21st Jan2022

ພິທີປະກາດແຕ່ງຕັ້ງຂັ້ນຮອງຫົວຫນ້າກົມ ໃຫ້ນາຍຕໍາຫຼວດ ຫ້ອງວ່າການກະຊວງ ປກສ.

by somda phoneor

ຫ້ອງວ່າການ ກະຊວງ ປກສ ໄດ້ຈັດພິທີປະກາດການແຕ່ງຕັ້ງຂັ້ນຮອງຫົວຫນ້າກົມ ໃຫ້ ນາຍຕໍາຫຼວດ ໃນວັນທີ 21 ມັງກອນ 2022 ໂດຍການເຂົ້າຮ່ວມຂອງ  ພົຕ ສົມວັນ ສາຍລ້ອງ ພາ ຫົວຫນ້າຫ້ອງວ່າການ ກະຊວງ ປກສ, ມີຄະນະພັກ-ຄະນະຫ້ອງວ່າການ, ຫົວຫນ້າ-ຮອງກົມ, ຫ້ອງ ແລະ ພະນັກງານຫຼັກແຫຼ່ງພາຍໃນຫ້ອງວ່າການ ເຂົ້າຮ່ວມ.

ພັອ ສີວັນທາ ເພຍສະຂາ ຫົວຫນ້າຫ້ອງການເມືອງ ຫ້ອງວ່າການ ກະຊວງ ປກສ ໄດ້ ຜ່ານຂໍ້ຕົກລົງຂອງລັດຖະມົນຕີກະຊວງ ວ່າດ້ວຍການແຕ່ງຕັ້ງນາຍຕໍາຫຼວດທີ່ຂຶ້ນກັບຫ້ອງວ່າການກະຊວງ ປກສ; ໃນນີ້, ລັດຖະມົນຕີກະຊວງປກສ ຕົກລົງ ແຕ່ງຕັ້ງ ພັທ ພູລັດສະຫມີ ສີຫາວົງ ເປັນຮອງຫົວຫນ້າຫ້ອງການເມືອງ, ພັທ ພົມມະ ຂຸນປັນຍາ ເປັນຮອງຫົວຫນ້າກົມຄຸ້ມຄອງເອກະສານ, ພັທ ບົວລີ ໄຊຍະວົງ ເປັນຮອງ ຫົວຫນ້າກົມພົວພັນຕ່າງປະເທດ,  ພັຕ ບຸນເຫຼືອ ຄໍາປະດິດ ເປັນຮອງຫົວຫນ້າກົມເສນາທິການ ສ່ວນຫົວຫນ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.

ໂອກາດດັ່ງກ່າວ  ພົຕ ສົມວັນ ສາຍລ້ອງພາ ໄດ້ໂອ້ລົມ ແລະ ໃຫ້ທິດຊີ້ນໍາຕໍ່ຜູ້ທີ່ໄດ້ຮັບ ການແຕ່ງຕັ້ງວ່າ: ການປະກາດການແຕ່ງຕັ້ງຄັ້ງນີ້ ແມ່ນຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະໃຫມ່ , ພ້ອມທັງຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງ ຕ້ອງເພີ່ມຄວາມຮັບຜິດຊອບໃຫ້ສູງຂື້ນກວ່າເກົ່າ, ສາມາດຕອບສະໜອງວຽກງານທີ່ພັກ-ລັດ, ການຈັດຕັ້ງ ແລະ ປະຊາຊົນມອບຫມາຍໃຫ້ ໃນປັດຈຸບັນ, ສະເພາະຫນ້າ ແລະ ຍາວນານ, ສະແດງເຖິງຄວາມເຕີບໃຫຍ່ ຂະຫຍາຍຕົວຂອງກໍາລັງປ້ອງກັນຄວາມສະຫງົບປະຊາຊົນ ໂດຍສະເພາະແມ່ນ ນາຍ ແລະ ພົນຕໍາ ຫຼວດ ຂອງຫ້ອງວ່າການກະຊວງ ມີຄວາມບຸກບືນພະຍາຍາມ, ຫ້າວຫັນຕັ້ງຫນ້າເຮັດ ສໍາເລັດຫນ້າທີ່ຕາມການມອບຫມາຍ ແລະ ເປັນການປະຕິບັດນະໂຍບາຍຂອງພັກ-ລັດ ຕໍ່ນາຍ ແລະ ພົນຕໍາຫຼວດ ຜູ້ທີ່ມີຄວາມບຸກບືນຫ້າວຫັນ, ເປັນແບບຢ່າງທີ່ດີໃນການປະຕິບັດຫນ້າທີ່ວຽກງານຢ່າງ ມີຜົນສໍາເລັດ , ມີຜົນງານ ແລະ ຄົບມາດຖານ, ເງື່ອນໄຂໂດຍຜ່ານການຄົ້ນຄວ້ານໍາສະເຫນີຂອງກົມກອງກ່ຽວຂ້ອງຕໍ່ຂັ້ນເທິງ.

Off

Comments are closed.