07th Jan2022

ກອງບັນຊາການ ປກສ ເມືອງໄຊທານີ,ຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂຢາເສບຕິດໃຫ້ຮັບປະກັນໄດ້ສາມຫຼັກການທີ່ເປັນພື້ນຖານ

by somda phoneor

ພັທ ຈັນເພັງ ແກ້ວປະເສີດ ຫົວໜ້າກອງບັນຊາການ ປ້ອງກັນຄວາມສະຫງົບ ເມືອງໄຊທານີ ນະຄອນຫຼວງວຽງຈັນ ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບວ່າ: ການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ກອງບັນຊາການປ້ອງກັນຄວາມສະຫງົບ ເມືອງໄຊທານີ, ພາຍຫຼັງໄດ້ຮັບຄໍາສັ່ງ ຈາກກອງບັນຊາການປ້ອງກັນຄວາມສະຫງົບ  ນະຄອນຫຼວງວຽງຈັນ, ທາງຄະນະພັກ, ຄະນະກອງບັນຊາການ ປກສ ເມືອງກໍໄດ້ ເອົາໃຈໃສ່ຈັດຕັ້ງປະຕິບັດຢ່າງເຂັ້ມງວດດ້ວຍຄວາມຮັບຜິດຊອບສູງ

ໂດຍເລີ່ມຈາກການຈັດຕັ້ງເຊື່ອມຊືມ ເອກະສານສໍາຄັນຕ່າງໆ ກ່ຽວກັບວາລະແຫ່ງຊາດ ວ່າດ້ວຍການສະກັດກັ້ນຕ້ານຢາເສບຕິດ ເຊັ່ນ: ຄໍາສັ່ງ ເລກທີ 19 ຂອງທ່ານນາຍຍົກລັດຖະມົນຕີ ກ່ຽວກັບການຈັດຕັ້ງປະຕິບັດວາລະແຫ່ງຊາດ ແລະ ແຜນການຈັດຕັ້ງປະຕິບັດ ຂອງກະຊວງປ້ອງກັນຄວາມສະຫງົບ ສະບັບເລກທີ 1843/ປກສ ລົງວັນທີ 04 ຕຸລາ 2021 ແລະ ບັນດາຂໍ້ຕົກລົງຕ່າງໆທີ່ກ່ຽວຂ້ອງ ຈາກນັ້ນ, ກໍໄດ້ຜັນຂະຫຍາຍເປັນແຜນວຽກ ອັນລະອຽດເຂົ້າທຸກຂົງເຂດວຽກງານ ແລະ ຈັດຕັ້ງປະຕິບັດຕົວຈິງ ໂດຍໄດ້ຕິດພັນກັບການລົງກໍ່ສ້າງຮາກຖານ, ຄະນະກອງບັນຊາການຈື່ງໄດ້ນໍາພາກໍາລັງລົງກໍ່ສ້າງຮາກຖານ ການເມືອງ ໂດຍມີກໍາລັງ ປກສ ເມືອງ ທີ່ລົງກໍ່ສ້າງຮາກຖານ ຈໍານວນ 165 ສະຫາຍ, ຍິງ 28 ສະຫາຍ ເພື່ອເຮັດວຽກງານສຶກສາອົບຮົມປະຊາຊົນພາຍໃນເມືອງໃຫ້ຮັບຮູ້ເຊື່ອມຊຶມເຂົ້າໃຈຕໍ່ແນວທາງປ້ອງກັນຊາດ – ປ້ອງກັນຄວາມສະຫງົບ, ພ້ອມຍັງໄດ້ເອົາໃຈໃສ່ຝຶກອົບຮົມພາລະບົດບາດໜ້າທີ່ໃຫ້ ປກສ ບ້ານປຸກລະດົມຂົນຂວາຍພໍ່-ແມ່ປະຊາຊົນພາຍໃນເມືອງປະກອບສ່ວນເຂົ້າໃນການແກ້ໄຂບັນຫາ ຢາເສບຕິດໃຫ້ທົ່ວເຖິງ ພ້ອມທັງຕິດຕາມເປົ້າໝາຍກະທໍາຜິດອື່ນໆ ເພື່ອຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໂດຍສະເພາະແມ່ນການແກ້ໄຂບັນຫາຢາເສບຕິດໃຫ້ໝົດໄປ,ເຊີ່ງບາງວຽກງານ ແລະ ຜົນງານທີ່ເຮັດໄດ້ໃນໄລຍະທີ່ຜ່ານມາທ່ານໄດ້ຍົກໃຫ້ເຫັນວ່າ:

Off

Comments are closed.