວໜ້າກອງບັນຊາການ.

by somda phoneor

ທ້າຍເດືອນທັນວາ 2021 ນີ້ ກອງ​ບັນຊາ​ການ ປກສ ​ແຂວງ​ຈຳປາ​ສັກ ​ໄດ້ຈັດ​ພິທີ​ປະກາດ​ແຕ່ງ​ຕັ້ງ​ຮອງ​ຫົວໜ້າ​ກອງ​ບັນຊາການ ​ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສະ​ນັ່ນ ສີ​ພາພົມມະ​ຈັນ ຮອງ​ເລຂາ​ພັກ​ແຂວງ, ຫົວໜ້າ​ຄະນະ​ຈັດ​ຕັ້ງ​ແຂວງ, ມີ​ທ່ານ ປະດິດ ວັນນະ​ລັດສະໝີ ຄະນະ​ປະຈຳ​ພັກ​ແຂວງ, ປະທານ​ກວດກາ​ພັກ​ແຂວງ,  ພັທ ສຸກ​ພະຈັນ ສີ​ລາ​ເພັດ ກຳມະການ​ພັກ​ແຂວງ, ຫົວໜ້າ​ກອງ​ບັນຊາ​ການ​ ປກສ ​ແຂວງ​ຈຳປາ​ສັກ, ມີ​ຄະນະ​ພັກ​ຄະນະ​ບັນຊາ​ຈາກ​ກອງ​ບັນຊາ​ການ​ທະຫານ​ແຂວງ, ຫ້ອງ​ອ້ອມ​ຂ້າງ​ກອງ​ບັນຊາ​ການ ​ເຂົ້າ​ຮ່ວມ.

​ໃນ​ພິທີ​ ພັທ ສຸກ​ພະຈັນ ສີ​ລາພັດ ​ກຳມະການ​ພັກ​ແຂວງ, ຫົວໜ້າ​ກອງ​ບັນຊາ​ການ​ ປກສ ​ແຂວງ​ຈຳປາ​ສັກ, ໄດ້​ຜ່ານ​ຂໍ້​ຕົກລົງ​ຂອງ​ລັດຖະມົນຕີ ກະຊວງ​ປ້ອງ​ກັນ​ຄວາມ​ສະຫງົບ ວ່າ​ດ້ວຍ​ການ​ແຕ່ງ​ຕັ້ງ, ຍົກຍ້າຍ​ນາຍ​ຕຳຫຼວດ​ທີ່​ຂຶ້ນກັບ​ກອງ​ບັນຊາ​ການ ປກສ ​ແຂວງ​ຈຳປາ​ສັກ ​ໃນ​ນັ້ນ​ໄດ້​ແຕ່ງ​ຕັ້ງ​ສະຫາຍ ພັທ ວິຊຽນ ດວງ​ຄຳ ຫົວໜ້າ​ກອງ​ບັນຊາ​ການ ປກສ ​​ເມືອງ​ຊະນະ​ສົມບູນ ​ຜູ້ເກົ່າ ເປັນ​ຮອງ​ຫົວ​ໜ້າ​ກອງ​ບັນຊາ​ການ ປກສ ​ແຂວງ​ຈຳປາ​ສັກ ຄວບຕຳ​ແໜ່​ງ​ເປັນ​ຫົວໜ້າ ຫ້ອງການ​ເມືອງ ປກສ ແຂວງ  ​ແລະ ​ແຕ່ງ​ຕັ້ງສະຫາຍ ພັທ ສຸ​ລິ​ວັນ ບຸນ​ສະຫງ່າ ຫົວໜ້າຫ້ອງການ​ເມືອງ ປກສ ແຂວງຜູ້ເກົ່າ ​ໄປ​ຮັບ​ໜ້າ​ທີ່​ໄໝ່​ເປັນຫົວໜ້າ​ກອງ​ບັນຊາ​ການ ປກສ ​​ເມືອງ​ຊະນະ​ສົມບູນ ​ໂດຍ​ອິງ​ໃສ່​ກົດໝາຍ​ວ່າ​ດວ້ຍກຳລັງ​ປ້ອງ​ກັນ​ຄວາມ​ສະຫງົບ ປະຊາຊົນ​ ​ແລະ ອີງ​ຕາມ​ດຳລັດ​ຂອງ​ນາຍ​ຍົກ​ລັດຖະມົນຕີ ວ່າ​ດວ້ຍການຈັດ​ຕັ້ງ ​ແລະ ​ເຄື່ອນ​ໄຫວ​ຂອງ​ກະຊວງ ປກສ ​ແລະ ອີງ​ຕາມ​ໜັງສື​ສະ​ເໜີ​ຂອງ​ກົມ​ໃຫ່ຍການ​​ເມືອງ​ກະຊວງ ປກສ ການ​ປະກາດ​ຍົກຍ້າຍ ​ແລະ ​ແຕ່ງ​ຕັ້ງ​ໃນ​ຄັ້ງ​ນີ້​ກໍ່​ເພື່ອ​ເປັນ​ການ​ປັບປຸງ​ກົງຈັກ​ການຈັດ​ຕັ້ງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ວຽກງາ​ນໃຫ້ສອດຄ່ອງ​ກັບ​ໜ້າ​ທີ່​ການ​ເມືອງ, ​ເຂັ້ມ​ແຂງ​ດ້ານ​ກາ​ນຈັດ​ຕັ້ງ. ​ເພື່ອ​ພ້ອມ​ກັນ​ເຮັດ​ສຳ​ເລັດ​ໜ້າ​ທີ່​ຕາມ​ການ​ມອບ​ໝາຍ.

Off

Comments are closed.