08th Jan2022

ປກສ ເມືອງທ່າໂທມ ເຊື່ອມຊຶມແຜນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ.

by somda phoneor

ໃນວັນທີ 5 ມັງກອນ 2022 ກອງບັນຊາການ ປກສ ເມືອງທ່າໂທມ ໄດ້ເປີດກອງປະຊຸມເຊື່ອມ ຊຶມແຜນການຈັດຕັ້ງປະຕິບັດວາລະເເຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ພາຍໃຕ້ການເປັນ ປະທານຂອງ ພົຈວ ບົວພັນ ອິນທະປັນຍາ ຫົວຫນ້າກອງບັນຊາການ ປກສ ແຂວງໄຊສົມບູນ, ມີທ່ານ ພິມພາ ພິລາວົງ ເຈົ້າເມືອງເມືອງທ່າໂທມ, ພັທ ອໍາພອນ ປັນຍາວົງ ຫົວຫນ້າກອງບັນຊາການ ປກສ ເມືອງ ທ່າໂທມ ພ້ອມຄະນະກອງບັນຊາການ, ແຂກທີ່ຖືກເຊີນເຂົ້າຮ່ວມ.

ໃນກອງປະຊຸມ ທ່ານ ພິມພາ ພິລາວົງ ເຈົ້າເມືອງທ່າໂທມ ໄດ້ຜ່ານຄໍາສັ່ງຂອງກົມ ການເມືອງສູນກາງພັກ ວ່າດ້ວຍການເພີ່ມທະວີການຊີ້ນໍາ ຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ, ຄໍາສັ່ງຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດ ວາລະແຫ່ງຊາດ ກ່ຽວກັບການແກ້ໄຂບັນຫາຢາເສບຕິດ (ປີ 2021-2023), ມະຕິກອງປະຊຸມສະໄຫມ ສາມັນເທື່ອທີ 4 ຂອງສະພາແຫ່ງຊາດຊຸດທີ IX ວ່າດ້ວຍການຮັບຮອງເອົາວາລະແຫ່ງຊາດ ວ່າດ້ວຍ ການແກ້ໄຂບັນຫາຢາເສບຕິດ (ປີ 2021-2023); ຈາກນັ້ນ, ພັທ ອຳພອນ ປັນຍາວົງ ໄດ້ຜ່ານຄໍາສັ່ງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການຈັດຕັ້ງຜັນຂະຫຍາຍວາລະເເຫ່ງຊາດ ກ່ຽວກັບການແກ້ໄຂບັນຫາຢາເສບຕິດ ແລະ ຂໍ້ຕົກລົງຂອງຫົວຫນ້າກອງບັນຊາການ ປກສ ແຂວງໄຊສົມບູນ ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາ ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ພ້ອມນັ້ນ, ພັທ ທອງດໍາ ໄຊບຸນມີ ຄະນະພັກກອງ ບັນຊາການ ຫົວຫນ້າຫ້ອງຕໍາຫຼວດ ໄດ້ຜ່ານເນື້ອໃນຂອງວ່າລະແຫ່ງຊາດ ແລະ ກົດຫມາຍຢາເສບຕິດສະບັບປັບປຸງ ວ່າດ້ວຍການປັບປຸງບາງມາດຕາຂອງກົດ ຫມາຍວ່າດ້ວຍຢາເສບຕິດ ທັງນີ້ ກໍເພື່ອຍົກສູງຄວາມຮັບຮູ້, ເຂົ້າໃຈ, ເປັນເອກະພາບທາງດ້ານ ທັດສະນະ ແລະ ຄວາມຮັບຜິດຊອບໃນການນໍາພາ-ຊີ້ນໍາ ຂອງຄະນະພັກ-ຄະນະບັນຊາແຕ່ລະຂັ້ນ ຂອງກໍາລັງປ້ອງກັນຄວາມສະຫງົບ ໃນການປະຕິບັດຕົວຈິງ; ກໍາແຫນ້ນເນື້ອໃນສໍາຄັນທີ່ເປັນພື້ນຖານ ຮັບປະກັນໃຫ້ແກ່ການແກ້ໄຂບັນຫາຢາເສບຕິດ ດໍາເນີນໄປຢ່າງເປັນລະບົບ, ຕໍ່ເນື່ອງ, ເດັດຂາດ, ໂປ່ງ ໃສ, ເຂັ້ມງວດ, ເປັນມືອາຊີບ ແລະ ທັນເວລາ ເພື່ອແນໃສ່ແກ້ໄຂສາເຫດ ແລະ ເງື່ອນໄຂທີ່ພາໃຫ້ເກີດ ບັນຫາຢາເສບຕິດ ໂດຍຖືກຕ້ອງສອດຄ່ອງກັບສະພາບຈຸດພິເສດຂອງແຕ່ທ້ອງຖິ່ນ.

ໃນກອງປະຊຸມ ພົຈວ ບົວພັນ ອິນທະປັນຍາ ໄດ້ຜ່ານແຜນການຈັດຕັ້ງປະຕິບັດ, ແນະນໍາແຕ່ ລະຂັ້ນຕອນຢ່າງລະອຽດ ພ້ອມທັງໄດ້ເນັ້ນຫນັກຕໍ່ຄະນະຮັບຜິດຊອບຂັ້ນເມືອງ ເອົາໃຈໃສ່ເພີ່ມ

ທະວີວຽກງານໂຄສະນາສຶກສາອົບຮົມ, ເຜີຍແຜ່ລະບຽບກົດຫມາຍ ແລະ ຜົນຮ້າຍຈາກຢາເສບຕິດ ດ້ວຍຫຼາຍຮູບ, ຫຼາຍວິທີການ ຢ່າງກວ້າງຂວາງ; ຍົກສູງປະສິດທິພາບວຽກງານວິຊາສະເພາະ, ກວດກາ, ຄວບຄຸມ, ສະກັດກັ້ນ ແລະ ແກ້ໄຂບັນຫາຢາເສບຕິດຢ່າງເປັນລະບົບ, ເຂັ້ມແຂງ, ຊອກຮູ້, ແກ້ໄຂເປົ້າ ຫມາຍຜະລິດ, ຂົນສົ່ງ, ຄ້າຍຂາຍທັງຂຶ້ນສະຖິຕິຜູ້ຕິດຢາໃນແຕ່ບ້ານໃຫ້ຊັດເຈນ ແລະ ສຸມໃສ່ແກ້ໄຂຊີວິດການເປັນຢູ່ໃຫ້ດີຂຶ້ນ ເພື່ອແນໃສ່ ແກ້ໄຂ້ບັນຫາຢາເສບຕິດຢູ່ພາຍໃນເມືອງໃຫ້ໄດ້ຢ່າງຂາດຕົວໃນປີ 2023.

Off

Comments are closed.