18th Aug2015

ລມຕ ກະຊວງ ປກສ ເດີນທາງໄປຫວຽດນາມ

by somchan

ວັນທີ 17 ສິງຫາ 2015 ພົຈວ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງ ປກສ, ພ້ອມຄະນະໄດ້ເດີນທາງໄປ ສສ ຫວຽດນາມ ເພື່ອເຂົ້າຮ່ວມພິທີສະຫຼອງສະເຫີມວັນສ້າງຕັ້ງ ກຳລັງຕຳຫຼວດ ສສ ຫວຽດນາມ ຄົບຮອບ 70 ປີ ແລະ ວັນທົ່ວປວງຊົນເຂົ້າຮ່ວມຂະບວນການປ້ອງກັນ ຄວາມສະຫົງບສຸກແຫ່ງຊາດ ຄົບຮອບ 10 ປີ, ໂດຍປະຕິບັດຕາມຄຳເຊີນຂອງ ພົອ ເຈິ່ນ ດາຍ ກວາງ ກຳມະການກົມການເມືອງ ສູນກາງພັກ ລັດຖະມົນຕີວ່າການກະຊວງຕຳຫຼວດແຫ່ງ ສສ ຫວຽດນາມ.

ເຂົ້າຮ່ວມພິທີສົ່ງທ່ານລັດຖະມົນຕີວ່າການກະຊວງ ປກສ ພ້ອມດ້ວຍຄະນະໃນຄັ້ງນີ ມີທ່ານ ຮວ່າງ ຊວນ ຫາງ ຮອງເອກອັກຄະລັດຖະທູດ ສສ ຫວຽດນາມ ປະຈຳ ສປປລາວ, ພົຈວ ຫງວຽນ ວັນ ຮວຽນ ຫົວໜ້າອົງການ ຜູ້ຕາງໜ້າກະຊວງຕຳຫຼວດ ສສ ຫວຽດນາມ ແລະ ມີບັນດາກົມ9ກອງ ທີ່ກ່ຽວຂ້ອງຂອງກະຊວງ ປກສ .

ໂອກາດດຽວກັນນີ້, ທ່ານເອກອັກຄະລັດຖະທູດ ສສ ຫວຽດນາມ ໄດ້ອວຍພອນໃຫ້ທ່ານລັດຖະມົນຕີວ່າການກະຊວງ ປກສ ພ້ອມຄະນະເດີນທາງຢ່າງປອດໄພ ແລະ ປະສົບຜົນສຳເລັດອັນຍິ່ງໃຫຍ່.

ທ່ານລັດຖະມົນຕີວ່າການກະຊວງ ປກສ ໄດ້ສະແດງຄວາມຂອບໃຈເປັນຢ່າງສູງຕໍ່ທ່ານເອກອັກຄະລັດຖະທູດ ແລະອົງການຜູ້ຕ່າງໜ້າກະຊວງຕຳຫຼວດ ສສຫວຽດນາມ ທີ່ໄດ້ອຳນວຍຄວາມສະດວກໃນການປະສານງານ ແລະອອກສົ່ງຄະນະໃນຄັ້ງນີ້.

Off

Comments are closed.