03rd Sep2015

ຄະນະພັກກະຊວງສືບຕໍ່ທາບທາມ ກົດລະບຽບພັກສະບັບປັບປຸງໃໝ່.

by somchan

ໃນວັນທີ 3 ກັນຍານີ້ ຄະນະພັກກະຊວງ ປກສ ໄດ້ສືບຕໍ່ທາບທາມກົດລະບຽບພັກສະບັບ ປັບປຸງໃໝ່ແລະ ບຸກຄະລາກອນ ທີ່ຈະສະໝັກເລືອກຕັ້ງໃນຄະນະບໍລິຫານງານ ສູນກາງພັກສະໄໝທີ10 ຮອບທີ1, ຊຸດທີ 2 ທີ່ກະຊວງ ປກສ. ພາຍໃຕ້ການ ເປັນປະທານໂດຍທ່ານ ພົຈວ ສີສະຫວາດ ແກ້ວມາລາວົງ ຄະນະປະຈຳພັກກະຊວງ ຫົວໜ້າກົມໃຫຍ່ຕຳຫຼວດ, ມີຄະນະພັກ ຄະນະບັນຊາ ກົມໃຫຍ່ສັນຕິບານ ຫ້ອງວ່າການກະຊວງ ແລະ ກົມສື່ສານເຂົ້າຮ່ວມ.

ໃນກອງປະຊຸມໄດ້ຮັບຟັງການຜ່ານຮ່າງກົດລະບຽບຂອງພັກ ແລະ ຄະນະພັກ-ຄະນະບັນຊາແຕ່ລະກົມກອງໄດ້ປະກອບຄຳຄິດຄຳເຫັນໃສ່ຮ່າງກົດລະບຽບຂອງພັກສະບັບປັບປຸງໃຫມ່ສະໄໝທີ 10 ເພື່ອເຮັດໃຫ້ກົດລະບຽບພັກທີ່ຈະຜ່ານໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ10 ຂອງພັກໃຫ້ມີເນື້ອຖືກຕ້ອງ, ຈະແຈ້ງ, ຄົບຖ້ວນ ແລະສອດຄ່ອງກັບເງື່ອນໄຂໃຫມ່, ສາມາດປຸກລະດົມ ເຕົ້າໂຮມກຳລັງແຮງສູ້ຮົບຂອງທົ່ວພັກ, ຈຳກັດ ແລະ ແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຖັນແຖວພະນັກງານ, ສະມາຊິກພັກ, ເພື່ອເສີມຂະຫຍາຍປະຊາທິປະໄຕພາຍໃນພັກ, ຍາດແຍ້ງເອົາຄຳຄິດຄຳເຫັນຂອງບັນດາສະມາຊິກພັກເຂົ້າໃນການປັບປຸງກົດລະບຽບຢ່າງກ້ວາງຂວາງ, ແນ່ໃສ່ເຮັດໃຫ້ກົດລະບຽບສະບັບປັບປຸງໃຫມ່ເປັນສະຕິປັນຍາອັນລວມຍອດ,ເປັນໝາກຜົນການຄົ້ນຄ້ວາທິດສະດີອັນຫຼ້າສຸດຂອງທົ່ວພັກ ແລະ ມີຄວາມສັກສິດ. ໃນກອງປະຊຸມຍັງໄດ້ເຊື່ອມຊືມມາດຖານເງື່ອນໄຂເລືອກເຟັ້ນບຸກຄະລາກອນ ຮັບສະໝັກເລືອກຕັ້ງຄະນະບໍລິຫານງານສູນກາງພັກສະໄໝ ທີ 10. ກອງປະຊຸມຈະໄດ້ດຳເນີນໄປເປັນເວລາ 2 ວັນ.

 

Off

Comments are closed.