20th Jan2022

ປກສ ແຂວງໄຊສົມບູນ ທໍາລາຍສວນຢາຝິ່ນ 02 ກ່ວາເຮັກຕາ.

by somda phoneor

ເຈົ້າຫນ້າທີ່ຕໍາຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊສົມບູນ ສົມທົບທົບກັບ ປກສ ເມືອງອະນຸວົງ, ກອງ ບັນຊາການທະຫານແຂວງ, ທະຫານເມືອງ ໄດ້ລົງສໍາຫຼວດພື້ນທີ່ລັກລອບປູກຝິ່ນ ຢູ່ເຂດ ພູສາມຫຼຽມ ບ້ານອ້ອມ, ເມືອງອະນຸວົງ, ແຂວງໄຊສົມບູນ ພົບເນື້ອທີ່ລວມ 02 ກວ່າເຮັກຕາ ແລະ ໄດ້ທໍາລາຍຖິ່ນເປັນທີ່ຮຽບຮ້ອຍ, ໃນວັນທີ 12 ມັງກອນ 2022, ການລົງທໍາລາຍສ່ວນຝືນຄັ້ງນີ້ໄດ້ພົບຂໍ້ຫຍຸງຍາກຫຼາຍປະການເພາະເສັ້ນທາງແມ່ນມີຄວາມຖູລະກັນດານ,

ໃຊ້ເວລາໃນການຢ່າງໄປກັບ 07 ກວ່າຊົ່ວໂມງ ລວມໄລຍະທາງ 37 ກວ່າ ກິໂລແມັດ, ການລົງໄປທໍາລາຍສວນຝິ່ນໃນຄັ້ງນີ້ ຍັງໄດ້ພົບເຫັນປະຊາຊົນຈໍານວນຫນຶ່ງທີ່ລັກລອດໃຊ້ປືນປະດິດ ລ່າສັດໃນເຂດພູສາມຫຼຽມ, ພົບເຫັນປືນແກັບ 02 ກະບອກ, ພົບເຫັນການລັກລອບປູກຝິ່ນຂອງພໍ່ແມ່-ປະຊາຊົນຢູ່ເຂດພູສາມຫຼຽມ ທັງຫມົດ 06 ຈຸດ ລວມພື້ນທີ່ທັງຫມົດ 02 ກວ່າເຮັກຕາ, ການທໍາລາຍສວນຝິ່ນໃນຄັ້ງນີ້ດ້ວຍການຖາງ, ໃຊ້ໄມ້ຝາດຕົ້ນ-ຈຸດທໍາລາຍ. ແລະ ທາງເຈົ້າຫນ້າທີ່ຍັງໄດ້ລົງປະສານສົມທົບກັບອໍານາດການປົກຂອງບ້ານໃນການສ້າງບົດບັນທຶກ ຕໍ່ພໍ່ເເມ່-ປະຊາຊົນທີ່ມີການລັກປູກຝິ່ນຢູ່ພາຍໃນເຂດບ້ານດັ່ງກ່າວເພື່ອບໍ່ໃຫ້ມີການເຄື່ອນໄຫວລັກລອບປູກຝິ່ນຄືນໃຫມ່, ທັງນີ້ກໍ່ເພື່ອເຮັດໃຫ້ສັງຄົມມີຄວາມສະຫງົບ-ປອດໄພ ເຮັດພໍ່ແມ່ ປະຊາຊົນບັນດາເຜົ່າເຂົ້າໃຈຕໍ່ແນວທາງລະບຽບກົດຫມາຍຂອງລັດ, ຢຸດຕິການປູກຝິ່ນ ຫັນມາ ປູກຝັງລ້ຽງສັດໃຫ້ກາຍເປັນສິນຄ້າ, ຮັບປະກັນໃຫ້ຄອບຄົວຫຼຸດພົ້ນອອກຈາກຄວາມທຸກຍາກເທື່ອລະກ້າວ.

Off

Comments are closed.