17th Aug2015

ວາງສະແດງມູນເຊື້ອລາວ-ຫວຽດນາມ ຕ້ອນຮັບວັນສ້າງຕັ້ງກຳລັງຕຳຫຼວດ ຫວຽດນາມ ຄົບຮອບ 70 ປີ.

by somchan

ໃນວັນທີ 14 ສິງຫານີ້ ກົມຄົ້ນຄ້ວາວິທະຍາສາດ  ແລະ ປະຫວັດສາດ ກະຊວງ ປກສ ໄດ້ເປີດວາງ ສະແດງຮູບພາບຮ່ວມສຳພັນສູ້ຮົບລະຫວ່າງກຳລັງ ປກສ ລາວ ແລະ ກຳລັງຕຳຫຼວດປະຊາຊົນ ສສ ຫວຽດນາມ ເພື່ອສະເຫຼີມສະຫຼອງວັນສ້າງຕັ້ງ ກຳລັງຕຳຫຼວດຫວຽດນາມ ຄົບຮອບ 70 ປີ ຢູ່ທີ່ຫໍມູນເຊື້ອຂອງກຳລັງປ້ອງກັນຄວາມສະຫງົບ ໂດຍການເຂົ້າຮ່ວມເປັນກຽດ ຂອງ ພົຈວ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ ແລະ ທ່ານ ດຣ ຫວຽນ ແມ໋ງຮຸ່ງ ເອກຄັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມປະຈຳ ສປປລາວ ,

ທ່ານ ພັອ ດຣວັນເຮືອງ ນັນທະຈັກ ຫົວໜ້າກົມຄົ້ນຄ້ວາວິທະຍາສາດ ແລະ ປະຫວັດສາດກະຊວງ ປກສ ກ່າວວ່າ: ການວາງສະແດງຮູບພາບມູນເຊື້ອໃນຫົວຂໍ້ ”ຮ່ວມສຳພັນສູ້ຮົບລະຫວ່າງ ກຳລັງ ປກສ ປະຊາຊົນ ລາວ ແລະ ກຳລັງຕຳຫຼວດປະຊາຊົນ ຫວຽດນາມ” ໃນຄັ້ງນີ້ເພື່ອສະເຫຼີມສະຫຼອງກຳລັງຕຳຫຼວດ ປະຊາຊົນ ຫວຽດນາມຄົບຮອບ 70 ປີ (19 ສິງຫາ 1945-19 ສິງຫາ 2015) ທັງເປັນການຫວນຄືນມູນເຊື້ອການພົວພັນແບບພິເສດຂອງສອງກຳລັງປ້ອງກັນຄວາມສະຫງົບລາວ-ຫວຽດນາມແຕ່ລະໄລຍະຜ່ານມາ ທີ່ໄດ້ປະກອບສ່ວນອັນສຳຄັນ ເຮັດໃຫ້ປະເທດຊາດມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ ພ້ອມທັງເປັນການສືບຕໍ່ເສີມຂະຫບາຍມູນເຊື້ອການພົວພັນຮ່ວມມືພິເສດຂອງສອງກຳລັງໃຫ້ແໜ້ນແຟ້ນ, ເຂັ້ມແຂງ ແລະ ພ້ອມກັນກ້າວຂຶ້ນເຮັດສຳເລັດໜ້າທີ່ມີກຽດສະຫງ່າຂອງຕົນ.

ພັອ ດຣ ວັນເຮືອງ ນັນທະຈັກ ຫົວໜ້າກົມຄົ້ນຄ້ວາວິທະຍາສາດ ແລະ ປະຫວັດສາດ ກະຊວງ ປກສ ຍັງໃຫ້ຮູ້ອີກວ່າ: ໃນໄລຍະຜ່ານມາການຮ່ວມມືຂອງສອງກຳລັງໄດ້ກາຍເປັນແບບຢ່າງທີ່ດີເປັນມໍລະດົມອັນລ້ຳຄ່າຂອງກຳລັງ ປກສ ລາວ ແລະ ກຳລັງຕຳຫຼວດ ສສ ຫວຽດນາມ ໃນການປະກອບສ່ວນຮັກສາຄວາມສະຫງົບ ແລະ ຄວາມປອດໄພຂອງສອງປະເທດ. ໃນນັ້ນ, ເພື່ອເປັນການຈ່າລຶກຜົນງານອັນຍິ່ງໃຫຍ່ຂອງສອງປະເທດເວົ້າລວມເວົ້ນສະເພາະ ຂຊອງສອງກຳລັງປ້ອງກັນຄວາມສະຫງົບລາວ-ຫວຽດນາມ. ຜ່ານມາ, ກໍໄດ້ໃຫ້ການຍ້ອງຍໍເຊິ່ງກັນແລະກັນດ້ວຍຮູບການຍ້ອງຍໍເຊິ່ງຝ່າຍລາວໄດ້ມອບຫຼຍນຄຳແຫ່ງຊາດ 1 ໜ່ວຍ, ຫຼຽນອິສະຫຼະຊັ້ນ 1  1 ໜ່ວຍ ແລະ ທຸງໄຊ 1 ຜຶນ ແລະຝ່າຍຫວຽດນາມໄດ້ມອບໃຫ້ກະຊວງ ປກສ ລາວມີຫຼຽນໄຊດາວຄຳ 1ໜ່ວຍ, ບັນດາກົມກອງທ້ອງຖິ່ນ ແລະ ບຸກຄົນທີ່ມີຜົນງານປະກອບສ່ວນເພີ່ມພູນຄູນສ້າງສາຍພົວພັນຮ່ວມມືລາວຫວຽນາມ ແລະ ຫວຽດນາມ-ລາວ ກໍໄດ້ຮັບການຍ້ອງຍໍຢ່າງສົມກຽດ.

ໃນພິທີເປີດງານວາງສະແດງ, ກະຊວງ ປກສ ລາວ ແລະ ກະຊວງຕຳຫຼວດ ສສ ຫວຍດນາມໄດ້ຕັດແຜ່ນຜ້າເປີດງານວາງສະແດງ ແລະຊົມການສະແດງ ພ້ອງທັງລົງນາມເຊັນບົດບັນທຶກຄວາມຊົງຈຳສາຍພົວພັນມິດຕະພາບ, ຄວາມສະມັກຄີ ແລະການຮ່ວມມືຮອບດ້ານລະຫວ່າງສອງຊາດ ສອງກຳລັງ ລາວ-ຫວຽດນາມໃຫ້ໝັ້ນຄົງທະນົງແກ່ນຕະຫຼອດຊົ່ວກາລະນາ. ການວາງສະແດງຮູບພາບມູນເຊື້ອດັ່ງກ່າວເປີດໂອກາດໃຫ້ຜູ້ສົນໃຈສາມາດເຂົ້າທ່ຽວຊົມໄດ້ເປັນເວລາ 7 ວັນນັບແຕ່ວັນທີ 14ສິງຫາເປັນຕົ້ນໄປ.

Off

Comments are closed.