20th Jan2022

ປກສ ກຸ່ມ ສີວິໄລ ແກ້ໄຂກຸ່ມມົ້ວສຸມຢາເສບຕິດ ຢູ່ບ້ານຄໍາຮຸ່ງ

by somda phoneor

ໃນວັນທີ 16 ມັງກອນ 2022, ເຈົ້າໜ້າທີ່ ປກສ ກຸ່ມ ສີວິໄລ ເມືອງໄຊທານີ ນະຄອນຫຼວງວຽງຈັນ ໄດ້ກັກຕົວກຸ່ມມົ້ວສຸມຢາເສບຕິດມີ: ທ້າວ ແສງອາທິດ ອາຍຸ 42 ປີ ກໍາມະກອນ ຢູ່ບ້ານຫ້ວຍຫົງ ແລະ ທ້າວ ແອ່ງ ຫຼື ກີ້ ອາຍຸ 31 ປີ ກໍາມະກອນ ຢູ່ບ້ານຫ້ວຍເຕີຍ ເມືອງໄຊທານີ ນະຄອນຫຼວງວຽງຈັນ ພ້ອມຢາບ້າ 45 ເມັດ, ໃນຂະນະທີພວກກ່ຽວໄດ້ມົ້ວສຸມເສບຢາເສບຕິດ ຢູ່ເຮືອນຂອງ ທ້າວ ນອງ ອາຍຸ 22 ປີ ບ້ານຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ.
ຜ່ານການສອບສວນເບື້ອງຕົ້ນ ທ້າວ ແສງອາທິດ ໄດ້ຮັບສາລະພາບວ່າ: ຢາບ້າ ຈໍານວນດັ່ງກ່າວ ແມ່ນຂອງຕົນແທ້, ຊື້ນໍາໄວລຸ້ນຢູ່ຮ້ານເກມທົ່ວໄປ ເຂດບ້ານຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ ແລະ ທ້າວ ແອ່ງ ຫຼື ກີ້ ໃຫ້ການຮັບສາລະພາບຕື່ມອີກວ່າ: ໄລຍະຜ່ານມາ ຕົນເອງໄດ້ຮ່ວມກັບໜູ່ຄົນ ໜຶ່ງ ເຄື່ອນໄຫວລັກລົດຈັກມາແລ້ວ 3 ຄັ້ງ, ລັກສໍາເລັດ 2 ຄັ້ງ ພາຍຫຼັງ ລັກລົດຈັກມາແລ້ວ ກໍໄດ້ນໍາໄປຂາຍ ແລະ ນໍາເງິນໄປໃຊ້ຈ່າຍ ຊື້ຢາເສບຕິດມາເສບ.
ປະຈຸບັນເຈົ້າໜ້າທີ່ ປກສ ກຸ່ມ ສີວິໄລ ໄດ້ນໍາຕົວພວກກ່ຽວສົ່ງໃຫ້ ກອງບັນຊາການ ປກສ ເມືອງໄຊທານີ ສືບຕໍ່ດໍາເນີນຄະດີຕາມລະບຽບກົດໝາຍ; ສ່ວນ ທ້າວ ນອງ (ເຈົ້າຂອງເຮືອນ) ບໍ່ມີສ່ວນຮ່ວມໃນການມົ້ວສຸມເສບຢາເສບ. ເຈົ້າໜ້າທີ່ ຈິ່ງໄດ້ສຶກສາອົບຮົມແລ້ວມອບ ໃຫ້ຜູ້ປົກຄອງສຶກສາອົບຮົມຕື່ມອີກ.

Off

Comments are closed.