25th Jan2022

ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ສະຫລຸບວຽກງານຈັດຕັ້ງ 5 ປີ

by Peaung Thanonkeo

ໃນວັນທີ 24 ມັງກອນ 2022, ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ,ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດກອງປະຊຸມສະຫລຸບວຽກງານຈັດຕັ້ງ 5 ປີ (2016-2020) ແລະ ຜັນຂະຫຍາຍເນື້ອໃນມະຕິ ກອງປະຊຸມວຽກງານຈັດຕັ້ງ ທົ່ວປະເທດ ຄັ້ງທີ XI ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມີບັນດາຫົວໜ້າກົມ-ຮອງກົມ, ພະນັກງານຫລັກແຫລ່ງອ້ອມຂ້າງກະຊວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ນາງ ສວນສະຫວັນ ວິຍະເກດ ໄດ້ກ່າວວ່າ: ການຈັດຕັ້ງປະຕິບັດມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ X ໃນ 05 ປີຜ່ານມາ ຊຶ່ງເປັນການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ ກ່ຽວກັບວຽກງານຈັດຕັ້ງ, ກໍ່ສ້າງພັກ-ພະນັກງານ ແມ່ນຢູ່ໃນສະພາບແວດລ້ອມທີ່ປະເທດຊາດປະເຊີນໜ້າກັບຄວາມຫຍຸ້ງຍາກ ແລະ ສິ່ງທ້າທາຍໃນຫລາຍດ້ານ ໂດຍສະເພາະແມ່ນບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ, ການແຜ່ລະບາດ ຂອງພະຍາດໂຄວິດ-19 ແຕ່ພາຍໃຕ້ການຊີ້ນໍາຂອງພັກ ແລະ ລັດຖະບານ ຈຶ່ງໄດ້ຜ່ານຜ່າຄວາມຫຍຸ້ງຍາກໄປໄດ້ລະດັບໜຶ່ງ. ແຕ່ເຖິງຈະຫຍຸ້ງຍາກປານໃດກໍຕາມ ພັກເຮົາກໍ່ໄດ້ສູ້ຊົນເປີດກອງປະຊຸມວຽກງານຈັດຕັ້ງ ທົ່ວປະເທດ ຄັ້ງທີ XI ຂຶ້ນເພື່ອສະຫລຸບຕີລາຄາຄືນຜົນການຈັດຕັ້ງ ປະຕິບັດວຽກງານກໍ່ສ້າງພັກ-ພະນັກງານ ແລະ ວຽກງານປັບປຸງກົງຈັກການຈັດຕັ້ງ ໄລຍະ 05 ປີ ຜ່ານມາ ໂດຍໄດ້ລົງເລິກຕີລາຄາ, ຄົ້ນຄວ້າສົນທະນາ, ປຶກສາຫາລືກ່ຽວກັບຈຸດດີ, ຈຸດອ່ອນ-ຂໍ້ຄົງຄ້າງ, ບັນດາສາເຫດ ແລະ ຖອດຖອນບົດຮຽນ ພ້ອມທັງວາງທິດທາງແຜນການໃນຕໍ່ໜ້າ. ພ້ອມກັນນັ້ນ, ກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI ຍັງໄດ້ຮັບຟັງບົດໂອ້ລົມຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ຊຶ່ງເນື້ອໃນໂອ້ລົມດັ່ງກ່າວ ຈະກາຍເປັນມະຕິ, ຄຳສັ່ງ, ຄຳຊີ້ນຳ ຂອງຄະນະສູນກາງພັກ ເພື່ອໃຫ້ຄະນະພັກແຕ່ລະຂັ້ນນຳໄປຈັດຕັ້ງຜັນຂະຫຍາຍ ເປັນອັນລະອຽດເຂົ້າໃນການນຳພາ-ຊີ້ນຳ ວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນຂັ້ນຂອງຕົນຮັບຜິດຊອບ ໃຫ້ມີປະສິດທິພາບ ແລະ ປະສິດທິຜົນ.

ໃນກອງປະຊຸມຄັ້ງນີ້ ຜູ້ເຂົ້າຮ່ວມກອງປະຊຸມ ໄດ້ຮັບຟັງບົດລາຍງານ ແລະ ການປະກອບຄຳເຫັນຕໍ່ບົດສະຫລຸບ ກ່ຽວກັບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ ໄລຍະ 05 ປີ (2016-2020) ແລະ ທິດທາງແຜນການ 05 ປີ (2021-2025) ການສະຫລຸບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງອົງຄະນະພັກກະຊວງ ພ້ອມທັງຍົກໃຫ້ເຫັນໃນການປັບປຸງກົງຈັກການຈັດຕັ້ງ ຕິດພັນກັບການກຳນົດຕໍາແໜ່ງງານ. ພ້ອມນີ້, ຍັງໄດ້ຮັບຟັງ ແລະ ເຊື່ອມຊຶມມະຕິຄະນະບໍລິຫານງານສູນກາງພັກ ວ່າດ້ວຍການເພີ່ມທະວີການນຳພາຂອງພັກ ເພື່ອສ້າງການຫັນປ່ຽນຢ່າງແຂງແຮງ ແລະ ເລິກເຊິ່ງ ແລະ ມະຕິກອງປະຊຸມວຽກງານຈັດຕັ້ງທົ່ວປະເທດ

030363,ຄັ້ງທີ XI.

Off

Comments are closed.