17th Jan2022

ປກສ ແຂວງ ຄຳມ່ວນ ຈະສູ້ຊົນຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການໄຂແກ້ບັນຫາຢາເສບຕິດໃຫ້ໄດ້ຮັບໝາກຜົນສູງສຸດ.

by somchan

ເພື່ອຈັດຕັ້ງຜັນຂະຫຍາຍເນື້ອໃນວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ນັບແຕ່ປີ 2021-2023 ໃຫ້ບັນລຸຕາມຈຸດປະສົງຄາດໝາຍທີ່ລັດຖະບານໄດ້ວາງໄວ້. ພັອ ທິບພະຈັນ ໂພໄຊ ຫົວໜ້າກອງບັນຊາການປ້ອງກັນຄວາມສະຫງົບ ແຂວງຄຳມ່ວນ ໄດ້ໃຫ້ສຳພາດ ໃນຫວ່າງບໍ່ດົນມານີ້ວ່າ: ພາຍຫຼັງສະພາແຫ່ງຊາດໄດ້ຮັບຮອງເອົາວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ. ຄະນະພັກ, ຄະນະກອງບັນຊາການປ້ອງກັນຄວາມສະຫງົບແຂວງຄຳມ່ວນ ກໍ່ໄດ້ປະສານສົມທົບກັບການນຳຂອງແຂວງ ເປັນຕົ້ນແມ່ນ ໄດ້ປຶກສາຫາລືກ່ຽວກັບການຈັດຕັ້ງຜັນຂະຫຍາຍມະຕິ 04  ຂອງສະພາແຫ່ງຊາດ ທີ່ໄດ້ຮັບຮອງເອົາວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແລະ ພ້ອມນີ້ ກໍ່ໄດ້ເຊື່ອມຊືມບັນດາເອກະສານສຳຄັນຕ່າງໆນັ້ນ ໂດຍສະເພາະຢູ່ແຂວງຄຳມ່ວນ ແມ່ນໄດ້ຈັດຕັ້ງເຊື່ອມຊືມເອກະສານເຊັ່ນ: ມະຕິ 02 ຂອງກົມການເມືອງສູນກາງພັກ ວ່າດ້ວຍເພີ່ມທະວີການນຳຊີ້-ນຳພາຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ, ມະຕິ 04 ຂອງສະພາແຫ່ງຊາດກ່ຽວກັບການແກ້ໄຂບັນຫາຢາເສບຕິດ, ຄຳສັ່ງເລກທີ 19 ຂອງນາຍົກລັດຖະມົນຕີ ແລະ ແຜນການເຄື່ອນໄຫວປະຕິບັດວຽກງານວາລະແຫ່ງຊາດວ່າດ້ວຍການແກ້ໄຂ ບັນຫາຢາເສບຕິດຂອງກະຊວງປ້ອງກັນຄວາມສະຫງົບ. ພາຍຫຼັງຈັດຕັ້ງເຜີຍແຜ່ເຊື່ອມຊືມສຳເລັດແລ້ວ, ຄະນະພັກ-ຄະນະນຳຂອງແຂວງ ໄດ້ມອບໝາຍໃຫ້ກອງບັນຊາການປ້ອງກັນຄວາມສະຫງົບ ແຂວງ ນຳເອົາເນື້ອໃນເອກະສານ ມະຕິ, ຄຳສັ່ງສຳຄັນດັ່ງກ່າວນັ້ນ ຫັນເປັນວຽກງານອັນລະອຽດສະເພາະຕໍ່ກຳລັງປ້ອງກັນຄວາມສະຫງົບ ແຂວງ, ເພື່ອຈັດຕັ້ງຜັນຂະຫຍາຍຕໍ່ວຽກງານສຳຄັນດັ່ງກ່າວນີ້ ທີ່ພັກລັດຖະບານ ແລະ ການຈັດຕັ້ງຂັ້ນເທິງມອບໝາຍໃຫ້ບັນລຸຕາມຈຸປະສົງຄາດໝາຍທີ່ວາງໄວ້.

Off

Comments are closed.