03rd Sep2015

ກະຊວງ ປກສ ທາບທາມບຸກຄະລາກອນ ກະກຽມໃຫ້ແກ່ກອງປະຊຸມໃຫຍ່ ຄັ້ງທີ່ 10 ຂອງພັກ.

by somchan

ໃນວາລະດຳເນີນກອງປະຊຸມທາບທາມກົດລະບຽບ ພັກສະບັບປປັບປຸງໃຫມ່ແລະບຸກຄະລາກອນ ເພື່ອສະໝັກເລືອກຕັ້ງເຂົ້າໃນຄະນະບໍລິຫານ ງານສູນກາງພັກສະໄໝທີ10 ຮອບທີ1ຂອງກະຊວງ ປກສໃນວັນທີ 2 ກັນຍານີ້ພາຍໃຕ້ການເປັນ ປະທານຂອງທ່ານ ພົຈວ ສົມແກ້ວ ສີລາວົງ ກຳມະການສູນກາງພັກເລຂາຄະນະພັກ ກະຊວງ ລັດຖະມົນຕີວ່າການກະຊວງ ປກສ ມີຄະນະພັກກະຊວງ, ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງ ກົມກອງອ້ອມຂ້າງກະຊວງ ເຂົ້າຮ່ວມ.

ພົຈວ ສົມແກ້ວ ສີລາວົງ ໄດ້ຜ່ານຂໍ້ຕົກລົງວ່າດ້ວຍມາດຖານການເລືອກເຟັ້ນເອົາພະນັກງານທີ່ຈະສະມັກຮັບເລືອກຕັ້ງ ເຂົ້າໃນຄະນະບໍລິຫານງານສູນກາງພັກສະໄໝທີ 10 ເຊິ່ງທ່ານໄດ້ກ່າວວ່າ: ຍ້ອນຄວາມຮຽກຮ້ອງຕ້ອງການຂອງການພັດທະນາປະເທດຊາດພັກຕ້ອງເພີ່ມທະວີບົດບາດການນຳພາ ແລະ ຍົກສູງຄວາມສາມາດຂອງພັກໃຫ້ສູງຂຶ້ນ ໂດຍສະເພາະແມ່ນບັນດາສະຫາຍກຳມະການສູນກາງພັກ ສະໄໝທີ 10 ຕ້ອງມີທັດສະນະການເມືອງໜັກແໜ້ນເປັນກາງແຫ່ງການນຳພາຂອງພັກ. ມີຄວາມເຂັ້ມງວດຕາມລະບຽບຫຼັກການນຳພາ, ເປັນແບບຢ່າງນຳໜ້າ ແລະ ມີຄວາມເປັນເອກະພາບສູງພາຍໃນພັກ. ປັດໃຈສຳຄັນແມ່ນການປະກອບບຸກຄະກອນເຂົ້າໃນຄະນະບໍລິຫານສູນກາງພັກຄັ້ງທີ 10 ພະນັກງານຂັ້ນຍຸດທະສາດຂອງພັກຕ້ອງຮັບປະກັນມາດຖານດ້ານຫຼັກໝັ້ນ,ທັດສະນະການເມືອງໜັກແໜ້ນມີຄຸນສົມບັດສິນທຳປະຕິວັດຖືກຕ້ອງ, ດ້ານຄວາມຮູ້ ແລະ ບົດຮຽນພຶດຕິກຳ ດ້ານຄວາມສາມາດໃນການຈັດຕັ້ງປະຕິບັດແນວທາງແຜນນະໂຍບາຍຂອງພັກ,ດ້ານແບບແຜນວິທີເຮັດວຽກ, ລະບຽບວິໄນ ແລະ ດ້ານສຸຂະພາບ. ໃນກອງປະຊຸມຍັງໄດ້ຮັບຟັງການເຜີຍແຜ່ຄຳແນະນຳກ່ຽວກັບການທາບທາມບຸກຄະລາກອນຄະນະບໍລິຫານງານສູນກາງພັກສະໄໝທີ 10 ເພື່ອເຮັດໃຫ້ສະມາຊິກພັກ-ພະນັກງານການນຳແຕ່ລະຂັ້ນໄດ້ໃຊ້ສິດປະຊາທິປະໄຕເຂົ້າໃນການເລືອກເຟັ້ນເອົາພັກນັກງານ ສະມາຊິກພັກທັງກຳມະການສູນກາງພັກຊຸດປະຈະບັນ ແລະສະເໜີໃໝ່ ມີມາດຖານ ມີເງື່ອນໄຂ ເພື່ອຮັບສະມັກເຂົ້າໃນຄະນະບໍລິຫານງານສູນກາງພັກສະໄໝທີ 10 .

ໃນຕອນບ່າຍຂອງວັນດຽວກັນກອງປະຊຸມທາບທາມກົດລະບຽບພັກ ແລະ ບຸກຄະລາກອນເພື່ອສະໝັກເລືອກເຂົ້າເປັນຄະນະບໍລິຫານງານສູນກາງພັກ ສະໄໝທີ 10 ຈຸທີ 2 ຂອງກະຊວງ ປກສ ໂດຍພາຍໃຕ້ການເປັນປະທານຂອງ ພົຈວ ກົງທອງ ພົງວິຈິດ ຮອງເລຂາຄະນະພັກກະຊວງ ລັດຖະມົນຕີຊ່ວຍວ່າການກະຊວງ ປກສ ຍັງໄດ້ຈັດຕັ້ງປ່ອນບັດທາບທາມບຸກຄະລາກກອນ ທີ່ເປັນພະນັກງານຂັ້ນນຳຂອງກະຊວງ ປກສ ເພື່ອຮັບສະມັກເລືອກຕັ້ງເຂົ້າໃນຄະນະບໍລິຫານງານສູນກາງພັກ ສະໄໝທີ 10

Off

Comments are closed.