06th Jan2022

ກອງປະຊຸມສະຫຼຸບມະຕິນໍາພາຂອງຄະນະພັກກອງພົນທີ2 ສະໄໝ VIປະຈໍາປີ 2021.

by somda phoneor

ກອງປະຊຸມສະຫຼຸບມະຕິນໍາພາຂອງຄະນະພັກກອງພົນທີ 2 ສະໄໝ VI ປະຈໍາປີ 2021 ໄດ້ຈັດຂື້ນ ທ້າຍເດືອນ ທັນວາ 2021 ນີ້, ໂດຍການເປັນປະທານ ຂອງສະຫາຍ ພົນຈັດຕະວາ ວຽງແກ້ວ ສີສຸລາດ ເລຂາຄະນະພັກ ຫົວໜ້າການເມືອງກອງພົນທີ 2, ມີສະຫາຍ ພັນເອກ ຄຳດີ ໄຊຍະວົງ ຮອງເລຂາຄະນະພັກ ຫົວໜ້າການທະຫານກອງພົນທີ 2  ພ້ອມດ້ວຍຄະນະພັກ – ຄະນະບັນຊາກອງພົນທີ2 ເຂົ້າຮ່ວມ.

ໃນກອງປະຊຸມ ສະຫາຍ ພັນເອກ ຄໍາດີ ໄຊຍະວົງ ຮອງເລຂາຄະນະພັກ ຫົວໜ້າການທະຫານກອງພົນທີ 2 ໄດ້ຜ່ານມະຕິນໍາພາ ຂອງຄະນະພັກກອງພົນທີ 2 ວ່າດ້ວຍການສະຫຼຸບຖອດຖອນບົດຮຽນ ປະຈໍາປີ 2021 ແລະ ທິດທາງແຜນການນໍາພາ ປີ 2022; ໂດຍອີງຕາມລະບຽບຫຼັກການ ແລະ ແບບແຜນວິທີເຮັດວຽກ ຂອງຄະນະພັກກອງພົນ ແຕ່ລະຂັ້ນໃນການເຄື່ອນໄຫວຊີ້ນໍາ – ນໍາພາການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານ ຂອງຄະນະພັກກະຊວງປ້ອງກັນປະເທດວາງອອກ. ກອງປະຊຸມໄດ້ຕີລາຄາສະພາບການລວມ ຢູ່ກົມກອງ ແລະ ຮາກຖານປະຊາຊົນຍັງຮັກສາໄດ້ຄວາມສະຫງົບ ແລະ ຄວາມເປັນລະບຽບຮຽບຮ້ອຍໂດຍພຶ້ນຖານ. ທັງນີ້ກໍຍ້ອນການລົງໃກ້ສິດຕິດແທດ ຂອງຂັ້ນເທິງ ກໍຄືຄະນະພັກກະຊວງປ້ອງກັນປະເທດ, ຍ້ອມຄະນະພັກ – ຄະນະບັນຊາກອງພົນມີຄວາມເປັນເອກະພາບກັນ ເຄື່ອນໄຫວຕາມພາລະບົດບາດ ຊີ້ນໍາຕາມມະຕິນໍາພາ ຢ່າງເປັນປົກກະຕິ, ຍ້ອນສະມາຊິກພັກ – ພະນັກງານ – ນັກຮົບ ໃນທົ່ວກອງພົນເຊື່ອມຊຶມ, ກໍາແໜ້ນມະຕິນໍາພາ ຂອງຄະນະພັກ ແຕ່ລະຂັ້ນ ແລະ ພ້ອມກັນຈັດຕັ້ງປະຕິບັດເປັນຢ່າງດີ.

Off

Comments are closed.