27th Jan2022

ກະຊວງ ປກສ ປາຖະກະຖາວັນສ້າງຕັ້ງກຳລັງກອງທັບປະຊາຊົນລາວ 20 ມັງກອນ 1940 – 20 ມັງກອນ 2022 ຄົບຮອບ 73 ປີ

by Peaung Thanonkeo

ກະຊວງປ້ອງກັນຄວາມສະຫງົບ  ປາຖະກະຖາວັນສ້າງຕັ້ງກຳລັງກອງທັບປະຊາຊົນລາວ 20 ມັງກອນ 1940 – 20 ມັງກອນ 2022 ຄົບຮອບ 73 ປີ ໃນວັນທີ 27 ມັງກອນ 2022 ນີ້ ໂດຍການ ປາຖະກະຖາ ຂອງ ພຈົວ ຈັນສະແຫວງ ທິບຄູນທອງ ຄະນະປະຈຳພັກກະຊວງ ຮອງ ຫົວຫນ້າຫ້ອງວ່າການກະຊວງ ປກສ ມີບັນດາ ຄະນະພັກກົມໃຫຍ່  ວິທະຍາຄານ ກົມກອງອ້ອມຂ້າງກະຊວງ ປກສ ເຂົ້າຮ່ວມຮັບຟັງ

ພຈົວ ຈັນສະແຫວງ ທິບຄູນທອງ ໄດ້ຍົກໃຫ້ເຫັນ ປະຫວັດມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວ ລວມທັງຜົນງານ ແລະ ໄຊຊະນະຂອງກອງທັບປະຊາຊົນ ລາວ ຕະຫຼອດໄລຍະ 73 ປີຜ່ານມາ, ກອງທັບປະຊາຊົນລາວ ກໍາເນີດເກີດ ຂຶ້ນໃນທ່າມກາງປະເທດຊາດ ຖືກພວກ ລ່າເມືອງຂຶ້ນຝຣັ່ງເຂົ້າມາຮຸກຮານ ແລະ ຄອບຄອງປະເທດ ລາວ ໂດຍພາຍໃຕ້ການນຳພາຂອງພັກ ປະຊາ ຊົນລາວ ບັນດາເຜົ່າ ໄດ້ລຸກຮືຂຶ້ນຕໍ່ສູ້ຕ້ານການຮຸກຮານ ຢ່າງເປັນ ຂະບວນຟົດຟື້ນໃນທົ່ວປະເທດ, ໃນວັນທີ 20 ມັງກອນ 1949 ກອງທັບລາວອິດສະ ຫຼະ ໄດ້ຮັບການປະກາດສ້າງ ຕັ້ງຂຶ້ນ (ເຊິ່ງເປັນຕົ້ນກຳເນີດຂອງກອງທັບເຮົາໃນ ປັດຈຸບັນ) ຢູ່ເຂດລາວຮຸ່ງພຽງສາ ເມືອງຊຽງຄໍ້ ແຂວງຫົວ ພັນ, ໂດຍແມ່ນປະທານໄກສອນ ພົມວິຫານ ເປັນຜູ້ ປະກາດສ້າງຕັ້ງ ແລະ ຊີ້ນຳບັນຊາໂດຍກົງ ນັບແຕ່ກອງທັບ ໄດ້ຮັບການສ້າງຕັ້ງຂຶ້ນ ກໍໄດ້ຮັບພາລະອັນໜັກໜ່ວງຕໍ່ສູ້ ຕ້ານກັບຈັກກະພັດຜູ້ຮຸກຮານທັງແບບເກົ່າແລະ ໃໝ່ທີ່ມີ ອາວຸດ, ພາຫະນະສົງຄາມ ແລະ ກໍາ ລັງພົນທີ່ເໜືອກວ່າ ເພື່ອປົກປັກຮັກສາປະເທດ ຊາດແຕ່ດ້ວຍນໍ້າໃຈຮັກຊາດ ເດັດດ່ຽວໜຽວແໜ້ນ, ບໍ່ຍອມຈຳນົນ ກອງທັບໄດ້ຮ່ວມ ກັບປະຊາ ຊົນລາວບັນດາເຜົ່າສືບຕໍ່ດຳເນີນການຕໍ່ສູ້ຢ່າງອົງ ອາດກ້າຫານ ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງເຕີບໃຫຍ່ ເຂັ້ມແຂງ ຈົນສາມາດປົດປ່ອຍປະເທດ ຊາດໄດ້ຢ່າງສົມບູນ ແລະ ສ້າງຕັ້ງລະບອບໃໝ່ ສາ ທາລະນະລັດປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975. ພາຍຫຼັງປະເທດຊາດໄດ້ຮັບການປົດປ່ອຍ ກອງ ທັບ ກໍ ໄດ້ປະຕິບັດສອງໜ້າທີ່ຍຸດທະສາດປົກປັກຮັກສາ ແລະ ສ້າງສາພັດທະນາປະເທດຊາດ,ສືບຕໍ່ເສີມຂະຫຍາຍທາດແທ້ມູນເຊື້ອຂອງກອງທັບ, ປັບປຸງກໍ່ສ້າງກຳລັງ, ອົບຮົບ-ຫັດແອບ, ປັບປຸງລະ ບຽບແບບແຜນເຮັດໃຫ້ ກອງທັບນັບມື້ເຕີບໃຫຍ່ເຂັ້ມແຂງ ແລະ ທັນສະໄໝຂຶ້ນ ເທື່ອລະກ້າວ. ທັງນີ້, ກໍເພື່ອແນໃສ່ເຮັດໃຫ້ ພະນັກງານ-ນັກຮົບ ໄດ້ຮັບຮູ້ເຊື່ອມຊຶມກຳແໜ້ນຕື່ມ ກ່ຽວກັບມູນເຊື້ອດັ່ງກ່າວ, ພ້ອມທັງ ນຳໄປຈັດຕັ້ງປະຕິບັດ ເຂົ້າໃນວຽກ ງານຕົວຈິງ.

Off

Comments are closed.