20th Jan2022

ປກສ ເຜີຍແຜ່ຜົນຮ້າຍຢາເສບຕິດ ແລະ ກົດລະບຽບການສັນຈອນ ຢູ່ໂຮງຮຽນມິດຕະພາບລາວ-ຫວຽດນາມ ແຂວງ ເຊກອງ

by somda phoneor

ວັນທີ 18 ມັງກອນ ນີ້, ກອງບັນຊາການ ປກສ ແຂວງເຊກອງ ໄດ້ລົງເຄື່ອນໄຫວເຜີຍແຜ່ຜົນຮ້າຍຂອງຢາເສບຕິດ ແລະ ກົດລະບຽບຈະລາຈອນທາງບົກ ຢູ່ໂຮງຮຽນມິດຕະພາບລາວ-ຫວຽດນາມ ນຳໂດຍ  ພັນຕີ ບຸນຍົງ ເກີດພໍດີ ຮອງພະແນກກວດກາ ແລະ ຄວບຄຸມຢາເສບຕິດກອງບັນຊາການ ປກສ ແຂວງ, ມີຄະນະອໍານວຍການໂຮງຮຽນ, ຂະແໜງການກ່ຽວຂ້ອງ, ພະນັກງານຄູ-ອາຈານ ແລະ ນ້ອງນັກຮຽນ ເຂົ້າຮ່ວມຮັບຟັງ.

ພັນຕີ ບຸນຍົງ ເກີດພໍດີ ໄດ້ໃຫ້ຮູ້ວ່າ: ການລົງເຄື່ອນໄຫວເຜີຍແຜ່ ຜົນຮ້າຍຂອງຢາເສບຕິດ ແລະ ກົດລະບຽບຈະລາຈອນທາງບົກ ໃນຄັ້ງນີ້ ກໍເພື່ອແນໃສ່ເຮັດໃຫ້ພະນັກງານຄູ-ອາຈານ ແລະ ນັກຮຽນໃນໂຮງຮຽນດັ່ງກ່າວ ມີຄວາມຮັບຮູ້, ເຂົ້າໃຈ ເຖິງຜົນຮ້າຍຂອງຢາເສບ ທີ່ເປັນອັນຕະລາຍຕໍ່ຮ່າງກາຍ ແລະ ຊີວິດຂອງຜູ້ເສບ; ຜົນຮ້າຍຕໍ່ຜູ້ຜະລິດ, ປຸງແຕ່ງຊື້-ຂາຍ, ຄອບຄອງເກັບຮັກສາ, ນໍາເຂົ້າ-ສົງອອກ; ຜົນຮ້າຍຕໍ່ຄອບຄົວ ແລະ ຜູ້ຕິດຢາເສບຕິດ; ຜົນຮ້າຍຕໍ່ສັງຄົມແລະ ຜົນຮ້າຍຕໍ່ປະເທດຊາດ. ພ້ອມທັງໃຫ້ຮັບຮູ້-ເຂົ້າໃຈກ່ຽວກັບການໃຊ້ລົດ-ໃຊ້ຖະໜົນໃຫ້ມີຄວາມປອດໄພ ເປັນຕົ້ນ ການກວດກາສະພາບເຕັກນິກລົດ, ການຮຽນຮູ້ປ້າຍເຕືອນ, ປ້າຍຫ້າມ ແລະ ອື່ນໆຕາມເສັ້ນທາງ, ການອອກລົດຈາກໄຟອໍານາດໃຫ້ມີຄວາມປອດໄພເພື່ອຫລຸດຜ່ອນການເກີດອຸບັດເຫດ, ພັນຕີ ບຸນຍົງ ເກີດພໍດີ ຍັງໃຫ້ຮູ້ອີກວ່າ: ບັນຫາອຸບັດເຫດໃນປັດຈຸບັນແມ່ນເກີດຂຶ້ນຫລາຍ ຍ້ອນຄວາມປະໝາດໃນການໃຊ້ລົດ-ໃຊ້ຖະໜົນຂອງຜູ້ຂັບຂີ່ ເປັນຕົ້ນ ເມົາແລ້ວຂັບ, ບໍ່ມີໃບອະນຸຍາດຂັບຂີ່, ອາຍຸກະສຽນບໍ່ເຖິງ, ຂັບລົດໄວເກີນກໍານົດ, ບໍ່ປ່ອຍສິດເຊິ່ງກັນ ແລະ ກັນ, ລ່ວງໄຟອໍານາດ, ແຊງທາງໂຄ້ງ-ແຊງບໍ່ຮັບປະກັນ.

 

Off

Comments are closed.