24th Jan2022

ກອງປະຊຸມໃຫຍ່ຜູ້ແທນ ຄັ້ງທີ IV ຂອງອົງຄະນະພັກສະພາແຫ່ງຊາດ

by Peaung Thanonkeo

ກອງປະຊຸມໃຫຍ່ຜູ້ແທນ ຄັ້ງທີ IV ຂອງອົງຄະນະພັກສະພາແຫ່ງຊາດ ໄດ້ຈັດໃນວັນທີ 21 ມັງກອນ 2022 ທີ່ຫ້ອງປະຊຸມໃຫຍ່ຂອງສູນກາງພັກ (ຫລັກ 6), ພາຍໃຕ້ການເປັນປະທານຂອງ ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ເລຂາຄະນະພັກສະພາແຫ່ງ ຊາດ, ປະທານສະພາແຫ່ງຊາດ, ໂດຍການເຂົ້າຮ່ວມຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ, ມີບັນດາ ສະຫາຍຄະນະພັກ ສະພາແຫ່ງຊາດ ຊຸດທີ III, ຜູ້ແທນສົມບູນ, ສະມາຊິກພັກອາວຸໂສບໍານານ, ກຳມະການກົມການເມືອງ ສູນກາງພັກ ແລະ ບັນດາສະຫາຍຕາງໜ້າ ຈາກຄະນະພັກຫ້ອງວ່າການສູນກາງພັກ, ຄະນະຈັດຕັ້ງສູນ ກາງພັກ, ຄະນະກວດກາສູນກາງພັກ, ຫ້ອງວ່າການສຳນັກງານປະທານປະເທດ, ຫ້ອງວ່າການສຳນັກ ງານນາຍົກລັດຖະມົນຕີ, ສານປະຊາຊົນສູງສຸດອົງການໄອຍະການປະຊາຊົນສູງສຸດ, ກະຊວງຍຸ ຕີທຳ, ອົງການກວດສອບແຫ່ງລັດ ພ້ອມດ້ວຍສະມາຊິກພັກອາວຸໂສ ເຂົ້າຮ່ວມ.

ກອງປະຊຸມ, ໄດ້ສຸມໃສ່ພິຈາລະນາ ແລະ ຮັບຮອງເອົາບົດລາຍງານການເມືອງ, ແຜນການພັດ ທະນາ ໃນໄລຍະ 5 ປີຕໍ່ໜ້າ (2021-2025), ບົດສໍາຫລວດການຊີ້ນໍາ-ນຳພາລວມ ຂອງຄະນະພັກ ສະພາແຫ່ງຊາດຊຸດເກົ່າ, ນອກຈາກນັ້ນ, ຍັງມີການປະກອບຄຳເຫັນຂອງຮາກຖານພັກ ແລະ ຕາງໜ້າ ອົງການຈັດຕັ້ງມະຫາຊົນ ພາຍໃຕ້ຫົວຂໍ້ “ການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນ”, “ການ ເປັນເສນາທິການໃນວຽກບໍລິຫານ ບໍລິຫານປິ່ນອ້ອມ”, “ຍົກສູງບົດບາດການນໍາພາຂອງພັກ ຕໍ່ກັບອົງ ການຈັດຕັ້ງມະຫາຊົນ ຜູ້ແທນກອງປະຊຸມ ໄດ້ພ້ອມກັນສຸມສະຕິປັນຍາ ໃຊ້ສິດປະຊາທິປະໄຕ ແລະ ຍົກສູງຄວາມຮັບຜິດຊອບ ເຂົ້າໃນການຄົ້ນຄວ້າພິຈາລະນາບັນຫາຕ່າງໆ ຕາມສິດ ແລະ ໜ້າທີ່ ທີ່ ກຳນົດໄວ້ໃນກົດລະບຽບຂອງພັກ.

ກອງປະຊຸມ, ຜູ້ແທນສົມບູນໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະ ພັກສະພາແຫ່ງຊາດຊຸດໃໝ່ ບົນພື້ນຖານຫລັກການລວມສູນປະຊາທິປະໄຕ ຖືກຕ້ອງສອດຄ່ອງກັບ ມາດຖານເງື່ອນໄຂທີ່ກຳນົດໄວ້, ຊຶ່ງມີຜູ້ສະໝັກເລືອກຕັ້ງທັງໝົດ 23 ສະຫາຍ, ຍິງ 3 ສະຫາຍ ແລະ ໄດ້ເລືອກເອົາ 19 ສະຫາຍ, ຈາກນັ້ນ, ກອງປະຊຸມຄັ້ງປະຖົມມະລຶກ ໄດ້ເລືອກເອົາ ສະຫາຍ ໄຊສົມພອນ ພົມວິຫານ ເປັນເລຂາຄະນະບໍລິຫານງານພັກສະພາແຫ່ງຊາດ, ສະຫາຍ ນາງ ສູນທອນ ໄຊຍະຈັກ ເປັນຮອງເລຂາຄະນະພັກ ຄະນະບໍລິຫານງານພັກສະພາແຫ່ງຊາດ, ສະຫາຍ ຄຳ ໄບ ດຳລັດ ເປັນປະທານກວດກາຂອງຄະນະບໍລິຫານງານພັກສະພາແຫ່ງຊາດ, ເລືອກເອົາຮອງປະທານ

ກວດກາ ຈຳນວນ 3 ສະຫາຍ ຄື: ສະຫາຍ ສຸບັນ ທະວະບຸດ, ສະຫາຍ ນາງ ທຸມມະລີ ວົງພະຈັນ ແລະ ສະຫາຍ ນາງ ປານດຳ ຂະຫຍອງເອກ,

ກອງປະຊຸມ ໄດ້ຮັບຟັງການໂອ້ລົມໃຫ້ທິດເຍືອງທາງ ຂອງ ສະຫາຍ ທອງລຸນ ສີສຸລິດ, ຊຶ່ງ ສະຫາຍໄດ້ເນັ້ນໜັກ ໃຫ້ຄະນະບໍລິຫານງານພັກຊຸດໃໝ່ ປັບປຸງອົງຄະນະພັກ ຄະນະນໍາສະພາແຫ່ງ ຊາດ ໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ ແລະ ນຳພາສະພາແຫ່ງຊາດ ໃຫ້ການຫັນປ່ຽນໃໝ່ ຢ່າງເລິກເຊິ່ງ ປະຕິບັດຖືກຕ້ອງສອດຄ່ອງ ກັບລັດຖະທຳມະນູນ ແລະ ກົດໝາຍ, ເອົາໃຈໃສ່ວຽກງານ ການສຶກສາອົບຮົມການເມືອງ- ແນວຄິດ ເປັນກົກ ເພື່ອສ້າງໃຫ້ພະນັກງານມີຄວາມໜັກແໜ້ນດ້ານ ຫລັກໝັ້ນທັດສະນະ, ມີຄຸນສົມບັດສິນທຳປະຕິວັດ ແລະ ມີແບບແຜນການດຳລົງຊີວິດທີ່ປອດໃສ, ຢຶດໝັ້ນຫລັກການລວມສູນປະຊາທິປະໄຕ ນຳພາເປັນໝູ່ຄະນະ ໄປພ້ອມກັບການມີລະບຽບວິໄນເຂັ້ມ ງວດ ຢູ່ພາຍໃນຄະນະພັກ, ຄະນະປະຈຳສະພາແຫ່ງຊາດ, ບັນດາກຳມາທິການ, ຄະນະເລຂາທິການ ແລະ ອົງການຈັດຕັ້ງທີ່ຄະນະປະຈຳສະພາແຫ່ງຊາດສ້າງຕັ້ງ, ຖືສໍາຄັນໃນການເຕົ້າໂຮມຄວາມສາມັກຄີ ເປັນເອກະພາບ ບົນພື້ນຖານແນວທາງ, ນະໂຍບາຍກົດລະບຽບຂອງພັກ, ລັດຖະທຳມະນູນ ແລະ ກົດ ໝາຍຂອງລັດ, ເພີ່ມທະວີບົດບາດການນໍາພາຂອງພັກ ດ້ວຍການປັບປຸງແບບແຜນວິທີນຳພາຂອງ ຄະນະພັກແຕ່ລະຂັ້ນ, ເອົາໃຈໃສ່ປະຕິບັດ 3 ພາລະບົດບາດ ສ້າງ ແລະ ຮັບຮອງເອົາກົດໝາຍ, ພິຈາລະນາຕົກລົງບັນຫາສໍາຄັນພື້ນຖານຂອງປະເທດຊາດ ແລະ ກວດກາຕິດຕາມ ການຈັດຕັ້ງປະຕິບັດ ລັດຖະທຳມະນູນ ແລະ ກົດໝາຍ; ຄະນະພັກຕ້ອງເອົາໃຈໃສ່ວຽກງານກວດກາພັກ-ລັດ ຂອງສະພາ ແຫ່ງຊາດ ໃຫ້ເປັນປົກກະຕິ, ຖືກຕ້ອງຕາມກົດໝາຍ ແລະ ລະບຽບການກັບວຽກງານກວດກາ ເພື່ອ ຊອກໃຫ້ເຫັນດ້ານຕັ້ງໜ້າ ແລະ ຈຳກັດຈຸດອ່ອນ ແລະ ສິ່ງຫຍໍ້ທໍ້ໄດ້ຢ່າງທັນການ.

Off

Comments are closed.