23rd Jan2022

ຜົນກອງປະຊຸມລັດຖະບານສະໄຫມສາມັນ ປະຈໍາເດືອນມັງກອນ ປີ 2022.

by somda phoneor

ກອງປະຊຸມລັດຖະບານສະໄຫມສາມັນ ປະຈໍາເດືອນມັງກອນ 2022 ໄດ້ໄຂຂຶ້ນລະຫ່ວາງວັນທີ 20 – 21 ມັງກອນ 2022 ທີ່ ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ພັນຄໍາ ວິພາວັນ ນາຍົກລັດຖະມົນຕີ, ໂດຍມີບັນດາທ່ານຮອງນາຍົກລັດຖະມົນຕີ ແລະ ບັນດາທ່ານ ສະມາຊິກລັດຖະບານ ເຂົ້າຮ່ວມ.

ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ, ຮອງຫົວຫນ້າຫ້ອງວ່າການສໍານັກ ງານນາຍົກລັດຖະມົນຕີ, ຜູ້ປະຕິບັດວຽກງານ ໂຄສົກລັດຖະບານ ໄດ້ຖະແຫລງຜົນສໍາເລັດຂອງກອງ ປະຊຸມດັ່ງກ່າວວ່າ: ຕໍ່ວ່າລະການສະຫລຸບຕີລາຄາ ການຈັດຕັ້ງປະຕິບັດມາດຕະການປ້ອງກັນ, ຄວບ ຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19, ກອງປະຊຸມໄດ້ເຫັນດີຮັບຮອງເອົາ ການລາຍງານດັ່ງກ່າວ ແລະ ໄດ້ຊີ້ນໍາໃຫ້ຄະນະສະເພາະກິດ ເອົາໃຈໃສ່ສືບຕໍ່ຕິດຕາມການຜັນແປຂອງ ພະຍາດ ໃນແຕ່ລະໄລຍະ ເພື່ອສາມາດດັດປັບມາດຕະການແກ້ໄຂ ໃຫ້ສອດຄ່ອງກັບຄວາມຮຽກຮ້ອງ ຕ້ອງການຂອງການພັດທະນາເສດຖະກິດ-ສັງຄົມ. ໂດຍສະເພາະແມ່ນ ການກໍານົດຈໍານວນມື້ໃນ ການຈໍາກັດບໍລິເວນໃຫ້ຊັດເຈນ ແລະ ຕົວຈິງ; ກໍານົດແຜນສັກວັກຊີນໃຫ້ລະອຽດ, ມີຄາດຫມາຍເວລາ ຈະແຈ້ງ ໂດຍຕິດພັນກັບການສືບຕໍ່ໂຄສະນາເຜີຍແຜ່ໃຫ້ສັງຄົມໄດ້ຮັບຮູ້ ແລະ ຮ່ວມມືຈັດຕັ້ງປະຕິບັດ. ກອງປະຊຸມໄດ້ຮັບຟັງການລາຍງານ ຂອງສະພາການຄ້າ ແລະ ອຸດສາຫະ ກໍາແຫ່ງຊາດ ກ່ຽວກັບຂໍ້ ຫຍຸ້ງຍາກ ໃນການດໍາເນີນທຸລະກິດຢູ່ປະເທດເຮົາ. ຕໍ່ການລາຍງານດັ່ງກ່າວ ກອງປະຊຸມ ໄດ້ມອບໃຫ້ ກະຊວງແຜນການ ແລະ ການລົງທຶນ ເປັນໃຈກາງສົມທົບກັບ ກະຊວງອຸດສາຫະກໍາ ແລະ ການຄ້າ ແລະ ຂະແຫນງການທີ່ກ່ຽວຂ້ອງຂັ້ນສູນກາງ, ອົງການປົກຄອງທ້ອງຖິ່ນ ກວດກາ ຄືນບັນດານະໂຍບາຍ ກໍຄືນິຕິກໍາຕ່າງໆ ທີ່ໄດ້ປະກາດໃຊ້ແລ້ວ, ທັງປັບປຸງໃຫ້ມີຄວາມສອດຄ່ອງ, ຮັບປະກັນໃຫ້ມີຄວາມ ສະດວກ, ວ່ອງໄວ ແລະ ໂປ່ງໃສ. ໃຫ້ສະພາການຄ້າ ແລະ ອຸດສາຫະ ກໍາແຫ່ງຊາດລາວ ສືບຕໍ່ ເອົາໃຈໃສ່ປັບປຸງການເຄື່ອນໄຫວຂອງຕົນ ໂດຍສະເພາະການສ້າງກຸ່ມ ຫລື ສະມາຄົມທຸລະກິດ ທີ່ຍັງບໍ່

ທັນມີ, ພ້ອມດຽວກັນນີ້, ກໍຕ້ອງໄດ້ປັບປຸງທັດສະນະຄະຕິ ຂອງຜູ້ປະກອບການໃຫ້ຖືກຕ້ອງ, ຕີຖອຍ ແນວຄິດຄອງເດີມ, ຕ້ອງມີການແຂ່ງຂັນກັນ ພັດທະນາທຸລະກິດຕົນ ໄປຕາມທິດຫັນເປັນທັນສະໄຫມ, ສາມາດເຊື່ອມໂຍງ, ເຊື່ອມຈອດກັບພາກພື້ນ ແລະ ສາກົນ ໄດ້, ດໍາເນີນທຸລະກິດໃຫ້ຖືກຕ້ອງ ສອດຄ່ອງຕາມກົດຫມາຍ ແລະ ລະບຽບການ. ຂົງເຂດປ້ອງກັນຊາດ-ປ້ອງກັນຄວາມສະຫງົບ ສືບຕໍ່ ປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຢ່າງຕັ້ງຫນ້າ ໂດຍເພີ່ມທະວີການສົມທົບແຫນ້ນ ການ ເຄື່ອນໄຫວຂອງກໍາລັງທຸກຂັ້ນກັບການມີສ່ວນຮ່ວມຂອງປວງຊົນຢ່າງເປັນປົກກະຕິ ແລະ ຕໍ່ເນື່ອງ ໃນນີ້ລວມທັງການປ້ອງກັນສະຖານທີ່ສໍາຄັນຕ່າງໆ ທັງເພີ່ມຄວາມເອົາໃຈໃສ່ໃນການຜັນຂະຫຍາຍ

ແລະ ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ເຂົ້າສູ່ລວງເລິກ ແລະ

ຈັດຕັ້ງປະຕິບັດຢ່າງຈິງຈັງ. ຂົງເຂດເສດຖະກິດ ສືບຕໍ່ສຸມໃສ່ການຈັດຕັ້ງປະຕິບັດແຜນພັດ ທະນາ ເສດຖະກິດ-ສັງຄົມ ແຫ່ງຊາດ ປະຈໍາປີ 2022 ແລະ ວາລະແຫ່ງຊາດ ວ່າດ້ວຍການແກ້ໄຂຄວາມ ຫຍຸ້ງຍາກທາງດ້ານເສດຖະກິດ-ການເງິນ ກໍ່ຄືການເປີດປະເທດ ເພື່ອຟື້ນຟູເສດຖະກິດ ໃນເງື່ອນໄຂ ການຢູ່ກັບໂຄວິດ- 19 ຢ່າງແຂງແຮງ ແລະ ໄດ້ຮັບຜົນດີກວ່າເກົ່າ, ເພີ່ມຄວາມເອົາໃຈໃສ່ ແກ້ໄຂບັນຫາ ສິ່ງກີດຂວາງຕ່າງໆ ໃຫ້ແກ່ການລົງທຶນພາຍໃນ ແລະ ຕ່າງປະເທດໃຫ້ມີການຫັນປ່ຽນແທ້ ແລະ ມີປະ ສິດທິຜົນສູງຂຶ້ນ. ສືບຕໍ່ປະຕິບັດມາດຕະການ ໃນການຈັດເກັບລາຍຮັບພາສີ, ອາກອນ ແລະ ຄ່າ ບໍລິການຕ່າງໆ ຢູ່ບັນດາດ່ານສາກົນເປັນທັນສະໄຫມ ຕາມມະຕິວ່າດ້ວຍການຮັບຮອງແຜນການປະຕິບັດ ງານຕົວຈິງ ກ່ຽວກັບການຄຸ້ມຄອງລາຍຮັບ-ລາຍຈ່າຍງົບປະມານເປັນທັນສະໄຫມ ໃນໄລຍະ 05 ປີ (2021-2025); ລົງເລິກການປະເມີນແກ້ໄຂບັນຫານໍາເຂົ້າລົດບໍ່ຖືກຕ້ອງ ຕາມຄໍາສັ່ງຂອງ ນາຍົກລັດຖະມົນຕີ ວ່າດ້ວຍການກວດກາ ແລະ ປະຕິບັດມາດຕະການຕໍ່ຜູ້ທີ່ນໍາເຂົ້າ ແລະ ນໍາໃຊ້ ຍານພາຫະນະທຸກປະເພດ ເເບບບໍ່ຖືກຕ້ອງ ເພື່ອໃຫ້ສາມາດຖອດຖອນບົດຮຽນໄດ້. ສືບຕໍ່ສຸມໃສ່ ການປັບປຸງລັດວິສາຫະກິດ ລວມທັງການປັບປຸງການ ດໍາເນີນກິດຈະການຫວຍພັດທະນາລາວ; ເລັ່ງ ຜັນຂະຫຍາຍມະຕິຂອງລັດຖະບານ ວ່າດ້ວຍການຮັບຮອງ ແລະ ປະກາດໃຊ້ນະໂຍບາຍການນໍາໃຊ້ ລົດໄຟຟ້າ ຢູ່ ສປປ ລາວ ຖອດຖອນ ແລະ ປັບປຸງນິຕິກໍາ ຈາກຄໍາສັ່ງວ່າດ້ວຍການຂຶ້ນບັນຊີເຕົ້າໂຮມ ຊັບສິນ ທີ່ສານຕັດສິນຮິບເປັນຂອງລັດ, ເພີ່ມທະວີຄວາມເອົາໃຈໃສ່ໃນການສົ່ງເສີມການຜະລິດ, ການ ປຸງແຕ່ງ, ການຄ້າ, ການບໍລິ ການ ແລະ ການທ່ອງທ່ຽວ ປິ່ນອ້ອມແລວທາງເສດຖະກິດລົດໄຟລາວຈີນ ແລະ ເຂດອື່ນໆ ໃຫ້ຮັບ ປະກັນທາງດ້ານປະລິມານ ແລະ ຄຸນນະພາບ ທັງໃຫ້ກາຍເປັນແລວ ເສດຖະກິດຂອງປະເທດເຮົາ.

ໃຫ້ກະຊວງອຸດສາຫະກໍາ ແລະ ການຄ້າ, ກະຊວງກະສິກໍາ ແລະ ປ່າໄມ້ ແລະ ກະຊວງການເງິນ ກໍານົດນະໂຍບາຍໃຫ້ຈະແຈ້ງ ໂດຍສະເພາະ ການເຂົ້າເຖິງແຫລ່ງທຶນ ແລະ ນະໂຍບາຍອື່ນໆ, ສົມທົບ | ກັບພາກທຸລະກິດ ລົງເລິກໃນການຈັດຕັ້ງປະຕິບັດຕົວຈິງ; ພ້ອມກັນນີ້ ກໍສືບຕໍ່ພົວພັນ, ປຶກສາຫາລືກັບ ປະເທດໃກ້ຄຽງ ເພື່ອສ້າງສະພາບແວດລ້ອມອັນສະດວກໃຫ້ແກ່ການນໍາເຂົ້າ-ສົ່ງອອກສິນຄ້າຜ່ານ ປະເທດຕ່າງໃຫ້ດີຂຶ້ນ, ຂົງເຂດວັດທະນະທໍາ-ສັງຄົມ ສືບຕໍ່ເປີດການຮຽນ, ການສອນທຸກຊັ້ນ, ທຸກ ສາຍ, ຜ່ານຫລາຍຮູບແບບ ແລະ ຫລາຍວິທີການ; ສືບຕໍ່ປະເມີນສະຖານການສຶກສາທີ່ມີການທົດລອງ ຮຽນແບບເຊິ່ງຫນ້າ ຢູ່ໃນເຂດທີ່ຍັງມີການລະບາດຂອງພະຍາດໂຄວິດ-19 ໃນຊຸມຊົນ ແລະ ປຸກລະດົມ ນັກຮຽນ-ນັກສຶກສາ ຕາມເກນອາຍຸທີ່ກະຊວງສາທາລະນະສຸກ ກໍານົດໄປຮັບການສັກວັກຊີນ. ສືບຕໍ່ ເພີ່ມທະວີການຄຸ້ມຄອງ, ຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດມາດຕະການປ້ອງກັນ,

ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ແລະ ພະຍາດຕາມລະດູ ການຕ່າງໆ ເພື່ອສະຫນອງຂໍ້ມູນຂ່າວສານ ທັງຕິດຕາມເຝົ້າລະວັງ ແລະ ກະກຽມຄວາມພ້ອມໃນດ້ານ ຕ່າງໆ ເພື່ອຮັບມືໃຫ້ທັນສະພາບການ. ສືບຕໍ່ປັບປຸງການປະຕິບັດບົດບາດຂອງຂະແຫນງການຖະແຫລງ ຂ່າວ, ວັດທະນະທໍາ ແລະ ທ່ອງທ່ຽວ ໃຫ້ເຂັ້ມແຂງກວ່າເກົ່າ, ຂົງເຂດການປົກຄອງ ແລະ ຍຸຕິທໍາ ສືບຕໍ່ຕິດຕາມ, ຊຸກຍູ້ການຈັດຕັ້ງປະຕິບັດວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງ ຍາກດ້ານ ເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດຢູ່ແຕ່ລະທ້ອງຖິ່ນ ໃນຮູບແບບຕ່າງໆ ທີ່ ສອດຄ່ອງ. ຄຽງຄູ່ກັນນັ້ນ ກໍປັບປຸງກົນໄກການເຮັດວຽກ ຂອງແຕ່ລະຂະແຫນງການຢ່າງຈິງຈັງ ເພື່ອຮັບ ໃຊ້ການຈັດຕັ້ງປະຕິບັດ 2 ວາລະແຫ່ງຊາດ, ສືບຕໍ່ຈັດຕັ້ງປະຕິບັດຄໍາຕັດສິນຂອງສານ ໃຫ້ສໍາເລັດຕາມ ແຜນການ. ສືບຕໍ່ຕິດຕາມຊຸກຍູ້ ປະຕິບັດວຽກງານ 3 ສ້າງ ຕິດພັນກັບການປະເມີນຂະບວນແຂ່ງຂັນ ຮັກຊາດພັດທະນາ ກໍຄື ປະເມີນການປະຕິບັດຫນ້າທີ່ຂອງລັດຖະບານ ແລະ ສຸມໃສ່ຈັດຕັ້ງຜັນຂະ ຫຍາຍຄໍາສັ່ງແນະນໍາ ຂອງນາຍົກລັດຖະມົນຕີ ຢ່າງເປັນປົກກະຕິ, ຫັນສູ່ການຈັດຕັ້ງປະຕິບັດຕົວຈິງໃຫ້ ດີຂຶ້ນກວ່າເກົ່າ ເພື່ອໃຫ້ທິດທາງວຽກຈຸດສຸມ ເດືອນກຸມພາ 2022 ໄດ້ຮັບການຈັດຕັ້ງປະຕິບັດຢ່າງ ເປັນຮູບປະທໍາຕົວຈິງ, ບັນດາທ່ານສະມາຊິກລັດຖະບານ ຕະຫລອດຮອດອົງການປົກຄອງທ້ອງຖິ່ນ ຕ້ອງໄດ້ຫັນເປັນແຜນປະຕິບັດລະອຽດ, ມີການແບ່ງຄວາມຮັບຜິດຊອບໃຫ້ການຈັດຕັ້ງ ແລະ ບຸກຄົນ ຢູ່ແຕ່ລະຂັ້ນໃນແຕ່ລະໄລຍະໃຫ້ຈະແຈ້ງ, ທັງສອດຄ່ອງກັບເງື່ອນໄຂສະພາບຄວາມເປັນຈິງ ຂອງແຕ່ ລະບ່ອນໃນການຈັດຕັ້ງປະຕິບັດແຕ່ລະວຽກ ຕ້ອງແທດເຫມາະກັບຕົວຈິງ ແລະ ໄດ້ຮັບຜົນຕົວຈິງເປັນ ກ້າວໆ.

 

Off

Comments are closed.